ನಾವು ಒಮ್ಮೆ ಜಗತ್ತನ್ನು ಮುನ್ನೆಡೆಸಿದ್ದೇವೆ ಆದ್ರೆ... ಮಹತ್ವದ ಹೇಳಿಕೆ ಕೊಟ್ಟ RSS ಮುಖ್ಯಸ್ಥ ಮೋಹನ್​​ ಭಾಗವತ್

ಭಾರತವು 3,000 ವರ್ಷಗಳ ಹಿಂದೆಯೇ ಜಗತ್ತನ್ನು ಮುನ್ನಡೆಸಿತ್ತು. ಆದರೆ, ಬೇರೆ ಯಾವುದೇ ದೇಶವನ್ನು ವಶಪಡಿಸಿಕೊಂಡಿಲ್ಲ ಅಥವಾ ಯಾರ ವ್ಯಾಪಾರವನ್ನೂ ನಿಗ್ರಹಿಸಿಲ್ಲ. ಹೋದಲ್ಲೆಲ್ಲಾ ಭಾರತ ನಾಗರಿಕತೆ ಮತ್ತು ಜ್ಞಾನವನ್ನು ನೀಡಿದೆ ಎಂದು ರಾಷ್ಟ್ರೀಯ ಸ್ವಯಂಸೇವಕ ಸಂಘದ(RSS) ಮುಖ್ಯಸ್ಥ ಮೋಹನ್​​ ಭಾಗವತ್ ಹೇಳಿದ್ದಾರೆ.

ಇದನ್ನೂ ಓದಿ:ಗ್ರೇಟ್​ ನಿಕೋಬಾರ್​ ಆರ್ಥಿಕತೆಗೆ ಬಂಪರ್​, ಚೀನಾಕ್ಕೆ ಟಕ್ಕರ್

ಇಂದೋರ್​ನಲ್ಲಿ ಭಾನುವಾರ ನಡೆದ ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು.

ಭಾಗವತ್​ ಹೇಳಿದ್ದೇನು?

ನಾವು ಒಮ್ಮೆ ಜಗತ್ತನ್ನು ಮುನ್ನಡೆಸಿದ್ದೇವೆ. ನಾವು ಯಾವುದೇ ದೇಶವನ್ನು ವಶಪಡಿಸಿಕೊಂಡಿಲ್ಲ, ನಾವು ಯಾರ ವ್ಯಾಪಾರವನ್ನೂ ನಿಗ್ರಹಿಸಿಲ್ಲ, ನಾವು ಯಾರನ್ನೂ ಬದಲಾಯಿಸಿಲ್ಲ, ನಾವು ಯಾರನ್ನೂ ಮತಾಂತರಿಸಿಲ್ಲ. ನಾವು ಎಲ್ಲಿಗೆ ಹೋದರೂ, ನಾವು ನಾಗರಿಕತೆ, ಜ್ಞಾನವನ್ನು ನೀಡಿದ್ದೇವೆ, ನಾವು ಧರ್ಮಗ್ರಂಥಗಳನ್ನು ಕಲಿತಿದ್ದೇವೆ ಮತ್ತು ಜೀವನವನ್ನು ಸುಧಾರಿಸಿದ್ದೇವೆ. ಪ್ರತಿಯೊಂದು ರಾಷ್ಟ್ರಕ್ಕೂ ತನ್ನದೇ ಆದ ಗುರುತಿತ್ತು, ಎಲ್ಲವೂ ಇತ್ತು, ಆದರೆ, ಅವರ ನಡುವೆ ಉತ್ತಮ ಸಂವಹನವಿತ್ತು. ಇಂದು ಅದು ಇಲ್ಲ ಎಂದರು.

ಇದನ್ನೂ ಓದಿ:ಶಿರಚ್ಛೇದನ ಪ್ರಕರಣ; ಅಕ್ರಮ ವಲಸಿಗರ ಬಗ್ಗೆ ಮೃದು ಧೋರಣೆ ವಹಿಸುವ ಕಾಲ ಮುಗಿದಿದೆ: Donald Trump

"ಭಾರತವು ಅತ್ಯುತ್ತಮ ದೇಶವಾಗಿತ್ತು. 3,000 ವರ್ಷಗಳಿಂದ ಜಗತ್ತಿನಲ್ಲಿ ಯಾವುದೇ ಸಂಘರ್ಷ ಇರಲಿಲ್ಲ... ತಾಂತ್ರಿಕ ಪ್ರಗತಿ ತುಂಬಾ ಹೆಚ್ಚಿತ್ತು, ಆದರೆ ಪರಿಸರ ಹದಗೆಡಲಿಲ್ಲ. ಮಾನವ ಜೀವನವು ಸಂತೋಷ ಮತ್ತು ಸುಸಂಸ್ಕೃತವಾಗಿತ್ತು." ಎಂದು ಭಾಗವತ್​ ಹೇಳಿದ್ದಾರೆ.

ಹೇಳಿಕೆ ಹಿನ್ನೆಲೆ ಏನು?

ಕೆಲವು ದಿನಗಳ ಹಿಂದೆ, ಭಾರತದ ಬೆಳವಣಿಗೆಯ ಭಯದಿಂದ ಅದರ ಮೇಲೆ ಸುಂಕಗಳನ್ನು ವಿಧಿಸಲಾಗಿದೆ ಎಂದು ಭಾಗವತ್ ಹೇಳಿದ್ದರು. ಜಾಗತಿಕ ಶಕ್ತಿಗಳು ಭಾರತದ ಹೆಚ್ಚುತ್ತಿರುವ ಶಕ್ತಿಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. "ಬೇರೆ ಯಾರಾದರೂ ದೊಡ್ಡವರಾದರೆ ಅವರಿಗೆ ಏನಾಗಬಹುದು ಎಂದು ಜನರು ಭಯಪಡುತ್ತಾರೆ. ಭಾರತ ಬೆಳೆದರೆ ಅವರು ಎಲ್ಲಿರುತ್ತಾರೆ? ಆದ್ದರಿಂದ, ಅವರು(ಅಮೆರಿಕ) ಸುಂಕವನ್ನು ವಿಧಿಸಿದರು ಎಂದು ಭಾಗವತ್ ಯಾವುದೇ ದೇಶವನ್ನು ಹೆಸರಿಸದೆ ಹೇಳಿದ್ದರು.(ಏಜೆನ್ಸೀಸ್​)

https://www.vijayavani.net/beheading-case-time-be-soft-on-illegal-immigrants-is-over-donald-trump