ಶಿರಚ್ಛೇದನ ಪ್ರಕರಣ; ಅಕ್ರಮ ವಲಸಿಗರ ಬಗ್ಗೆ ಮೃದು ಧೋರಣೆ ವಹಿಸುವ ಕಾಲ ಮುಗಿದಿದೆ: Donald Trump

ವಾಷಿಂಗ್ಟನ್: ಸೆ.10ರಂದು ಟೆಕ್ಸಾಸ್‌ನ ಡಲ್ಲಾಸ್‌ನಲ್ಲಿ ಕ್ಯೂಬಾದ ವಲಸಿಗನಿಂದ ಶಿರಚ್ಛೇದನಕ್ಕೊಳಗಾದ ಭಾರತೀಯ ವ್ಯಕ್ತಿ ಚಂದ್ರ ನಾಗಮಲ್ಲಯ್ಯ ಅವರ ಹತ್ಯೆಗೆ ಸಂಬಂಧಪಟ್ಟಂತೆ ಇದೀಗ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್(Donald Trump) ಪ್ರತಿಕ್ರಿಯಿಸಿದ್ದಾರೆ.

ಹೌದು, ಇದೇ ಮೊದಲ ಬಾರಿಗೆ ಈ ಕುರಿತು ಮಾತನಾಡಿದ್ದು, "ಅಮೆರಿಕವನ್ನು ಮತ್ತೆ ಸುರಕ್ಷಿತವನ್ನಾಗಿ ಮಾಡುವುದಾಗಿ ಪ್ರತಿಜ್ಞೆ'' ಮಾಡಿದರು.ಅಲ್ಲದೆ, ತಮ್ಮ ಆಡಳಿತದಲ್ಲಿ ಅಕ್ರಮ ವಲಸಿಗ ಅಪರಾಧಿಗಳ ಬಗ್ಗೆ ಮೃದು ವಾಗಿರುವುದಿಲ್ಲ ಎಂದು ಖಡಕ್​ ಎಚ್ಚರಿಕೆ ನೀಡಿದ್ದಾರೆ. ಈ ಕುರಿತು ತಮ್ಮ ಟ್ರುತ್ ಸೋಶಿಯಲ್ ಪ್ಲಾಟ್‌ಫಾರ್ಮ್‌ನಲ್ಲಿ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

ಇದನ್ನೂ ಓದಿ:ಕಾರು ಸಾಲ ರದ್ದು ಮಾಡಿ…! ಬ್ಯಾಂಕ್​ಗಳಿಗೆ ನೂರಾರು ಗ್ರಾಹಕರ ಕೋರಿಕೆ

"ಟೆಕ್ಸಾಸ್‌ನ ಡಲ್ಲಾಸ್‌ನಲ್ಲಿ ಗೌರವಾನ್ವಿತ ವ್ಯಕ್ತಿಯಾಗಿದ್ದ ಚಂದ್ರ ನಾಗಮಲ್ಲಯ್ಯ ಅವರನ್ನು ಕ್ಯೂಬಾದ ಅಕ್ರಮ ಅನ್ಯಲೋಕದ ವ್ಯಕ್ತಿಯೊಬ್ಬರು ತಮ್ಮ ಪತ್ನಿ ಮತ್ತು ಮಗನ ಮುಂದೆಯೇ ಕ್ರೂರವಾಗಿ ಶಿರಚ್ಛೇದ ಮಾಡಿ ಕೊಲೆ ಮಾಡಿದ ಘಟನೆಯ ಬಗ್ಗೆ ಭಯಾನಕ ವರದಿಗಳು ನನಗೆ ತಿಳಿದಿವೆ, ಈ ವ್ಯಕ್ತಿ ನಮ್ಮ ದೇಶದಲ್ಲಿ ಎಂದಿಗೂ ಇರಬಾರದಿತ್ತು" ಎಂದಿದ್ದಾರೆ.

ಸೆ.10ರಂದು ಶಿರಚ್ಛೇದನ!

ಸೆಪ್ಟೆಂಬರ್ 10 ರಂದು, ಟೆಕ್ಸಾಸ್‌ನ ಡಲ್ಲಾಸ್‌ನಲ್ಲಿರುವ ಮೋಟೆಲ್‌ನಲ್ಲಿ 41 ವರ್ಷದ ನಾಗಮಲ್ಲಯ್ಯ ಅವರನ್ನು ಮಾರಣಾಂತಿಕವಾಗಿ ಹಲ್ಲೆ ನಡೆಸಿ ಶಿರಚ್ಛೇದ ಮಾಡಲಾಗಿದೆ. 37 ವರ್ಷದ ಆರೋಪಿ ಮಾರ್ಟಿನೆಜ್‌ನನ್ನು ಬಂಧಿಸಿ ಮರಣದಂಡನೆ ಶಿಕ್ಷೆ ವಿಧಿಸಲಾಗಿದೆ.

ಬಿಡೆನ್ ಆಡಳಿತವನ್ನು ಟೀಕಿಸಿದ ಟ್ರಂಪ್

ಕೊಲೆ ಆರೋಪಿಗಳನ್ನು ಬಿಡುಗಡೆ ಮಾಡಿದ್ದಕ್ಕಾಗಿ ಈ ಹಿಂದಿನ ಬಿಡೆನ್ ಆಡಳಿತವನ್ನು ಟ್ರಂಪ್ ದೂಷಿಸಿದರು. "ಈ ವ್ಯಕ್ತಿಯನ್ನು(ಆರೋಪಿ ಮಾರ್ಟಿನೆಜ್‌) ಈ ಹಿಂದೆ ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ಸೇರಿದಂತೆ ಭಯಾನಕ ಕ್ರಿಮಿನಲ್​ ಕೇಸ್​ಗಳ ಆರೋಪ ಹಿನ್ನೆಲೆ ಬಂಧಿಸಲಾಗಿತ್ತು. ಆದರೆ, ಅಸಮರ್ಥ ಜೋ ಬಿಡೆನ್ ಅವರ ನೇತೃತ್ವದಲ್ಲಿ ನಮ್ಮ ತಾಯ್ನಾಡಿಗೆ ಮತ್ತೆ ಆ ಆರೋಪಿಯನ್ನು ಬಿಡುಗಡೆ ಮಾಡಲಾಯಿತು.

ಖಚಿತವಾಗಿರಿ.. ಈ ಅಕ್ರಮ ವಲಸಿಗ ಅಪರಾಧಿಗಳ ಬಗ್ಗೆ ಮೃದುವಾಗಿ ವರ್ತಿಸುವ ಸಮಯ ನನ್ನ ಕಣ್ಗಾವಲಿನಲ್ಲಿ ಮುಗಿದಿದೆ!" ಎಂದು ಟ್ರಂಪ್ ಹೇಳಿದರು.(ಏಜೆನ್ಸೀಸ್​)

https://www.vijayavani.net/beheaded-in-front-of-wife-and-son-indian-brutally-murdered-in-america