ಬೆಂಗಳೂರಿನಲ್ಲೇ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಮುಗಿಸಿದ ಅಕ್ಷತಾ, ಉನ್ನತ ವ್ಯಾಸಂಗಕ್ಕಾಗಿ ಹೋಗಿದ್ದು ಅಮೆರಿಕಕ್ಕೆ. ಲಾಸ್ ಏಂಜಲೀಸ್ನಲ್ಲಿ ಫ್ಯಾಷನ್ ಡಿಸೈನಿಂಗ್ ಕಲಿತರು. ನಂತರ ಸ್ಟಾೃನ್ಫೋರ್ಡ್ ವಿಶ್ವವಿದ್ಯಾಲಯದಲ್ಲಿ ಎಂಬಿಎ ಮಾಡಿದರು. ಆಗಲೇ ರಿಷಿ ಸುನಕ್ ಅವರನ್ನು ಅಕ್ಷತಾ ಮೊದಲು ಭೇಟಿಯಾಗಿದ್ದು. ಓದಿನಲ್ಲಿ ಚುರುಕಾಗಿದ್ದ ರಿಷಿ, ಆಗಲೇ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯದಲ್ಲಿ ಪದವಿ ಪಡೆದು, ಎಂಬಿಎ ಓದಲು ಸ್ಟಾೃನ್ಫೋರ್ಡ್ಗೆ ಬಂದಿದ್ದರು. ಇವರಿಬ್ಬರ ಭೇಟಿ, ನಂತರ ಪ್ರೀತಿಗೆ ತಿರುಗಿತು. ಪಾಲಕರನ್ನು ಒಪ್ಪಿಸಿ 2009ರಲ್ಲಿ ಬೆಂಗಳೂರಿನಲ್ಲೇ ಮದುವೆಯಾದರು. ಆ ಮದುವೆ ಸಮಾರಂಭದಲ್ಲಿ ದೇಶದ ಹಲವು ಗಣ್ಯಾತಿಗಣ್ಯರು ಭಾಗವಹಿಸಿದ್ದರು.
