ಎಲ್‌ಎಸಿ ಬಳಿ ಚೀನಿ ಸೇನೆ ಜಮಾವಣೆಯಿಂದ ಆತಂಕ

ನವದೆಹಲಿ: ವಾಸ್ತವ ಗಡಿ ನಿಯಂತ್ರಣ ರೇಖೆಯಲ್ಲಿ (ಎಲ್‌ಎಸಿ) ಚೀನಾ ಸೈನಿಕರು ಜಮಾವಣೆಗೊಳ್ಳುತ್ತಿರುವುದು ತುಂಬ ಕಳವಳಕಾರಿ ವಿಚಾರ ಎಂದು ಮಾಸ್ಕೋದಲ್ಲಿ ಚೀನಿ ವಿದೇಶಾಂಗ ಸಚಿವ ವಾಂಗ್ ಯೀ ಜತೆಗಿನ ಮಾತುಕತೆ ಸಮಯದಲ್ಲಿ ಎಸ್. ಜೈಶಂಕರ್ ಗಮನಕ್ಕೆ ತಂದಿದ್ದಾರೆ.

ಇದನ್ನೂ ಓದಿ: ಜಿಎಸ್​ಟಿ ನಷ್ಟಭರ್ತಿಗೆ ಆರ್​ಬಿಐನಿಂದ ಸಾಲ: ಕೇಂದ್ರ ಕೊಟ್ಟ ಮೊದಲ ಆಯ್ಕೆಗೆ ಜೈಕಾರ

ಚೀನಾದ ಮುಂಚೂಣಿ ಪಡೆಗಳು ಎಲ್‌ಎಸಿ ಉದ್ದಕ್ಕೂ ನಡೆಸುತ್ತಿರುವ ಪ್ರಚೋದನಕಾರಿ ಕೃತ್ಯಗಳು ಆ ದೇಶ ದ್ವಿಪಕ್ಷೀಯ ಒಪ್ಪಂದಗಳು ಮತ್ತು ಶಿಷ್ಟಾಚಾರಗಳನ್ನು ಗೌರವಿಸುವುದಿಲ್ಲ ಎನ್ನುವುದಕ್ಕೆ ಸಾಕ್ಷಿಯಾಗಿದೆ. ಭಾರತ ಎಲ್ಲ ಒಪ್ಪಂದಗಳು ಮತ್ತು ಶಿಷ್ಟಾಚಾರಗಳನ್ನು ಅನುಸರಿಸುತ್ತಿದೆ ಎಂದು ಜೈಶಂಕರ್ ಹೇಳಿದರು.

ಇದನ್ನೂ ಓದಿ: ಕೋವಿಡ್ 19 ರೋಗಿಗಳಿಗೆ ಆ್ಯಂಬುಲೆನ್ಸ್ ಶುಲ್ಕ ನಿಗದಿ ಮಾಡಿ- ರಾಜ್ಯಗಳಿಗೆ ಸುಪ್ರೀಂ ನಿರ್ದೇಶನ

ಇಷ್ಟು ದೊಡ್ಡ ಪ್ರಮಾಣದಲ್ಲಿ ಚೀನಿ ಪಡೆಗಳು ಜಮಾವಣೆಗೊಂಡಿರುವುದು 1993 ಮತ್ತು 1996ರ ಒಪ್ಪಂದಗಳಿಗೆ ವಿರುದ್ಧವಾದುದಾಗಿದೆ. ಅದರಿಂದಾಗಿ ಎಲ್‌ಎಸಿಯಲ್ಲಿ ಸಮಸ್ಯೆ ಉಂಟಾಗಿದೆ. ಇದರಿಂದಾಗಿ ಉಭಯ ದೇಶಗಳ ನಡುವಿನ ಸಂಬಂಧ ಮತ್ತೆ ಕವಲು ದಾರಿಯಲ್ಲಿದೆ ಎಂದು ಅವರು ವಿಶ್ಲೇಷಿಸಿದರು. ಸಂಘರ್ಷದ ಎಲ್ಲ ಸ್ಥಳಗಳಿಂದ ಸೈನಿಕರನ್ನು ಸಂಪೂರ್ಣವಾಗಿ ಹಿಂದೆ ಪಡೆಯುವುದೇ ‘ಭವಿಷ್ಯದಲ್ಲಿ ಯಾವುದೇ ಅನಪೇಕ್ಷಿತ ಘಟನೆ ತಡೆಯಲು ಇರುವ ಏಕೈಕ ಮಾರ್ಗ’ ಎಂಬುದು ಭಾರತದ ಸ್ಪಷ್ಟ ನಿಲುವು.

ಇದನ್ನೂ ಓದಿ: ಗಾಂಜಾ ವ್ಯಸನಿಗಳ ಚಳಿ ಬಿಡಿಸಿದ ಪೊಲೀಸರು, ಉಡುಪಿಯಲ್ಲಿ 10 ಮಂದಿ ವಶಕ್ಕೆ

ಈ ಮಧ್ಯೆ, ಚೀನಾ ವಿದೇಶಾಂಗ ಸಚಿವಾಲಯ ಹೇಳಿಕೆ ನೀಡಿ, ಕೆಲವು ನಿರ್ದಿಷ್ಟ ವಿಷಯಗಳ ಇತ್ಯರ್ಥಕ್ಕಾಗಿ ಮಾತುಕತೆ ನಡೆಸುವುದಕ್ಕೆ ತನ್ನ ಸಂಪೂರ್ಣ ಬೆಂಲವಿದೆ. ಈಗ ಬೇಕಿರುವುದು ಸಹಕಾರವೇ ಹೊರತು ಸಂಘರ್ಷವಲ್ಲ. ಪರಸ್ಪರ ವಿಶ್ವಾಸವೇ ಹೊರತು ಅನುಮಾನವಲ್ಲ ಎಂದು ಹೇಳಿದೆ.

https://www.vijayavani.net/dgca-sends-notice-to-indigo-over-safety-violations-on-flight-carrying-kangana/