ಆದರೆ, ಮೇಕಪ್ ರೂಮ್ನಲ್ಲಿ ಒಂದು ದೊಡ್ಡ ಕನ್ನಡಿ ನೇತು ಹಾಕಿರುವುದು ಪೊಲೀಸರ ಗಮನವನ್ನು ಸೆಳೆಯಿತು. ಅದರನ್ನು ತೆರವು ಮಾಡಲು ಪೊಲೀಸರು ಯತ್ನಿಸಿದರು ಆದರೆ, ಸಾಧ್ಯವಾಗದಿದ್ದಾಗ ಅದನ್ನು ಒಡೆದು ಹಾಕಲು ನಿರ್ಧರಿಸಿದರು. ಬಳಿಕ ಸುತ್ತಿಗೆಯಿಂದ ಕನ್ನಡಿಯನ್ನು ಹೊಡೆದಾಗ ಪೊಲೀಸರಿಗೆ ಅಚ್ಚರಿಯೊಂದು ಕಾದಿತ್ತು. ಅಲ್ಲಿ ರಹಸ್ಯ ಕೋಣೆಯೊಂದು ಇರುವುದನ್ನು ನೋಡಿದ ಪೊಲೀಸರು, ಒಳಗೆ ನೋಡಿದಾಗ ಅಲ್ಲಿ ಮಹಿಳೆಯರು ಪತ್ತೆಯಾಗಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಕನ್ನಡಿಯನ್ನು ಹೊಡೆಯುತ್ತಿರುವುದು ಮತ್ತು ರಹಸ್ಯ ಕೋಣೆಯಿಂದ ಮಹಿಳೆಯರು ಹೊರಬರುತ್ತಿರುವ ದೃಶ್ಯವನ್ನು ವಿಡಿಯೋದಲ್ಲಿ ಕಾಣಬಹುದು.
