ಹೈದರಾಬಾದ್: ಬಾಹುಬಲಿ ಸಿನಿಮಾ ಖ್ಯಾತಿಯ ರಾಜಮೌಳಿ ನಿರ್ದೇಶನದ ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ “ಆರ್ಆರ್ಆರ್” ಸಿನಿಮಾ ಬಿಡುಗಡೆ ಸಜ್ಜಾಗಿದೆ. ಜನವರಿ 7ರಂದು ವಿಶ್ವದಾದ್ಯಂತ ಚಿತ್ರ ತೆರೆಗೆ ಅಪ್ಪಳಿಸಲಿದೆ. ಹೀಗಾಗಿ ಚಿತ್ರತಂಡ ಭಾರೀ ಪ್ರಚಾರದಲ್ಲಿ ತೊಡಗಿಕೊಂಡಿದೆ. “ಆರ್ಆರ್ಆರ್” ಪ್ಯಾನ್ ಇಂಡಿಯಾ ಸಿನಿಮಾ ಆಗಿದ್ದು, ಇಡೀ ಚಿತ್ರತಂಡ ದೇಶದ ಪ್ರಮುಖ ನಗರಗಳಿಗೆ ತೆರಳಿ ತಮ್ಮ ಚಿತ್ರದ ಪ್ರಚಾರವನ್ನು ಮಾಡುತ್ತಿದೆ.
ಚಿತ್ರದ ನಾಯಕ ನಟರಾದ ರಾಮ್ಚರಣ್ ಮತ್ತು ಜೂನಿಯರ್ ಎನ್ಟಿಆರ್ ಕೂಡ ನಿರ್ದೇಶಕ ರಾಜಮೌಳಿಗೆ ಸಾಥ್ ನೀಡಿದ್ದಾರೆ. ಈಗಾಗಲೇ ಬೆಂಗಳೂರು, ಚೆನ್ನೈ ಮತ್ತು ಮುಂಬೈಗೆ ಚಿತ್ರತಂಡ ಭೇಟಿ ನೀಡಿ ತಮ್ಮ ಚಿತ್ರದ ಬಗ್ಗೆ ಸುದ್ದಿಗೋಷ್ಠಿ ನಡೆಸಿದೆ. ಈ ವೇಳೆ ಸಿನಿಮಾ ಬಗ್ಗೆ ಸಾಕಷ್ಟು ಸಂಗತಿಗಳನ್ನು ಚಿತ್ರತಂಡ ಹಂಚಿಕೊಂಡಿದೆ. ಆದರೆ, ಈಗ ನಾವು ಹೇಳ ಹೊರಟಿರುವ ವಿಷಯ ಸಿನಿಮಾ ಬಗ್ಗೆ ಅಲ್ಲ. ಯಾವುದರ ಬಗ್ಗೆ ಅಂದರೆ, ಜೂನಿಯರ್ ಎನ್ಟಿಆರ್ ಅವರ ಕೈಗಡಿಯಾರದ ಬಗ್ಗೆ.
ಹೌದು. ಜೂ. ಎನ್ಟಿಆರ್ ಹೋದ ಕಡೆಯಲ್ಲೆಲ್ಲ ಅವರು ಧರಿಸಿರುವ ವಾಚ್ ಎಲ್ಲರ ಗಮನ ಸೆಳೆಯುತ್ತಿದೆ. ದುಬಾರಿ ಕಾರು, ಬೈಕ್ ಮಾತ್ರ ಎನ್ಟಿಆರ್ ಬಳಿಯಿಲ್ಲ, ಅದ್ಧೂರಿ ವಾಚ್ ಸಂಗ್ರಹವೂ ಕೂಡ ಅವರ ಬಳಿಯಿದೆ ಎಂಬುದಕ್ಕೆ ಆರ್ಆರ್ಆರ್ ಪ್ರೆಸ್ಮೀಟ್ನಲ್ಲಿ ಧರಿಸಿದ್ದ ವಾಚ್ ಒಂದು ಉದಾಹರಣೆ ಆಗಿದೆ. ಎನ್ಟಿಆರ್ ಧರಿಸಿರುವ ವಾಚ್ನ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಅದರ ಬೆಲೆ ತಿಳಿದುಕೊಳ್ಳಲು ನೆಟ್ಟಿಗರು ಎದುರು ನೋಡುತ್ತಿದ್ದಾರೆ.
ಸೆಲೆಬ್ರಿಟಿಗಳು ದುಬಾರಿ ವಸ್ತುಗಳನ್ನು ಹೊಂದುವುದು ಸಾಮಾನ್ಯ ಸಂಗತಿ. ಆದರೆ, ಎನ್ಟಿಆರ್ ವಾಚ್ನ ಬೆಲೆ ಕೇಳಿದ್ರೆ ಇವರು ಇಷ್ಟೊಂದು ಐಷಾರಾಮಿ ಜೀವನ ನಡೆಸುತ್ತಿದ್ದಾರಾ ಎಂದು ಹುಬ್ಬೇರಿಸದೇ ಇರಲಾರಿರಿ. ಏಕೆಂದರೆ, ಜೂ.ಎನ್ಟಿಆರ್ ಕೈಯಲ್ಲಿರುವ ವಾಚ್ನ ಬೆಲೆ ಬರೋಬ್ಬರಿ 4 ಕೋಟಿ ರೂಪಾಯಿ.
ವಾಚ್ನ ಹೆಸರು ರಿಚಾರ್ಡ್ ಮಿಲ್ಲೆ ಆರ್ಎಂ011 ಕಾರ್ಬನ್ ಎನ್ಟಿಪಿಟಿ ಗ್ರೊಸ್ಜೀನ್ ರೋಸ್ ಗೋಲ್ಡ್ ಲೋಟಸ್ ಎಫ್ 1. ಇದು ಸೀಮಿತ ಆವೃತ್ತಿಯ ವಾಚ್. ಇದರ ನಿಖರ ಬೆಲೆ 3 ಕೋಟಿ 99 ಲಕ್ಷದ 32 ಸಾವಿರದ 392 ರೂಪಾಯಿ. ವಿಶ್ವದಲ್ಲೇ ಅತ್ಯಂತ ದುಬಾರಿ ವಾಚ್ಗಳಲ್ಲಿ ಇದು ಕೂಡ ಒಂದಾಗಿದೆ. ಇದರ ಬೆಲೆ ತಿಳಿದುಕೊಂಡ ನೆಟ್ಟಿಗರ ತಲೆ ತಿರುಗುತ್ತಿದೆ. ಈ ವಾಚ್ಗೆ ಇಷ್ಟೊಂದಾ ಎಂದು ಹುಬ್ಬೇರಿಸುತ್ತಿದ್ದಾರೆ. ಇನ್ನು ಎನ್ಟಿಆರ್ ಅವರ ಸಹೋದರ ಕಲ್ಯಾನ್ ರಾಮ್ ಕೂಡ ಈ ಹಿಂದೆ ಕೋಟಿ ಬೆಲೆ ಬಾಳುವ ವಾಚ್ಗಳನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಸಾಕಷ್ಟು ಬೆಲೆ ಬಾಳುವ ವಸ್ತುಗಳು ಜೂ. ಎನ್ಟಿಆರ್ ಬಳಿ ಇವೆ. (ಏಜೆನ್ಸೀಸ್)
ರಾಕಿಂಗ್ ಸ್ಟಾರ್ ಯಶ್ ಧರಿಸಿರುವ ರೋಲೆಕ್ಸ್ ವಾಚ್ ದರ ಕೇಳಿದ್ರೆ ನಿಜಕ್ಕೂ ದಂಗಾಗ್ತೀರಾ..!
VIDEO: ಏಲಿಯನ್ಗಳ ಇರುವಿಕೆ ಸತ್ಯವಾಯ್ತಾ? ಹಾರಾಟ ನಡೆಸುತ್ತಿದ್ದ ಜೀವಿಗಳ ಕ್ಯಾಮೆರಾದಲ್ಲಿ ಸೆರೆ ಹಿಡಿದ ಪೈಲಟ್!
ಮೇ ತಿಂಗಳಲ್ಲಿ ಮೃತಪಟ್ಟ ವ್ಯಕ್ತಿಗೆ ಡಿಸೆಂಬರ್ನಲ್ಲಿ 2ನೇ ಡೋಸ್ ಕರೊನಾ ಲಸಿಕೆ: ಆಘಾತಕ್ಕೊಳಗಾದ ಕುಟುಂಬ