ಅ.23 ಪ್ರಭಾಸ್​ ಜನ್ಮದಿನ; ಹೊರಬೀಳಲಿದೆ ಬಹುನಿರೀಕ್ಷಿತ ಸಿನಿಮಾದ ಹೊಸ ಅಪ್ಡೇಟ್​

ಆಂಧ್ರಪ್ರದೇಶ: ಟಾಲಿವುಡ್​ನ ರೆಬೆಲ್​ ಸ್ಟಾರ್​, ಡಾರ್ಲಿಂಗ್​ ಪ್ರಭಾಸ್​ ಅಭಿನಯದ ಬಹುನಿರೀಕ್ಷಿತ ಪ್ಯಾನ್​ ಇಂಡಿಯಾ ಸಿನಿಮಾಗಳು ಸದ್ಯ ಬಿಡುಗಡೆಯತ್ತ ಮುಖ ಮಾಡಿದ್ದು, ಪ್ರಭಾಸ್​ ಅವರ ಮೇಲೆ ಭಾರೀ ನಿರೀಕ್ಷೆಗಳು ಹೆಚ್ಚಿವೆ.

ಇದನ್ನೂ ಓದಿ: ಯೋಗದಿಂದ ಮನಸ್ಸಿನ ಹತೋಟಿ, ಸ್ವಾಮಿ ಜಿತಕಾಮಾನಂದ ಜೀ ಆಶಯ

ಈ ಮಧ್ಯೆ 'ಸಲಾರ್' ರಿಲೀಸ್ ಡಿಸೆಂಬರ್​ ತಿಂಗಳಿಗೆ ಮುಂದೂಡಿಕೆಯಾಗಿದೆ. ಹಾಗಾಗಿ ಅಭಿಮಾನಿಗಳಲ್ಲಿ ಸದ್ಯ ತೀವ್ರ ಕುತೂಹಲ ಮೂಡಿರುವುದು ಅ.23 ರಂದು ಪ್ರಭಾಸ್​ ಜನ್ಮದಿನಕ್ಕೆ ಸೈ-ಫೈ ಸಿನಿಮಾ ​'ಕಲ್ಕಿ 2898 AD' ಅಧಿಕೃತ ರಿಲೀಸ್​ ದಿನಾಂಕವನ್ನು ಚಿತ್ರತಂಡ ಘೋಷಿಸಲಿದೆ ಎಂಬ ಸಂಗತಿ.

ಅ. 23 ರಂದು 44ನೇ ವಸಂತಕ್ಕೆ ಕಾಲಿಡಲಿರುವ ಪ್ಯಾನ್ ಇಂಡಿಯಾ ಸ್ಟಾರ್​ ಪ್ರಭಾಸ್​ ಅವರ ಜನ್ಮದಿನಕ್ಕೆ ಫ್ಯಾನ್ಸ್​ ಕಾತರದಿಂದ ಕಾಯುತ್ತಿದ್ದು, ತಮ್ಮ ನೆಚ್ಚಿನ ನಟನ ಹುಟ್ಟುಹಬ್ಬಕ್ಕೆ ಶುಭಕೋರಲು ಸಜ್ಜಾಗಿದ್ದಾರೆ. ಈಗಾಗಲೇ ಹಲವೆಡೆ ಪ್ರಭಾಸ್​ ಜನ್ಮದಿನವನ್ನು ಮಧ್ಯರಾತ್ರಿಯಿಂದಲೇ ಆಚರಿಸಲು ಸಕಲ ತಯಾರಿಗಳನ್ನು ಕೂಡ ಮಾಡಿಕೊಳ್ಳಲಾಗಿದೆ.

ಇದನ್ನೂ ಓದಿ: ಗೃಹ ಸಚಿವರ ಕೋಪಕ್ಕೆ ಮೂವರು ಕಾನ್ಸ್ಟೇಬಲ್ ತಲೆದಂಡ!

ಈ ನಡುವೆ ಸೋಷಿಯಲ್​ ಮೀಡಿಯಾದಲ್ಲಿ ಪ್ರಭಾಸ್​ ಅಭಿನಯದ ಸೈನ್ಸ್​-ಫಿಕ್ಷನ್​ ಆಧರಿತ, ನಾಗ್ ಅಶ್ವಿನ್ ನಿರ್ದೇಶನದ 'ಕಲ್ಕಿ 2898 AD' ಸಿನಿಮಾದ ಅಧಿಕೃತ ರಿಲೀಸ್​ ದಿನಾಂಕ ಪ್ರಭಾಸ್​ ಹುಟ್ಟುಹಬ್ಬದ ದಿನವೇ ಪೋಸ್ಟರ್​ ಮೂಲಕ ಘೋಷಣೆಯಾಗಲಿದೆ ಎಂಬ ವಿಷಯ ಸದ್ಯ ಸಿಕ್ಕಾಪಟ್ಟೆ ಚರ್ಚೆಯಾಗುತ್ತಿದೆ. ಸದ್ಯ ಈ ಬಗ್ಗೆ ನಾಳೆ ಚಿತ್ರತಂಡ ಏನು ಹೇಳಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ಚಿತ್ರದಲ್ಲಿ ಪ್ರಭಾಸ್​, ದೀಪಿಕಾ ಪಡುಕೋಣೆ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿದ್ದು, ಅಮಿತಾಬ್ ಬಚ್ಚನ್, ಕಮಲ್ ಹಾಸನ್, ದಿಶಾ ಪಟಾನಿ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ವೈಜಯಂತಿ ಮೂವೀಸ್ ಈ ಚಿತ್ರಕ್ಕೆ ಬಂಡವಾಳ ಹೂಡಿದೆ,(ಏಜೆನ್ಸೀಸ್).

https://www.vijayavani.net/rashmika-mandanna-next-film-tittle-announced