ವರದಿಗಳ ಪ್ರಕಾರ, ಶುಕ್ರವಾರ (ಜುಲೈ 12) ಮಧ್ಯಾಹ್ನ 1 ಗಂಟೆಗೆ ಈ ಘಟನೆ ಸಂಭವಿಸಿದೆ. ರಾಯ್ಪುರದ ಬೋರಿಯಾ ಮೋತಿನಗರದ ನಿವಾಸಿ ಶಾಹಿದ್ ಖಾನ್ ಅವರ ಪುತ್ರ ಸಲ್ಮಾನ್ ಖಾನ್, ಡಾ.ಅಕ್ಷತ್ ರಾವ್ ಅವರ ಮನೆಗೆ ಪಿವಿಸಿ ಪ್ಯಾನೆಲ್ಗಳನ್ನು ತಲುಪಿಸಲು ಹೋಗಿದ್ದರು. ಈ ವೇಳೆ ರಾವ್ ಮನೆಯ ಗೇಟ್ ತೆಗೆದು ಒಳಗೆ ಹೋಗುತ್ತಿದ್ದಂತೆ ದಾಳಿ ಮಾಡಿದ ಎರಡು ಪಿಟ್ಬುಲ್ಗಳು, ಆತನ ಕೈ ಮತ್ತು ಕಾಲಿಗೆ ಕಚ್ಚಿದೆ. ರಕ್ತದ ಮಡುವಿನಲ್ಲಿದ್ದ ಯುವಕ ಸಹಾಯಹಸ್ತ ಬೇಡಿದ್ದಾನೆ. ಆ ಸಮಯಕ್ಕೆ ಯಾರಿಂದಲೂ ನೆರವು ಸಿಕ್ಕಿಲ್ಲ. ಆದ್ರೆ, ಅಲ್ಲೇ ಇದ್ದ ಮತ್ತೊಬ್ಬ ತನಗೆ ಸಹಾಯ ಮಾಡುವ ಅವಕಾಶವಿದ್ದರೂ ಕೂಡ ಅದನ್ನು ಬಿಟ್ಟು ವಿಡಿಯೋ ಮಾಡಿಕೊಂಡಿರುವುದು ನಿಜಕ್ಕೂ ಬೇಸರದ ಸಂಗತಿ.
