ದೆಹಲಿ: ಭಾರತೀಯ ಮಾರುಕಟ್ಟೆಯಲ್ಲಿ ಹಲವು ಟೆಕ್ ಕಂಪನಿಗಳ ಸ್ಮಾರ್ಟ್ಫೋನ್ಗಳು ಲಭ್ಯವಿವೆ. ಸ್ಯಾಮ್ಸಂಗ್, ರೆಡ್ಮಿ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಹೊಂದಿದ್ದರೂ, ಒನ್ಪ್ಲಸ್ ವೇಗವಾಗಿ ಬೆಳೆಯುತ್ತಿರುವ ಬ್ರ್ಯಾಂಡ್ ಆಗಿದೆ. ಒನ್ಪ್ಲಸ್ ಕಂಪನಿಯು ವಿವಿಧ ಮಧ್ಯಮ ಶ್ರೇಣಿಯ ಫೋನ್ಗಳು ಭಾರತದಲ್ಲಿ ಜನಪ್ರಿಯವಾಗಿದ್ದು, 25 ಸಾವಿರ ರೂ.ದಿಂದ 30 ಸಾವಿರ ರೂ.ದ ಬೆಲೆಯಲ್ಲಿ ಬರುವ ಒನ್ಪ್ಲಸ್ ಫೋನ್ಗಳು ಗ್ರಾಹಕರನ್ನು ಸೆಳೆದಿವೆ.
ಆದಾಗ್ಯೂ, ಅದೇ ಬೆಲೆ ಶ್ರೇಣಿಯಲ್ಲಿ ಕಂಪನಿಯು ನಾರ್ಡ್ ಸರಣಿಯಲ್ಲಿ ತಂದಿರುವ ' ಒನ್ ಪ್ಲಸ್ ನಾರ್ಡ್ CE 3 5G' ಮಾರಾಟವು ಭಾರತದಲ್ಲಿ ಅದಾಗಲೇ ಪ್ರಾರಂಭವಾಗಿದ್ದು, ಇದು ಹಲವಾರು ವಿಶೇಷತೆಗಳನ್ನು ಹೊಂದಿದೆ. ಒನ್ ಪ್ಲಸ್ ನಾರ್ಡ್ CE 3 ಸ್ಮಾರ್ಟ್ ಫೋನ್ 6.7-ಇಂಚಿನ ಫುಲ್ ಎಚ್ ಡಿ ಪ್ಲಸ್ ಅಮೊಲ್ಡ್ ಡಿಸ್ಪ್ಲೇಯನ್ನು ಹೊಂದಿದ್ದು, 2412 x 1080 ಪಿಕ್ಸೆಲ್ಗಳ ರೆಸಲ್ಯೂಶನ್ ದರವನ್ನು ಹೊಂದಿದೆ.
ಇದನ್ನೂ ಓದಿ: ಕಳ್ಳತನದ ಶಂಕೆಯ ಮೇಲೆ ವ್ಯಕ್ತಿ ಅಪಹರಿಸಿ ಮನಬಂದಂತೆ ಥಳಿಸಿದ ಆರೋಪಿಗಳು
ಈ ಫೋನ್ Adreno 642L GPU ಜೊತೆಗೆ Qualcomm Snapdragon 782G SoC ಪ್ರೊಸೆಸರ್ನಿಂದ ಚಾಲಿತವಾಗಿದ್ದು, ಸಂಗ್ರಹಣಾ ಸಾಮರ್ಥ್ಯದ ಆಧಾರ ಮೇಲೆ ಎರಡು ವಿಭಿನ್ನ ಮಾದರಿಗಳನ್ನು ಹೊಂದಿದೆ. 8GB+128GB ಮಾದರಿಯ ಸ್ಮಾರ್ಟ್ಫೋನ್ ಬೆಲೆ 26,999 ರೂ ಮತ್ತು 12GB+256GBನ ಬೆಲೆ 28,999 ರೂ. ಆಸುಪಾಸಿನಲ್ಲಿದೆ. ಅಲ್ಲದೇ, ಈ ಫೋನ್ ಹಿಂಬದಿಯಲ್ಲಿ ಮೂರು ಕ್ಯಾಮರಾಗಳನ್ನು ಹೊಂದಿದ್ದು, 50MP ಸೋನಿ IMX890 ಪ್ರಾಥಮಿಕ ಕ್ಯಾಮರಾ, 8MP ಅಲ್ಟ್ರಾ-ವೈಡ್ ಆಂಗಲ್ ಲೆನ್ಸ್ ಮತ್ತು 2MP ಮ್ಯಾಕ್ರೋ ಸೆನ್ಸಾರ್ ಕ್ಯಾಮರಾವನ್ನು ಹೊಂದಿದೆ. ಸೆಲ್ಫಿ ಮತ್ತು ವಿಡಿಯೋ ಚಾಟ್ಗಳಿಗಾಗಿ 16MP ಫ್ರಂಟ್ ಕ್ಯಾಮರಾ ಇದೆ.
