ವೈರಲ್​ ಆಗುತ್ತಿದೆ 'ಅನಿಮಲ್'​ ನಟನ ಈ ವಿಡಿಯೋ; ರಿಯಲ್​ ಲೈಫ್​ ಹೀರೋ ನೀವೇ ಎಂದ ನೆಟ್ಟಿಗರು

ನವದೆಹಲಿ: ಕೆಲವೊಮ್ಮೆ ನಾವು ಇನ್ನೊಬ್ಬರಿಗೆ ಮಾಡುವ ಸಹಾಯ ಅಚ್ಚುಳಿಯುತ್ತದೆ. ಇಂತಹ ಘಟನೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತವೆ ಮತ್ತು ನೀವೇ ರಿಯಲ್​ ಲೈಫ್​ ಹೀರೋ ಎಂದು ಜನರು ಕಮೆಂಟ್​ ಮಾಡುತ್ತಾರೆ. ನಾಲ್ಕು ವರ್ಷಗಳ ಹಿಂದಿನ ಘಟನೆಯೊಂದು ಈಗ ವೈರಲ್​ ಆಗಿದ್ದು, ಸಾಕಷ್ಟು ಮೆಚ್ಚುಗೆಗೆ ಪಾತ್ರವಾಗಿದೆ.

2023ರ ವರ್ಷಾಂತ್ಯದಲ್ಲಿ ವಿಶ್ವದಾದ್ಯಂತ ಬಿಡುಗಡೆಗೊಂಡು ವ್ಯಾಪಕ ಯಶಸ್ಸು ಗಳಿಸಿದ್ದ ಅನಿಮಲ್​ ಚಿತ್ರವು ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆ ಪಡೆದಿತ್ತು. ನಾಯಕ ರಣಬೀರ್​ ಕಪೂರ್​ ಜೊತೆಗೆ ಅವರ ಸಹೋದರರ ಪಾತ್ರಧಾರಿಗಳು ಸಹ ಪ್ರೇಕ್ಷಕರು ಹಾಗೂ ವಿಮರ್ಶಕರಿಂದ ಮೆಚ್ಚುಗೆ ಪಡೆದಿದ್ದರು. ಈ ಪೈಕಿ ಮಂಜೋತ್​ ಸಿಂಗ್​ ಎಂಬುವವರು ನಿಜಜೀವನದಲ್ಲಿ ತಾವು ಮಾಡಿರುವ ಕೆಲಸದಿಂದಾಗಿ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.

ಇದನ್ನೂ ಓದಿ: ಟಿ-20 ವಿಶ್ವಕಪ್​ ವೇಳಾಪಟ್ಟಿ ಪ್ರಕಟ; ಭಾರತ-ಪಾಕ್​ ಪಂದ್ಯಕ್ಕೆ ಡೇಟ್​ ಫಿಕ್ಸ್​

ಗ್ರೇಟರ್​ ನೋಯ್ಡಾದಲ್ಲಿರುವ ಶಾರದ ಆಸ್ಪತ್ರೆಯಲ್ಲಿ ಯುವತಿಯೊಬ್ಬಳು ಕಟ್ಟಡದ ಎರಡನೇ ಮಹಡಿಯಿಂದ ಧುಮುಕಿ ಆತ್ಮಹತ್ಯಗೆ ಯತ್ನಿಸುತ್ತಾಳೆ. ಕೂಡಲೇ ಇದನ್ನು ಗಮನಿಸಿದ ಮಂಜೋತ್​ ಆಕೆಯನ್ನು ರಕ್ಷಿಸಿದ್ದು, ಇತರರ ಸಹಾಯದಿಂದ ಆಕೆಯನ್ನು ಮೇಲಕ್ಕೆ ಎತ್ತಿ ಬಳಿಕ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದ್ದಾರೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ವ್ಯಾಪಕ ಮೆಚ್ಚುಗೆಗೆ ಗುರಿಯಾಗಿದೆ. ಸಿನಿಮಾದಲ್ಲಿ ಇರುವವರಲ್ಲ ನೀವೇ ನೋಡಿ ರಿಯಲ್​ ಲೈಫ್​ ಹೀರೋ ಎಂದು ಹಲವರು ಕಮೆಂಟ್​ ಮಾಡಿದ್ದಾರೆ. ಇಂಜಿನಿಯರ್​ ಪದವಿಧರರಾಗಿರುವ ಮಂಜೋತ್​ ಸಿಂಗ್​ ಅವರ ಕಾರ್ಯಕ್ಕೆ ಮೆಚ್ಚಿ ದೆಹಲಿ ಸಿಖ್ ಗುರುದ್ವಾರ ನಿರ್ವಹಣಾ ಸಮಿತಿಯ (DSGMC) ಮಂಜೋತ್​ ಅವರನ್ನು ಸನ್ಮಾನಿಸಿದ್ದು, ಸಿವಿಲ್ ಸರ್ವೀಸ್ ಪರೀಕ್ಷೆಗಳ ವೆಚ್ಚವನ್ನು ಭರಿಸುವುದಾಗಿ ಘೋಷಿಸಿದೆ.

https://www.vijayavani.net/man-attempts-to-kill-himself-in-metro-station

https://www.vijayavani.net/steve-smith-stops-play-for-bizarre-reason-during-sydney-test-video-is-viral