ಸಿಡ್ನಿ: ಬ್ಯಾಟಿಂಗ್ ಮಾಡುವ ವೇಳೆ ಬ್ಯಾಟ್ಸ್ಮನ್ಗಳು ಸೈಡ್ ಸ್ಕ್ರೀನ್ ಬಗ್ಗ ದೂರುವುದು ನಿನ್ನೆ ಮೊನ್ನೆಯ ವಿಚಾರವೇನಲ್ಲ. ಆದರೆ, ಸೈಡ್ಸ್ಕ್ರೀನ್ ವಿಚಾರವಾಗಿ ಇಲ್ಲೊಬ್ಬ ಆಟಗಾರ ಪಂದ್ಯವನ್ನು ಕೆಲಕಾಲ ಸ್ಥಗಿತಗೊಳಿಸಿದ ಘಟನೆ ನಡೆದಿದ್ದು, ಎಲ್ಲರ ಕಣ್ಣು ಕೆಂಪಗಾಗಿಸಿದೆ.
ಸಿಡ್ನಿ ಕ್ರೀಡಾಂಗಣದಲ್ಲಿ ಆಸ್ಟ್ರೇಲಿಯಾ ಹಾಗೂ ಪಾಕಿಸ್ತಾನ ನಡುವೆ ನಡೆಯುತ್ತಿರುವ ಮೂರನೇ ಟೆಸ್ಟ್ ಪಂದ್ಯದ ವೇಳೆ ಅತಿಥೇಯ ತಂಡದ ಬ್ಯಾಟ್ಸ್ಮನ್ ಸ್ಟೀವ್ ಸ್ಮಿತ್ ನಡವಳಿಕೆ ಹಲವರ ಕೆಂಗಣ್ಣಿಗೆ ಗುರಿಯಾಗಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ವ್ಯಾಪಕ ಆಕ್ರೋಶಕ್ಕೆ ಗುರಿಯಾಗಿದೆ.
ಇದನ್ನೂ ಓದಿ: ಶತಕೋಟಿ ಕ್ಲಬ್ ಸೇರಿದ ಕಾಟೇರ; ಮಾರಾಟವಾದ ಟಿಕೆಟ್ ಎಷ್ಟು ಗೊತ್ತಾ?
ಟೆಸ್ಟ್ ಪಂದ್ಯದ ಮೂರನೇ ದಿನದಂದು ಸ್ಟೀವ್ ಬ್ಯಾಟಿಂಗ್ ಮಾಡುತ್ತಿದ್ದ ವೇಳೆ ಸೈಡ್ ಸ್ಕ್ರೀನ್‌ನಲ್ಲಿ ಏನೋ ಕಾಣಿಸಿಕೊಂಡಿದೆ ಎಂದು ದೂಷಿಸಿದ ಸ್ಮಿತ್ ಅಂಪೈರ್ ಮೂಲಕ ಮೈದಾನದ ಸಿಬ್ಬಂದಿಗೆ ಸರಿಪಡಿಸುವಂತೆ ಸೂಚಿಸಿದರು. ಇದಾದ ಕೆಲಕ್ಷಣದ ಬಳಿಕ ಮತ್ತೊಮ್ಮೆ ಈ ಬಗ್ಗೆ ದೂರಿದ ಸ್ಟೀವ್ ಸ್ಮಿತ್ ಕೆಲಕಾಲ ಪಂದ್ಯವನ್ನು ಸ್ಥಗಿತಗೊಳಿಸುವಂತೆ ಅಂಪೈರ್ ಬಳಿ ಮನವಿ ಮಾಡಿದರು.
ಬಳಿಕ ಮೈದಾನದ ಸಿಬ್ಬಂದಿ ಸೈಡ್ಸ್ಕ್ರೀನ್ ಮೇಲೆ ಬಿದ್ದಿದ್ದ ಟೇಪ್ಅನ್ನು ಹೊರತೆಗೆದಿದ್ದು, ಪ್ರೇಕ್ಷಕರು ಎದ್ದು ನಿಂತು ಚಪ್ಪಾಳೆ ಹೊಡೆಯುವ ಮೂಲಕ ಸ್ಟೀವ್ ಸ್ಮಿತ್ ವಿರುದ್ಧ ಪರೋಕ್ಷವಾಗಿ ಅಸಮಾಧಾನ ಹೊರಹಾಕಿದ್ದರು. ಇತ್ತ ಕಾಮೆಂಟೇಟರ್ಗಳು ಸಹ ಸ್ಟೀವ್ ಸ್ಮಿತ್ ನಡೆಗೆ ಕಿಡಿಕಾರಿದ್ದು, ಇದು ಒಳ್ಳೆಯ ಲಕ್ಷಣವಲ್ಲ ಎಂದಿದ್ದಾರೆ.