ಆರ್. ಅಶೋಕ್, ಎಚ್​ಡಿಕೆಗೆ ಹುಚ್ಚು ಹಿಡಿದಿದೆ: ಸಚಿವ ಎನ್.ಎಸ್. ಬೋಸರಾಜು ವಾಗ್ದಾಳಿ

ರಾಯಚೂರು: ಸಿಎಂ ಸಿದ್ದರಾಮಯ್ಯ ರಾಜೀನಾಮೆಗೆ ಆಗ್ರಹಿಸುತ್ತಿರುವ ಬಿಜೆಪಿ ಹಾಗೂ ಜೆಡಿಎಸ್​ ನಾಯಕರ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದ ಸಣ್ಣ ನೀರಾವರಿ, ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಎನ್.ಎಸ್. ಬೋಸರಾಜು (NS Boseraju), ವಿಪಕ್ಷ ನಾಯಕ ಆರ್.ಅಶೋಕ್ (R Ashok) ಹಾಗೂ ಕೇಂದ್ರ ಸಚಿವ ಎಚ್​.ಡಿ. ಕುಮಾರಸ್ವಾಮಿಗೆ (HDK) ಹುಚ್ಚು ಹಿಡಿದಿದೆ. ಬಿಜೆಪಿ ಜೆಡಿಎಸ್ ಪಕ್ಷದವರು ಹುಚ್ಚರಂತೆ ಆಡುತ್ತಿದ್ದಾರೆ ಎಂದಿದ್ದಾರೆ.

ಇದನ್ನೂ ಓದಿ: Vande Bharat: ಎಕ್ಸ್​ಪ್ರೆಸ್​ ರೈಲಿಗೆ ಕಲ್ಲು ತೂರಾಟ.. ಭಾಗಲ್ಪುರದ ಹುಸೇನ್ ಅರೆಸ್ಟ್​

ಇಂದು ರಾಯಚೂರಿನಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, "ಮುಡಾ ಹಗರಣದ ವಿರುದ್ಧ ಸಿದ್ದರಾಮಯ್ಯ ಬಗ್ಗೆ ಮಾತನಾಡುವ ಬಿಜೆಪಿಗೆ ಕೆಲಸವಿಲ್ಲ. ಅಭಿವೃದ್ಧಿ ವಿಚಾರ ಅವರಿಗೆ ಬೇಕಿಲ್ಲ. ಸರ್ಕಾರವನ್ನು ಅಭದ್ರಗೊಳಿಸುವುದಷ್ಟೆ ಬಿಜೆಪಿ-ಜೆಡಿಎಸ್ ಕೆಲಸವಾಗಿಬಿಟ್ಟಿದೆ. ಆರ್. ಅಶೋಕ, ಯಡಿಯೂರಪ್ಪ ಅವರ ಮೇಲೂ ಸಾಕಷ್ಟು ಆರೋಪಗಳಿವೆ. ಇವುಗಳ ಬಗ್ಗೆ ಬಿಜೆಪಿ ಹೈಕಮಾಂಡ್ ಉತ್ತರಿಸಲಿ" ಎಂದರು.

"ಸಿದ್ದರಾಮಯ್ಯ ರಾಜಿನಾಮೆ ಕೊಡುವ ಪ್ರಶ್ನೆಯೇ ಇಲ್ಲ. ಪಕ್ಷದಲ್ಲಿ ಯಾರೂ ಕೂಡ ಸಿಎಂ ಆಕಾಂಕ್ಷಿಯಾಗಿಲ್ಲ. ಮೊದಲು ಬಿಜೆಪಿ, ಜೆಡಿಎಸ್​ನಲ್ಲಿರುವ ಹಲವು ಹಗರಣಗಳಲ್ಲಿ ಯಾರಾರ ಮೇಲೆ ಎಫ್ಐಆರ್ ಆಗಿದೆ. ಅವರು ಮೊದಲು ಪಕ್ಷದಿಂದ ಹೊರ ಉಳಿಯಲಿ" ಎಂದು ಕಮಲ-ದಳ ನಾಯಕರ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದರು.

https://www.vijayavani.net/radio-man-musuem-joined-to-guinness-record

https://www.vijayavani.net/these-video-about-bengaluru-proves