ಲಾಕ್​​ಡೌನ್​ ಇಲ್ಲ... ಸಂಚಾರ ನಿರ್ಬಂಧಿಸಿಲ್ಲ.... ಆದರೂ ಜಪಾನ್​ ಕರೊನಾ ಮಣಿಸಿದ್ದೇಗೆ?

ಟೋಕಿಯೋ: ಪುಟ್ಟ ರಾಷ್ಟ್ರ ಜಪಾನ್​ ಅಭಿವೃದ್ಧಿ ಹೊಂದಿದ, ಜಗತ್ತಿನ ಪ್ರಮುಖ ದೇಶಗಳಲ್ಲೊಂದಾಗಿ ಪರಿಗಣಿಸಲ್ಪಡುತ್ತದೆ. ಆರಂಭದಲ್ಲೇ ಕರೊನಾ ಸೋಂಕು ವಕ್ಕರಿಸಿ ಇಡೀ ದೇಶವನ್ನು ತಲ್ಲಣಗೊಳಿಸಿತ್ತು. ಆದರೆ ದಿಲ್ಲವನ್ನು ಹಿಮ್ಮೆಟ್ಟಿಸಿ ಜಪಾನ್​ ಜಗತ್ತೇ ಬೆರಗಾವಂತೆ ಮಾಡಿದೆ.

ಇಲ್ಲಿ ಲಾಕ್​ಡೌನ್​ ಇರಲಿಲ್ಲ, ಜನ ಹಹಾಗೂ ವಾಹನಗಳ ಸಂಚಾರಕ್ಕೆ ನಿರ್ಬಂಧ ವಿಧಿಸಿರಲಿಲ್ಲ, ಹೋಟೆಲ್​, ಸಲೂನ್​ಗಳನ್ನು ಬಂದ್​ ಮಾಡಿರಲಿಲ್ಲ. ಎಲ್ಲಕ್ಕೂ ಮುಖ್ಯವಾಗಿ ಇಡೀ ದೇಶದ ಜನರನ್ನು ಸಾಮೂಹಿಕವಾಗಿ ಆರೋಗ್ಯ ತಪಾಸಣೆಗೆ ಒಳಪಡಿಸಿರಲಿಲ್ಲ. ಕರೊನಾ ನಿಯಂತ್ರಣಕ್ಕೆಂದೇ ವಿಶೇಷ ಕೇಂದ್ರವನ್ನು ರೂಪಿಸಿರಲಿಲ್ಲ. ತಾಂತ್ರಿಕವಾಗಿ ಮುಂದುವರಿದಿದ್ದರೂ ಸೋಂಕು ಪತ್ತೆಗಾಗಿ ಸೂಪರ್​ ಆ್ಯಪ್​ಅನ್ನು ತಯಾರಿಸಿರಲಿಲ್ಲ. ಹೀಗಿದ್ದರೂ ಜಪಾನ್​ನಲ್ಲಿ ಸೋಂಕು ನಿಯಂತ್ರಣಕ್ಕೆ ಬಂದಿದ್ದೇಗೆ ಎಂಬುದು ಜಗತ್ತನ್ನು ಅಚ್ಚರಿಗೆ ತಳ್ಳಿದೆ.

ಕಳೆದ ಕೆಲ ದಿನಗಳಿಂದ ಜಪಾನ್​ನಲ್ಲಿ ದಿನವೂ ಹತ್ತಾರು ಪ್ರಕರಣಗಳಷ್ಟೇ ವರದಿಯಾಗುತ್ತಿವೆ. ಹೀಗಾಗಿ ಈವರೆಗೆ ಘೋಷಿಸಿದ್ದ ತುರ್ತು ಪರಿಸ್ಥಿತಿಯನ್ನು ಹಿಂಪಡೆಯಲಾಗಿದೆ. ವಯಸ್ಸಾದವರು ಹೆಚ್ಚಾಗಿದ್ದರೂ ಇಲ್ಲಿ ಕರೊನಾದಿಂದ ಮೃತಪಟ್ಟವರ ಸಂಖ್ಯೆ ಒಂದು ಸಾವಿರ. ಉಳಿದ ಅಭಿವೃದ್ಧಿ ಹೊಂದಿದ ದೇಶಗಳಿಗೆ ಹೋಲಿಸಿದಲ್ಲಿ ಅತಿ ಕಡಿಮೆ.

ಇದನ್ನೂ ಓದಿ; ಫುಟ್​ಪಾತ್​ನಲ್ಲಿದ್ದವರಿಗೆ ಊಟ ಹಂಚಲು ಹೋದವ ಹೊಸ ಬದುಕನ್ನೂ ನೀಡಿದ

ಸಂಪರ್ಕ ಪತ್ತೆ: ಕರೊನಾ ನಿಯಂತ್ರಣಕ್ಕೆ ಹಲವಾರು ಅಂಶಗಳು ಕಾರಣವಾಗಿವೆ ಎಂದು ವಾಸೆದಾ ವಿವಿ ಪ್ರಾಧ್ಯಾಪಕ ಮಿಕಿಹಿತೋ ಟನಾಕಾ ಹೇಳುತ್ತಾರೆ. ಕೊರೊನಾ ನಿಯಂತ್ರಿಸುವಲ್ಲಿ ಸಂಪರ್ಕ ಪತ್ತೆ ಅತ್ಯಂತ ಪ್ರಮುಖವಾಗಿದೆ. ಎರಡು ವರ್ಷಗಳ ಹಿಂದೆ 50 ಸಾವಿರಕ್ಕೂ ಅಧಿಕ ದಾದಿಯರಿಗೆ ವೈರಸ್​ ಸೋಂಕು ಹಾಗೂ ಸಂಪರ್ಕಕ್ಕೆ ಒಳಗಾದವರನ್ನು ಪತ್ತೆ ಹಚ್ಚುವ ತರಬೇತಿ ನೀಡಲಾಗಿತ್ತು. ಹೀಗಾಗಿ ಕರೊನಾ ಸೋಂಕಿತರ ಸಂಪರ್ಕದಲ್ಲಿರುವವರನ್ನು ಹುಡುಕಲು ಜಪಾನ್​ಗೆ ಯಾವುದೇ ಆ್ಯಪ್​ನ ಅಗತ್ಯ ಬೀಳಲಿಲ್ಲ. ಇವರು ತ್ವರಿತವಾಗಿ ಶಂಕಿತರನ್ನು ಹುಡುಕಿ ಚಿಕಿತ್ಸೆ ಕೊಡಿಸುವಲ್ಲಿ ಯಶಸ್ವಿಯಾದರು.

ಡೈಮಂಡ್​ ಪ್ರಿನ್ಸೆಸ್​ ಹಡಗು: ಜಪಾನ್ ​ಕರಾವಳಿಯಲ್ಲಿ ಫೆಬ್ರವರಿಯಲ್ಲಿ ಬೀಡುಬಿಟ್ಟಿದ್ದ ಡೈಮಂಡ್​ ಪ್ರಿನ್ಸೆಸ್​ ಹಡಗು ಇಲ್ಲಿನ ಜನರಲ್ಲಿ ಅರಿವು ಮೂಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿತು. ಮನೆ ಮುಂದೆ ಉರಿಯುತ್ತಿರುವ ಕಾರಿದ್ದರೆ ಅದರಿಂದ ದೂರವಿರಲು ಎಲ್ಲ ಮಾರ್ಗಗಳನ್ನು ಜನರು ಹುಡುಕಿಕೊಳ್ಳುತ್ತಾರೆ. ಜಪಾನ್​ ವಿಷಯದಲ್ಲೂ ಹೀಗೇ ಆಯಿತು. ಜತೆಗೆ ಕರೊನಾ ಸಂಕಷ್ಟವನ್ನು ಬೇರಾವುದೇ ದಶದ ಸಮಸ್ಯೆ ಎಂದು ಜಪಾನ್​ ಪರಿಗಣಿಸಲಿಲ್ಲ.
ವ್ಯಕ್ತಿಗತ ಅಂತರವನ್ನು ಕಾಯ್ದುಕೊಳ್ಳುವುದು ಎಲ್ಲ ಸಮಯಗಳಲ್ಲೂ ಸಾಧ್ಯವಾಗದು. ಹೀಗಾಗಿ ಕ್ಲೋಸ್ಡ್​ ಸ್ಪೇಸ್​ಸ್​, ಕ್ರೌಡೆಡ್​ ಸ್ಪೇಸಸ್​ ಹಾಗೂ ಕ್ಲೋಸ್​-ಕಾಂಟಾಕ್ಟ್​ ನಿಯಮಗಳನ್ನು ಪಾಲಿಸುವಂತೆ ಸೂಚಿಸಲಾಗಿತ್ತು.

ಇದನ್ನೂ ಓದಿ; ಹೊಸ ಮದುವೆ, ಹೊಸ ಅಪಾರ್ಟ್​ಮೆಂಟ್​, ಹೊಸ ಬದುಕು… ಆದರೆ, ಮುಗಿಯುತ್ತಲೇ ಇಲ್ಲ ಹನಿಮೂನ್​..! 

ಔಷಧಗಳ ಪ್ರಭಾವ: ಕರೊನಾ ರೋಗಿಗಳ ಚಿಕಿತ್ಸೆಗಾಗಿ ರೆಮ್​​ಡೆಸಿವಿರ್​ ಹಾಗೂ ಜಪಾನ್​ನ ಆವಿಗಾನ್​ ಮಾತ್ರೆಯನ್ನು ನೀಡಲಾಯಿತು. ಇವು ರೋಗಿಗಳ ಚೇತರಿಕೆಯ ಅವಧಿಯನ್ನು ಗಣನೀಯವಾಗಿ ಕಡಿಮೆಗೊಳಿಸಿದವು.

ಆರೋಗ್ಯ ಕಾಳಜಿ: ಜಪಾನಿಯರು ಸದಾ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುತ್ತಾರೆ. ಇದೇ ಅವರನ್ನು ಸೋಂಕಿನಿಂದ ದೂರವಿರಿಸಿ ಕಾಪಾಡಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ವೈರಸ್​ ಭಯಂಕರವಾಗಿರಲಿಲ್ಲ: ಜಗತ್ತಿನ ವಿವಿಧೆಡೆ ವ್ಯಾಪಿಸಿದ ಕರೊನಾ ವೈರಸ್​ಗೂ ಇಲ್ಲಿನ ಕರೊನಾಗೂ ವ್ಯತ್ಯಾಸವಿತ್ತು. ಉಳಿಧೆಡೆಗಳಂತೆ ಅದು ತೀರಾ ಮಾರಕವಾಗಿರಲಿಲ್ಲ ಎಂದು ವೈದ್ಯರು ಹೇಳುತ್ತಾರೆ.

ಇದನ್ನೂ ಓದಿ; ಊರಿಗೆ ತೆರಳಿದವರು ಕಾಡಿಗೆ ನುಗ್ಗಿದರೇ…! ಅರಣ್ಯಕ್ಕೆ ಕಂಟಕವಾದ ಕೋವಿಡ್​ ಕಾಲಮಾನ 

ಇಷ್ಟೆಲ್ಲ ಇದ್ದರೂ ಕರೊನಾದ ಎರಡನೇ ಅಲೆ ಅಪ್ಪಳಿಸುವ ಬಗ್ಗೆ ಜಪಾನ್​ ಎಚ್ಚರಿಕೆ ವಹಿಸಿದೆ. ಅದೇನಾದರೂ ತೀರಾ ಸಂಕಷ್ಟ ತಂದಿಟ್ಟರೆ ದೇಶದ ಆರೋಗ್ಯ ವ್ಯವಸ್ಥೆ ಮೇಲೆ ತೀವ್ರ ಪರಿಣಾಮ ಬೀರಲಿದೆ ಎಂದು ವಿಶ್ಲೇಷಿಸಲಾಗಿದೆ.

https://www.vijayavani.net/online-petition-against-selling-of-ttd-properties/