ದೆಹಲಿ- ಗಾಜಿಯಾಬಾದ್- ಮೀರತ್ ರೀಜನಲ್ ರ್ಯಾಪಿಡ್ ಟ್ರಾನ್ಸಿಟ್ ಸಿಸ್ಟಮ್ (ಆರ್ಆರ್ಟಿಎಸ್- ಪ್ರಾದೇಶಿಕ ತ್ವರಿತ ಸಂಚಾರ ವ್ಯವಸ್ಥೆ) ಯೋಜನೆಯಡಿ ರ್ಯಾಪಿಡ್ ಎಕ್ಸ್ ರೈಲಿನ ಮೊದಲ ಪ್ರಯಾಣವು ಅಕ್ಟೋಬರ್ 20 ರಂದು ಸಾಹಿಬಾಬಾದ್ನಿಂದ ದುಹೈ ಡಿಪೋವರೆಗೆ ನಡೆಯಲಿದೆ. ಆರ್ಆರ್ಟಿಎಸ್ ಕಾರಿಡಾರ್ನ ಒಟ್ಟು ಉದ್ದವು ರಾಜಧಾನಿ ದೆಹಲಿಯಿಂದ ಉತ್ತರಪ್ರದೇಶದ ರಾಜ್ಯದ ಮೀರತ್ವರೆಗೆ 82 ಕಿ.ಮೀ. ಆಗಿದೆ. ಈ ಸಂಪೂರ್ಣ ರೈಲು ಮಾರ್ಗವನ್ನು 2025ರ ಹೊತ್ತಿಗೆ ಪೂರ್ಣಗೊಳಿಸಲು ಗುರಿ ಹಾಕಿಕೊಳ್ಳಲಾಗಿದೆ. ಈ ಕಾರಿಡಾರ್ ಪೈಕಿ 17 ಕಿಮೀ ಉದ್ದದ ಆದ್ಯತೆಯ ವಿಭಾಗವಾದ ಸಾಹಿಬಾಬಾದ್ನಿಂದ ದುಹೈ ಡಿಪೋವರೆಗೆ ರೈಲು ಸಂಚಾರ ಈಗ ಆರಂಭವಾಗಲಿದೆ. ಗಾಜಿಯಾ ಬಾದ್, ಗುಲ್ಧರ್ ಮತ್ತು ದುಹೈ ನಿಲ್ದಾಣಗಳ ಮೂಲಕ ಈಗ ರೈಲು ಸಾಗುತ್ತದೆ. ಉದ್ಘಾಟನೆಯ ಮರುದಿನವಾದ ಅ. 21 ರಿಂದ ಸಾರ್ವಜನಿಕರ ಸಂಚಾರಕ್ಕೆ ಮುಕ್ತಗೊಳಿಸಲಾಗುತ್ತಿದೆ.
