ನೆಲದ ಮೇಲೆ ಕುಳಿತು ‘ಪುರಿ-ಪಲ್ಯ’ ಸವಿದ ಓಂ ಬಿರ್ಲಾ: ಸ್ಪೀಕರ್ ಸರಳತೆಗೆ ನೆಟ್ಟಿಗರು ಫಿದಾ! ವಿಡಿಯೋ ವೈರಲ್..Om Birla Viral Video

ರಾಜಸ್ಥಾನ್​: ಸಾಮಾನ್ಯವಾಗಿ ದೇಶದ ಉನ್ನತ ಸಾಂವಿಧಾನಿಕ ಹುದ್ದೆಯಲ್ಲಿರುವವರು ಅಂದರೆ ಬಿಗಿ ಭದ್ರತೆ, ಐಷಾರಾಮಿ ಕಾರುಗಳು ಮತ್ತು ಸದಾ ವಿಐಪಿ ಪ್ರೋಟೋಕಾಲ್‌ಗಳ ನಡುವೆಯೇ ಇರುತ್ತಾರೆ. ಆದರೆ, ಲೋಕಸಭೆಯ ಸ್ಪೀಕರ್ ಓಂ ಬಿರ್ಲಾ (Om Birla Viral Video) ಈ ಎಲ್ಲಾ ವಿಐಪಿ ಹಮ್ಮನ್ನು ಪಕ್ಕಕ್ಕಿಟ್ಟು, ಸಾಮಾನ್ಯರಲ್ಲಿ ಸಾಮಾನ್ಯನಂತೆ ನೆಲದ ಮೇಲೆ ಕುಳಿತು ಊಟ ಮಾಡಿರುವ ವಿಡಿಯೋ ಈಗ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ಈಗ ಒಂದು ವಿಡಿಯೋ ಫುಲ್ ಟ್ರೆಂಡಿಂಗ್‌ನಲ್ಲಿದೆ. ಅದರಲ್ಲಿ ಓಂ ಬಿರ್ಲಾ ಯಾವುದೇ ದೊಡ್ಡ ವೇದಿಕೆ ಅಥವಾ ಅವರಿಗಾಗಿಯೇ ಮೀಸಲಾದ ವಿಶೇಷ ಟೇಬಲ್ ಮೇಲೆ ಕುಳಿತುಕೊಳ್ಳುವ ಬದಲು, ಸಾಮಾನ್ಯ ಭಕ್ತರ ಸಾಲಿನಲ್ಲಿ ನೆಲದ ಮೇಲೆ ಆಸೀನರಾಗಿದ್ದಾರೆ. ಮಾತಾಜಿ ಮಂದಿರದ ಭಂಡಾರ (ಸಾರ್ವಜನಿಕ ಅನ್ನದಾಸೋಹ) ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಅವರು, ಅಲ್ಲಿನ ಭಕ್ತರೊಂದಿಗೆ ಬೆರೆತು ಸ್ಟೀಲ್ ತಟ್ಟೆಯಲ್ಲಿ ಬಡಿಸಿದ ಬಿಸಿಬಿಸಿ ಪುರಿಯನ್ನು ಸವಿಯುತ್ತಿದ್ದಾರೆ.

ಕೋಟಿ ಬುಂಡಿ ಕ್ಷೇತ್ರದ ಸಂಸದರೂ ಆಗಿರುವ ಓಂ ಬಿರ್ಲಾ ಅವರು ತಮ್ಮ ಕ್ಷೇತ್ರಕ್ಕೆ ಭೇಟಿ ನೀಡಿದಾಗ ಈ ಘಟನೆ ನಡೆದಿದೆ. ತಮಗೆ ವಿಶೇಷ ವ್ಯವಸ್ಥೆ ಬೇಕು ಎಂದು ಹಠ ಹಿಡಿಯದ ಅವರ ಅಕ್ಕಪಕ್ಕದಲ್ಲಿ ಕುಳಿತಿದ್ದ ಜನರು ಕೂಡ ತಮ್ಮ ನಡುವೆ ದೇಶದ ಸ್ಪೀಕರ್ ಕುಳಿತಿರುವುದನ್ನು ಕಂಡು ಅಚ್ಚರಿಗೊಂಡಿದ್ದಾರೆ.

ವಿಡಿಯೋದಲ್ಲಿ ಬಿರ್ಲಾ ಜನರೊಂದಿಗೆ ನಗುನಗುತ್ತಾ ಮಾತನಾಡುತ್ತಾ, ಆರಾಮವಾಗಿ ಊಟ ಮಾಡುತ್ತಿರುವುದನ್ನು ಕಾಣಬಹುದು. ಇಷ್ಟೊಂದು ದೊಡ್ಡ ಹುದ್ದೆಯಲ್ಲಿದ್ದರೂ ಅವರಲ್ಲಿ ಒಂಚೂರು ಅಹಂಕಾರ ಇಲ್ಲದಿರುವುದು ಜನರಿಗೆ ಹೆಚ್ಚು ಇಷ್ಟವಾಗಿದೆ.

ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಓಂ ಬಿರ್ಲಾ ಅವರ ಸರಳತೆಯನ್ನು ಕೊಂಡಾಡುತ್ತಿದ್ದಾರೆ. ನಿಜವಾದ ರಾಜಕಾರಣಿ ಎಂದರೆ ಹೀಗಿರಬೇಕು. ಅಧಿಕಾರ ತಲೆಗೆ ಏರಬಾರದು ಎನ್ನುವುದಕ್ಕೆ ಇವರೇ ಸಾಕ್ಷಿ ಎಂದು ಒಬ್ಬರು ಹೇಳಿದರೆ, ನಮ್ಮ ಸಂಸ್ಕೃತಿಯಲ್ಲಿ ದೇವರ ಪ್ರಸಾದದ ಮುಂದೆ ಎಲ್ಲರೂ ಸಮಾನರು ಎನ್ನುವುದನ್ನು ಓಂ ಬಿರ್ಲಾ ಸಾಬೀತುಪಡಿಸಿದ್ದಾರೆ ಎಂದು ಇನ್ನೊಬ್ಬರು ಕಮೆಂಟ್​ ಮಾಡಿದ್ದಾರೆ, (ಏಜನ್ಸೀಸ್​).