ಬಾಂಗ್ಲಾಗೆ ಬೇಲಿ: ನುಸುಳುಕೋರರಿಗೆ ಶಾಕ್ ನೀಡಿದ ಸುವೇಂದು; ಬಿಎಸ್​ಎಫ್​ಗೆ ಭೂಮಿ ಹಸ್ತಾಂತಕ್ಕೆ ಒಪ್ಪಿಗೆ! Suvendu Adhikari

ಕೊಲ್ಕತ್ತಾ: ಪಶ್ಚಿಮ ಬಂಗಾಳದ ನೂತನ ಮುಖ್ಯಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಿರುವ ಸುವೇಂದು ಅಧಿಕಾರಿ (Suvendu Adhikari) , ಬಾಂಗ್ಲಾದೇಶದ ಸುತ್ತ ಬೇಲಿಹಾಕಲು ಗಡಿ ಭದ್ರತಾ ಪಡೆ (ಬಿಎಸ್‌ಎಫ್) ಗೆ ಭೂಮಿ ಬಿಟ್ಟುಕೊಡಲು ಒಪ್ಪಿಗೆ ನೀಡಿದ್ದಾರೆ. ಈ ಭೂಮಿ ಹಸ್ತಾಂತರ ಪ್ರಕ್ರಿಯೆಯು ಸೋಮವಾರ (ಮೇ.11) ರಿಂದ ಆರಂಭವಾಗಲಿದ್ದು, ಮುಂದಿನ 45 ದಿನಗಳಲ್ಲಿ ಇದು ಸಂಪೂರ್ಣವಾಗಲಿದೆ ಎಂದು ಸುವೇಂದು ಅಧಿಕಾರಿ ತಿಳಿಸಿದ್ದಾರೆ.

ಮುಖ್ಯಮಂತ್ರಿಯಾಗಿ ಅಧಿಕಾರ ವಹಿಸಿಕೊಂಡ ಸುವೇಂದು ನಡೆಸಿದ ಮೊದಲ ಕ್ಯಾಬಿನೆಟ್​ ಮೀಟಿಂಗ್​ನಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದ್ದು, ಗಡಿ ರಕ್ಷಣೆ ನಮ್ಮ ಮೊದಲ ಆಧ್ಯತೆಯಾಗಿದ್ದು, ನುಸುಳುಕೋರರನ್ನು ತೆಡೆಯಲು ಬೇಲಿ ಹಾಕುವುದು ಅತಗ್ಯವಾಗಿದೆ. ಆದ್ದರಿಂದ ಮುಂದಿನ 45 ದಿನಗಳ ಕಾಲಮಿತಿಯಲ್ಲಿ ಬಿಎಸ್​ಎಫ್​ಗೆ ಈ ಭೂಮಿ ಹಸ್ತಾಂತರವನ್ನು ಮಾಡಲಾಗುವುದು ಎಂದು ಅವರು ತಿಳಿಸಿದ್ದಾರೆ.

ತಮ್ಮ ಮೊದಲ ಕ್ಯಾಬಿನೆಟ್​ ಮೀಟಿಂಗ್​ನಲ್ಲಿ ಸುವೇಂದು ಅಧಿಕಾರಿ, ಕೇಂದ್ರ ಸರ್ಕಾರದ ಆಯುಷ್ಮಾನ್​ ಭಾರತ್​ ಸ್ಕಿಮ್​ ಹಾಗೂ ಜನ್​ ಆರೋಗ್ಯ ಯೋಜನಾ ಮೊದಲಾದ ಜನೋಪಕಾರಿ ಯೋಜನೆಗಳನ್ನು ಬಂಗಾಳದಲ್ಲಿ ಪ್ರಾರಂಭಿಸಲು ಒಪ್ಪಿಗೆ ನೀಡಿದ್ದಾರೆ. ನಬಾನಾದಲ್ಲಿ ನಡೆದ ಈ ಮೀಟಿಂಗ್​​ನಲ್ಲಿ ಅಗ್ನಿಮಿತ್ರ ಪಾಲ್, ಖುದಿರಾಮ್ ತುಡು, ಅಶೋಕ್ ಕೀರ್ತಾನಿಯಾ ಮತ್ತು ನಿಸಿತ್ ಪ್ರಮಾಣಿಕ್ ಮೊದಲಾದವರು ಹಾಜರಿದ್ದರು.

ಈ ಹಿಂದಿನ ಅವಧಿ (ಮಮತಾ ಬ್ಯಾನರ್ಜಿ ಆಡಳಿತದಲ್ಲಿ) ಯಲ್ಲಿ ರಾಜ್ಯದಲ್ಲಿದ್ದ ಐಎಎಸ್​, ಐಪಿಎಸ್​, ಐಆರ್​ಎಸ್​ ಅಧಿಕಾರಿಗಳಿಗೆ ಇತರೆ ರಾಜ್ಯಗಳಿಗೆ ತರಬೇತಿಗೆ ಕಳುಹಿಲಾಗುತ್ತಿರಲಿಲ್ಲ. ಆದರೆ ನಾವು ನಮ್ಮ ರಾಜ್ಯದಲ್ಲಿರುವ ಅಧಿಕಾರಿಗಳನ್ನು ದೇಶದ ಎಲ್ಲಾ ರಾಜ್ಯಗಳಲ್ಲಿ ನಡೆಯುವ ತರಬೇತಿಗಳಿಗೆ ಕಡ್ಡಾಯವಾಗಿ ಕಳುಹಿಸುತ್ತೇವೆಂದು ಸುವೇಂದು ಅಧಿಕಾರಿ ತಿಳಿಸಿದ್ದಾರೆ,(ಏಜನ್ಸೀಸ್​).