ಅಮೆರಿಕಾ ಬಾಕ್ಸ್​ ಆಫೀಸ್​ನಲ್ಲಿ ಮತ್ತೊಂದು ಮೈಲಿಗಲ್ಲು ಸಾಧಿಸಿದ ನಾನಿ ಸಿನಿಮಾ!

ಹೈದರಾಬಾದ್: ನ್ಯಾಚುರಲ್ ಸ್ಟಾರ್ ನಾನಿ ಮತ್ತು ಮೃಣಾಲ್ ಠಾಕೂರ್​ ಮುಖ್ಯಭೂಮಿಕೆಯಲ್ಲಿ ನಟಿಸಿದ 'ಹಾಯ್​ ನನ್ನಾ' ಸಿನಿಮಾ ಇದೀಗ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡಿದ್ದು, ಸಿನಿಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆಗಳನ್ನು ಪಡೆದಯಕೊಳ್ಳುತ್ತಿದೆ. ಈ ಮಧ್ಯೆ ಯುಎಸ್​ ಬಾಕ್ಸ್​ ಆಫೀಸ್​ನಲ್ಲಿ ಮತ್ತೊಂದು ದಾಖಲೆ ನಿರ್ಮಿಸಿದ ನಾನಿ ಚಿತ್ರ, ಭರ್ಜರಿ ಗಳಿಕೆಯಲ್ಲಿ ಮುಂಚೂಣಿಯಲ್ಲಿದೆ.

ಇದನ್ನೂ ಓದಿ: ರಾಮಮಂದಿರ ಉದ್ಘಾಟನೆಗೆ ಚಂದನವನದ ಡಿವೈನ್​ ಸ್ಟಾರ್​​​​​ ಸೇರಿದಂತೆ 250 ಕನ್ನಡಿಗರಿಗೆ ಆಹ್ವಾನ!

ಈ ಹಿಂದಿನಿಂದಲೂ ಅಮೆರಿಕಾ ಸಿನಿಪ್ರೇಕ್ಷಕರು ನಾನಿ ನಟನೆಯ ಸಿನಿಮಾಗಳಿಗೆ ಹೆಚ್ಚಿನ ಮನ್ನಣೆ ನೀಡುತ್ತಲೇ ಬಂದಿದ್ದಾರೆ. ಅದೇ ರೀತಿ ಈ ಬಾರಿ ತೆರೆಕಂಡ ಕುಟಂಬ ಆಧರಿತ ಕಥೆಯನ್ನು ಪ್ರೇಕ್ಷಕರು ಮೆಚ್ಚಿ, ಪಾಸಿಟಿವ್ ರೆಸ್ಪಾನ್ಸ್​ ನೀಡಿದ್ದಾರೆ. ಇದೀಗ ಯುಎಸ್​ ಬಾಕ್ಸ್ ಆಫೀಸ್‌ನಲ್ಲಿ ನಾನಿ ನಟನೆಯ ಈ ಸಿನಿಮಾ 1.5 ಮಿಲಿಯನ್ ಡಾಲರ್ ಗಳಿಕೆಯನ್ನು ಕಂಡಿದ್ದು, ಈ ಮೈಲಿಗಲ್ಲನ್ನು ಸಾಧಿಸಿದ ನಾನಿ ನಟನೆಯ 9ನೇ ಸಿನಿಮಾವಿದು ಎಂದು ಹೇಳಲಾಗಿದೆ.

ಸದ್ಯ ಅಮೆರಿಕಾ ಬಾಕ್ಸ್​ ಆಫೀಸ್​ನಲ್ಲಿ 1.5 ಮಿಲಿಯನ್ ಡಾಲರ್‌ ಗಳಿಕೆ ಕಾಣುವ ಮೂಲಕ ಅಬ್ಬರಿಸುತ್ತಿರುವ 'ಹಾಯ್ ನನ್ನಾ' ಚಿತ್ರವು ಇದೀಗ ಯುಎಸ್​ ಗಲ್ಲಾಪೆಟ್ಟಿಗೆಯಲ್ಲಿ ತನ್ನ ಆರ್ಭಟವನ್ನು ಮುಂದುವರಿಸಲಿದೆ ಎಂದು ನಿರೀಕ್ಷಿಸಲಾಗಿದೆ. ಶೌರ್ಯವ್ ನಿರ್ದೇಶನದ ಈ ಚಿತ್ರಕ್ಕೆ ಮಲಯಾಳಂನ ಖ್ಯಾತ ಸಂಗೀತ ಸಂಯೋಜಕ ಹೇಶಾಮ್ ಅಬ್ದುಲ್ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ.

ಇದನ್ನೂ ಓದಿ: ಮಹಿಳೆಯರಲ್ಲಿ ಕಾಣಿಸಿಕೊಳ್ಳುವ ಬೆನ್ನು ನೋವಿಗೆ ಪರಿಹಾರ ಕ್ರಮ ಇಂತಿದೆ…

ಚಿತ್ರದಲ್ಲಿ ನಾನಿ, ಮೃಣಾಲ್ ಠಾಕೂರ್, ಬೇಬಿ ಕಿಯಾರಾ, ಜಯರಾಮ್, ಪ್ರಿಯದರ್ಶಿ, ನಾಸರ್, ಅಂಗದ್ ಬೇಡಿ, ವಿರಾಜ್ ಅಶ್ವಿನ್ ಮುಂತಾದವರ ತಾರಾಗಣವಿದೆ,(ಏಜೆನ್ಸೀಸ್).

https://www.vijayavani.net/covid-19-sub-strain-jn-1-detected-in-kerala