ಹೈದರಾಬಾದ್: ವೇದ-ಮಂತ್ರಗಳ ಸಾಕ್ಷಿಯಾಗಿ, ಹಿರಿಯರು ಹಾಗೂ ಬಂಧುಗಳು ಸಮ್ಮುಖದಲ್ಲಿ ಮದುವೆ ಎಂಬ ಬಂಧನದಲ್ಲಿ ಒಂದಾದ ಜೋಡಿ, ನೂರು ವರ್ಷಗಳ ಕಾಲ ಸುಖವಾಗಿರಲೆಂದು ಎಲ್ಲರು ಆಶೀರ್ವದಿಸುತ್ತಾರೆ. ಆದರೂ ಇತ್ತೀಚೆಗಷ್ಟೇ ಮದುವೆಯಾದ ಜೋಡಿ ಭಿನ್ನಾಭಿಪ್ರಾಯದಿಂದ ಬೇರೆಯಾಗಿರುವುದನ್ನು ನಾವು ನೋಡಿದ್ದೇವೆ. ವರದಕ್ಷಿಣೆಗಾಗಿ ಗಂಡ ಮತ್ತು ಅತ್ತೆಯರಿಂದ ಕಿರುಕುಳಕ್ಕೆ ಒಳಗಾಗುವ ಅಥವಾ ಹೆಣ್ಣು ಮಗು ಹುಟ್ಟಿತ್ತು ಎಂಬ ಹಿಂಸೆಗೆ ಒಳಗಾಗಿ ಮದುವೆ ಬಂಧನವನ್ನು ಬಿಡಿಸಿಕೊಳ್ಳುವವರೂ ಇದ್ದಾರೆ. ಇನ್ನು ಕೆಲವರು ತನಗಾದ ಅನ್ಯಾಯದ ವಿರುದ್ಧ ಹೋರಾಡಲು ಗಂಡನ ಮನೆಯವರ ವಿರುದ್ಧವೇ ಧರಣಿ ಕುಳಿತುಬಿಡುತ್ತಾರೆ. ಇದಕ್ಕೆ ತಾಜಾ ಘಟನೆಯೊಂದು ಸಾಕ್ಷಿಯಾಗಿದೆ. ಮದುವೆಯಾದಾಗಿನಿಂದ ನನ್ನ ಗಂಡ ನನ್ನನ್ನು ಮುಟ್ಟೇ ಇಲ್ಲ ಮತ್ತು ನನ್ನನ್ನು ನಿರ್ಲಕ್ಷಿಸುತ್ತಿದ್ದಾರೆ ಎಂದು ಆರೋಪಿಸಿ, ನ್ಯಾಯ ಕೊಡಿಸುವಂತೆ ಮಾನವ ಮನೆ ಮುಂದೆಯೇ ಮಹಿಳೆಯೊಬ್ಬಳು ಧರಣಿ ಕುಳಿತ ಘಟನೆ ಹೈದರಾಬಾದ್ನಲ್ಲಿ ನಡೆದಿದೆ.
