ನವದೆಹಲಿ: ವಿರಾಟ್ ಕೊಹ್ಲಿ ಬ್ಯಾಟಿಂಗ್ಗಿಂತಲೂ ಫೀಲ್ಡಿಂಗ್ ಅಂತಾ ಬಂದಾಗ ಹೆಚ್ಚು ಆಕ್ರಮಣಕಾರಿಯಾಗಿ ಆಡುತ್ತಾರೆ. ಹಾಗೆಯೇ ಎದುರಾಳಿಗಳು ಅವರನ್ನು ಕೆರಳಿಸಿದರೆ ಬ್ಯಾಟ್ನಿಂದಲೇ ತಕ್ಕ ಉತ್ತರ ಕೊಡುತ್ತಾರೆ. ಕೊಹ್ಲಿ ಕೋಪಿಷ್ಠ ಅಂದುಕೊಂಡರೆ ಅದು ತಪ್ಪು. ಏಕೆಂದರೆ, ಕೊಹ್ಲಿ ಎಷ್ಟು ಮೃದು ಸ್ವಭಾವದವರು ಎಂಬುದು ನಮಗೆಲ್ಲ ಗೊತ್ತೇ ಇದೆ.
ಕ್ರಿಕೆಟ್ನ ಕೆಲವೊಂದು ಟಿಪ್ಸ್ಗಳ ಬಗ್ಗೆ ಯುವ ಆಟಗಾರರಿಗೆ ಹೇಳುವ ಮೂಲಕ ಯುವಕರಿಗೆ ಸಹಾಯ ಮಾಡುತ್ತಾರೆ. ಅಲ್ಲದೆ, ಯುವ ಆಟಗಾರರಿಗೆ ವಿಶೇಷ ಉಡುಗೊರೆಯನ್ನು ನೀಡುವ ಬೆನ್ನು ತಟ್ಟಿ ಪ್ರೋತ್ಸಾಹಿಸುತ್ತಾರೆ. ಇತ್ತೀಚೆಗಷ್ಟೇ ಕೋಲ್ಕತ ನೈಟ್ ರೈಡರ್ಸ್ ತಂಡದ ಬ್ಯಾಟರ್ ರಿಂಕು ಸಿಂಗ್ಗೆ ರನ್ ಮಷಿನ್ ಕೊಹ್ಲಿ ಅವರಿಂದ ಅನಿರೀಕ್ಷಿತ ಉಡುಗೊರೆಯೊಂದು ಸಿಕ್ಕಿದೆ. ಆ ಖುಷಿಯನ್ನು ರಿಂಕು ಅವರು ತಮ್ಮ ಸಾಮಾಜಿಕ ಜಾಲತಾಣಗಳ ಮೂಲಕ ಹಂಚಿಕೊಂಡಿದ್ದಾರೆ.
ರಿಂಕು ಸಿಂಗ್ ಕಳೆದ ವರ್ಷದ ಐಪಿಎಲ್ ಸೀಸನ್ನಲ್ಲಿ ತಮ್ಮ ಬ್ಯಾಟಿಂಗ್ ಅಬ್ಬರದ ಮೂಲಕ ಎಲ್ಲರ ಗಮನ ಸೆಳೆದರು. ಅದೇ ವೇಗದಲ್ಲಿ ಟೀಂ ಇಂಡಿಯಾ ಟಿ20 ತಂಡದಲ್ಲಿ ಸ್ಥಾನ ಪಡೆದರು ಮತ್ತು ಅಲ್ಲಿಯೂ ತಮ್ಮ ಸ್ಫೋಟಕ ಆಟವನ್ನು ಸಾಬೀತುಪಡಿಸಿದರು ಮತ್ತು ಏಕದಿನ ಪಂದ್ಯಕ್ಕೂ ರಿಂಕು ಪದಾರ್ಪಣೆ ಮಾಡಿದರು. ಈ ಯುವ ಆಟಗಾರ ಸದ್ಯ ಪ್ರಸಕ್ತ ಐಪಿಎಲ್ ಸೀಸನ್ನಲ್ಲಿ ಆಡುತ್ತಿದ್ದಾರೆ. ನಿನ್ನೆ (ಮಾರ್ಚ್ 29) ನಡೆದ ಬೆಂಗಳೂರು ವಿರುದ್ಧದ ಪಂದ್ಯದಲ್ಲಿ ರಿಂಕು 5 ರನ್ ಗಳಿಸಿ ಅಜೇಯರಾಗಿ ಉಳಿದಿದರು. ಅಷ್ಟರಲ್ಲಾಗಲೇ ಕೆಕೆಆರ್ ಗೆದ್ದಿದ್ದರಿಂದ ಬ್ಯಾಟಿಂಗ್ನಲ್ಲಿ ಅಬ್ಬರಿಸಲು ರಿಂಕುಗೆ ಅವಕಾಶವೇ ಸಿಗಲಿಲ್ಲ.
ಈ ಪಂದ್ಯದ ಬಳಿಕ ರನ್ ಮೆಷಿನ್ ವಿರಾಟ್ ಕೊಹ್ಲಿ ರಿಂಕು ಸಿಂಗ್ಗೆ ಮರೆಯಲಾಗದ ಉಡುಗೊರೆಯನ್ನು ನೀಡಿದ್ದಾರೆ. ರಿಂಕು ಬಳಿ ಹೋಗಿ ಬ್ಯಾಟ್ ಉಡುಗೊರೆಯಾಗಿ ನೀಡಿದ್ದಲ್ಲದೆ ಅಮೂಲ್ಯ ಸಲಹೆಯನ್ನೂ ಕೊಹ್ಲಿ ನೀಡಿದ್ದಾರೆ. ಈ ವಿಚಾರವನ್ನು ರಿಂಕು ಸಿಂಗ್ ಅವರು ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಹಂಚಿಕೊಂಡಿದ್ದಾರೆ. ಅಮೂಲ್ಯವಾದ ಸಲಹೆಗಳನ್ನು ನೀಡಿ ಬ್ಯಾಟ್ ಅನ್ನು ಉಡುಗೊರೆಯಾಗಿ ನೀಡಿದ್ದಕ್ಕಾಗಿ ಧನ್ಯವಾದಗಳು ವಿರಾಟ್ ಭಾಯ್ ಎಂದಿರುವ ರಿಂಕು, ಬ್ಯಾಟ್ ತೆಗೆದುಕೊಂಡ ನಂತರ ಕೊಹ್ಲಿ ಅವರನ್ನು ಅಪ್ಪಿಕೊಂಡಿರುವ ಫೋಟೋವನ್ನು ಸಹ ಪೋಸ್ಟ್ ಮಾಡಿದ್ದಾರೆ.
ಅಂದಹಾಗೆ ಯುವ ಆಟಗಾರರಿಗೆ ವಿರಾಟ್ ಕೊಹ್ಲಿ ಈ ರೀತಿ ಉಡುಗೊರೆ ನೀಡುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆಯೂ ಹಲವು ಆಟಗಾರರಿಗೆ ಉಡುಗೊರೆ ನೀಡಿದ್ದಾರೆ ಮತ್ತು ರಿಂಕು ಸಿಂಗ್ಗೆ ವಿರಾಟ್ನ ಅನಿರೀಕ್ಷಿತ ಉಡುಗೊರೆಯ ಕುರಿತು ನಿಮ್ಮ ಅಭಿಪ್ರಾಯಗಳನ್ನು ಕಾಮೆಂಟ್ಗಳ ರೂಪದಲ್ಲಿ ಹಂಚಿಕೊಳ್ಳಿ. (ಏಜೆನ್ಸೀಸ್)
ಆರ್ಸಿಬಿಗೆ ಸೇರಿಕೊಳ್ಳಲಿದ್ದಾರೆ ರೋಹಿತ್ ಶರ್ಮ!? ನಾಯಕತ್ವವೂ ಕೂಡ ಹಿಟ್ಮ್ಯಾನ್ ಹೆಗಲಿಗೆ
ಇಂದು ಹೃದಯಾಘಾತದಿಂದ ಮೃತಪಟ್ಟ ಡೇನಿಯಲ್ ಬಾಲಾಜಿ ಕನ್ನಡದ ಖ್ಯಾತ ನಟನ ಸಹೋದರ!