ಮುಂಬೈ ಸಿಗ್ನಲ್​ಗಳಿಗೆ ಫಿದಾ ಆಗಿದ್ದಾರೆ ನೆಟ್ಟಿಗರು; ಮೋಡಿ ಮಾಡಿದ ಬದಲಾವಣೆಗಳೇನು?

ಮುಂಬೈ: ಕೆಲ ಕ್ಷೇತ್ರಗಳಲ್ಲಿ ಲಿಂಗ ಸಮಾನತೆ ಎಂಬ ಪರಿಕಲ್ಪನೆಯೇ ಇರುವುದಿಲ್ಲ. ಹೀಗೂ ಇರುತ್ತಾ ಎಂದೇ ಪ್ರಶ್ನೆ ಕೇಳುತ್ತಾರೆ. ಐರೋಪ್ಯ ದೇಶಗಳಲ್ಲಿ ದಶಕಗಳ ಹಿಂದೆಯೇ ಜಾರಿಯಾದ ಅಂಶವೊಂದು ಭಾರತದಲ್ಲೀಗ ಗಮನ ಸೆಳೆಯುತ್ತಿದೆ. ದೇಶದಲ್ಲೇ ಮೊದಲು ಎನಿಸಿದೆ.

ಮುಂಬೈನ ದಾದರ್​ನಲ್ಲಿರುವ ಸಂಚಾರ ನಿಯಂತ್ರಕ ದೀಪ ಹಾಗೂ ಬೋರ್ಡ್​ಗಳು ವಾಹನ ಸವಾರರ ಹಾಗೂ ಪಾದಚಾರಿಗಳ ಗಮನ ಸೆಳೆಯುತ್ತಿವೆ. ನೆಟ್ಟಿಗರಂತೂ ಫುಲ್​ ಫಿದಾ ಆಗಿದ್ದಾರೆ. ಮುಂಬೈ ಪಾಲಿಕೆ ಕ್ರಮಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ;  ಜಗತ್ತಿನ ಮೊದಲ ಕರೊನಾ ಲಸಿಕೆ ರಷ್ಯಾದಲ್ಲಿ ಸಿದ್ಧ; ಅಕ್ಟೋಬರ್​ನಲ್ಲಿ ಎಲ್ಲರಿಗೂ ಲಭ್ಯ; ಸ್ಪುಟ್ನಿಕ್​ ಯಶಸ್ಸಿಗೆ ಹೋಲಿಕೆ

ಇಲ್ಲಿನ ಸಿಗ್ನಲ್​ ಲೈಟ್​ಗಳಲ್ಲಿ ಮಹಿಳೆಯರನ್ನು ಪ್ರತಿನಿಧಿಸುವ ಚಿತ್ರಗಳನ್ನು ಬಳಸಲಾಗುತ್ತಿದೆ. ಸಂಚಾರ ಸೂಚನಾ ಫಲಕಗಳಲ್ಲೂ ಮಹಿಳೆಯರ ಚಿತ್ರ ಬಳಕೆಯಾಗುತ್ತಿದೆ. ಇಂಥದ್ದೊಂದು ಕ್ರಮ ದೇಶದಲ್ಲೇ ಮೊದಲು ಎನ್ನಲಾಗಿದೆ.

ಮಹಾರಾಷ್ಟ್ರ ಸಚಿವ ಹಾಗೂ ಸಿಎಂ ಉದ್ಧವ್​ ಠಾಕ್ರೆ ಪುತ್ರ ಆದಿತ್ಯ ಈ ಚಿತ್ರಗಳನ್ನು ಟ್ವಿಟರ್​ನಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ದಾದರ್​ ಮೂಲಕ ಹಾದು ಹೋಗಿದ್ದರೆ ನಿಮ್ಮನ್ನು ಹೆಮ್ಮೆ ಪಡುವಂತೆ ಮಾಡುತ್ತದೆ. ಮುಂಬೈ ಪಾಲಿಕೆ ಸರಳ ಉಪಾಯದೊಂದಿಗೆ ಲಿಂಗ ಸಮಾನತೆ ಸಾಧಿಸುತ್ತಿದೆ. ಟ್ರಾಫಿಕ್​ ಸಿಗ್ನಲ್​ ಲೈಟ್​ಗಳಲ್ಲೂ ಮಹಿಳೆಯರಿದ್ದಾರೆ...! ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ; ಆಗಸ್ಟ್​ ಅಂತ್ಯಕ್ಕೆ ಕರೊನಾ ನಿಗ್ರಹಿಸುತ್ತಾ ಮುಂಬೈ; ಶೇ.76ಕ್ಕೆ ಏರಿದ ಚೇತರಿಕೆ; 20 ಸಾವಿರಕ್ಕಿಳಿದ ಸಕ್ರಿಯ ಪ್ರಕರಣ 

ಇದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಇಂಥ ಸರಳ ವಿಚಾರಗಳಿಂದ ದೊಡ್ಡ ಬದಲಾವನೆಗಳು ಸಾಧ್ಯ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

https://www.vijayavani.net/corona-cases-r-value-has-fallen-below-1-in-delhi/