ಇದನ್ನೂ ಓದಿ: ಕೊಪ್ಪಳ | ಹಣಕ್ಕಾಗಿ ಕಾರು ಮಾಲೀಕನ ಮಗನನ್ನೇ ಕೊಂದ ಪಾಪಿ ಡ್ರೈವರ್!
ಮೃತನನ್ನು ವಿಜಯ್ ಗುಪ್ತಾ(35) ಎಂದು ಗುರುತಿಸಲಾಗಿದ್ದು, ಆತ ತಮ್ಮ ಕುಟುಂಬದೊಂದಿಗೆ ವಾಸಿಸುತ್ತಿದ್ದ. ಪಕ್ಕದ ಕಟ್ಟಡದ ಮರದಲ್ಲಿ ಹಾಸಿಗೆ ಸಿಲುಕಿಕೊಂಡಿದ್ದನ್ನು ಗಮನಿಸಿದ ವಿಜಯ್, ಹಾಸಿಗೆಯನ್ನು ತೆಗೆಯಬೇಕೆಂಬ ಉದ್ದೇಶದಿಂದ ತಮ್ಮ ಕಟ್ಟಡದ ಮೇಲೆ ಹತ್ತಿದ್ದ. ಎರಡನೇ ಮಹಡಿಯಿಂದ ಹಾಸಿಗೆಯನ್ನು ತೆಗೆಯಲು ಯತ್ನಿಸಿದ ವಿಜಯ್ ಸಮತೋಲನ ಕಳೆದುಕೊಂಡು ಕಟ್ಟಡದಿಂದ ಬಿದ್ದಿದ್ದಾನೆ.
ಕೂಡಲೇ ಈತನನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆತ ಮೃತಪಟ್ಟಿರುವುದಾಗಿ ವೈದ್ಯರು ಘೋಷಿಸಿದರು.ಪ್ರತ್ಯಕ್ಷದರ್ಶಿಯೊಬ್ಬರು ಈ ಕುರಿತು ಮಾತನಾಡಿದ್ದು, ಗಾಳಿ ಬೀಸಿದ್ದರಿಂದ ಹಾಸಿಗೆ ಮರದಲ್ಲಿ ಸಿಲುಕಿಕೊಂಡಿರಬಹುದು. ಹಾಸಿಗೆ ತೆಗೆಯಬೇಡಿ ಎಂದು ಗುಪ್ತಾಗೆ, ಆತನ ಕುಟುಂಬಸ್ಥರು ಹೇಳಿದರೂ ಅವರ ಮಾತಿಗೆ ಬೆಲೆ ಕೊಡದೇ ಛಾವಣಿ ಏರಿದ್ದ. ಹೀಗಾಗಿ ಈ ದುರ್ಘಟನೆ ನಡೆದಿದೆ ಎಂದಿದ್ದಾರೆ.
ಈ ಕುರಿತು ಪ್ರಕರಣವನ್ನು ದಾಖಲಿಸಿಕೊಂಡಿರುವ ಪೊಲೀಸರು, ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ತಿಳಿಸಿದ್ದಾರೆ.(ಏಜೆನ್ಸೀಸ್)
