ರಿಲಯನ್ಸ್ ಎನರ್ಜಿಗೆ ಅನಂತ್ ಬಾಸ್; ಮುಕೇಶ್ ಅಂಬಾನಿ ಮಕ್ಕಳಿಗೆ ಕಂಪನಿಯ ಹೊಣೆಗಾರಿಕೆ ಹಂಚಿಕೆ..

ಮುಂಬೈ: ಮುಕೇಶ್ ಅಂಬಾನಿ ಕಿರಿಯ ಪುತ್ರ ಅನಂತ್ (26) ರಿಲಯನ್ಸ್​ನ ಎರಡು ಸೋಲಾರ್ ಕಂಪನಿಗಳ ನಿರ್ದೇಶಕರಾಗಿ ನೇಮಕವಾಗಿದ್ದಾರೆ. ಕಳೆದ ಫೆಬ್ರವರಿಯಲ್ಲಿ ಅನಂತ್ ರಿಲಯನ್ಸ್ ಒ2ಸಿ ನಿರ್ದೇಶರಾಗಿ ನೇಮಕವಾಗಿದ್ದರು. ಕಳೆದ ವರ್ಷ ಅವರನ್ನು ಜಿಯೋ ಪ್ಲಾಟ್​ಫಾಮ್್ಸರ್ ಆಡಳಿತ ಮಂಡಳಿಗೆ ಸೇರಿಸಲಾಗಿತ್ತು. ಮುಕೇಶ್ ಅವರ ಇನ್ನಿಬ್ಬರು ಅವಳಿ ಮಕ್ಕಳಾದ ಇಶಾ ಮತ್ತು ಆಕಾಶ್ (29) ಕೂಡ ಜಿಯೋ ಪ್ಲಾಟ್​ಫಾಮ್್ಸರ್ ಆಡಳಿತ ಮಂಡಳಿಯಲ್ಲಿ ಇದ್ದಾರೆ. ಇಶಾ ಮತ್ತು ಆಕಾಶ್ ರಿಲಯನ್ಸ್​ನ ರಿಟೇಲ್ ವೆಂಚರ್ಸ್​ನ ಆಡಳಿತ ಮಂಡಳಿಯ ನಿರ್ದೇಶಕರೂ ಆಗಿದ್ದಾರೆ.

ಅನಂತ್ ನಿರ್ದೇಶಕರಾಗಿರುವ ಒ2ಸಿಯಲ್ಲಿ ಸೌದಿ ತೈಲ ಕಂಪನಿ ಅರಾಮ್ಕೊ ದೊಡ್ಡ ಹೂಡಿಕೆ ಮಾಡಲಿದೆ. ಮುಕೇಶ್ ಅವರ ಮೂರೂ ಮಕ್ಕಳು ರಿಲಯನ್ಸ್ ಇಂಡಸ್ಟ್ರೀಸ್ (ಆರ್​ಐಎಲ್) ಮಹತ್ವದ ಹುದ್ದೆಯಲ್ಲಿದ್ದಾರೆ. ಉತ್ತರಾಧಿಕಾರಿಯಾರು ಎಂಬುದನ್ನು ಮುಕೇಶ್ ಇನ್ನೂ ಹೇಳಿಲ್ಲ. ರಿಲಯನ್ಸ್ ಸಂಸ್ಥಾಪಕ ಧೀರೂಭಾಯ್ ಅಂಬಾನಿ (2002ರಲ್ಲಿ ನಿಧನ) ಉಯಿಲು ಬರೆದಿರಲಿಲ್ಲ. ಅವರ ಮಕ್ಕಳಾದ ಮುಕೇಶ್ ಮತ್ತು ಅನಿಲ್ ನಡುವೆ ಉತ್ತರಾಧಿಕಾರಿಗಾಗಿ ಕಚ್ಚಾಟವಾಗಿತ್ತು. ನಂತರ ಸಂಸ್ಥೆ ಇಬ್ಭಾಗವಾಯಿತು. ಮುಕೇಶ್​ಗೆ ರಿಲಯನ್ಸ್ ತೈಲೋದ್ಯಮ ಸಂಸ್ಥೆಗಳು ಮತ್ತು ಅನಿಲ್​ಗೆ ವಿದ್ಯುತ್, ಹಣಕಾಸು, ದೂರಸಂಪರ್ಕ ಸಂಸ್ಥೆಗಳು ದೊರಕಿದವು.

https://www.vijayavani.net/these-people-can-face-delta-plus-variant-more-effectively/

https://www.vijayavani.net/covid-guidelines-violated-in-sendoff-party-of-a-police-inspector/

https://www.vijayavani.net/covid-recovered-persons-may-suffer-from-bone-death/