ಷೇರುಪೇಟೆಯಲ್ಲಿ ಹುಮ್ಮಸ್ಸು: ಭಾರತದ ಉಭಯ ಷೇರುಪೇಟೆಯಲ್ಲಿ ಮಂಗಳವಾರದ ವಹಿವಾಟು ಹುಮ್ಮಸ್ಸಿನಿಂದ ಕೂಡಿದ್ದು, ಸೆನ್ಸೆಕ್ಸ್ 63 ಸಾವಿರ ಗಡಿ ದಾಟಿದ್ದು, ಆರು ತಿಂಗಳ ಹಿಂದಿನ ಮಟ್ಟಕ್ಕೆ ತಲುಪಿದೆ. ಜಾಗತಿಕ ಷೇರುಪೇಟೆಯ ಧನಾತ್ಮಕತೆಯ ಪರಿಣಾಮ ಸೆನ್ಸೆಕ್ಸ್ ನಲ್ಲಿ 418.45 ಅಂಶ ಹೆಚ್ಚಳವಾಗಿ ವಹಿವಾಟು 63,143.16ರಲ್ಲಿ ಕೊನೆಗೊಂಡಿತು. ಮಧ್ಯಂತರದಲ್ಲಿ 452 ಪಾಯಿಂಟ್ ವರೆಗೂ ಜಿಗಿತ ಕಂಡಿತ್ತು. ನಿಫ್ಟಿಯಲ್ಲಿ 114.65 ಅಂಶ ಏರಿಕೆಯೊಂದಿಗೆ ದಿನದ ವಹಿವಾಟು 18,716.15ರಲ್ಲಿ ಮುಕ್ತಾಯವಾಗಿದೆ. ಐಟಿಸಿ, ಟೈಟಾನ್, ಏಷ್ಯನ್ ಪೇಂಟ್ಸ್, ರಿಲಯನ್ಸ್, ಟಾಟಾ ಸ್ಟೀಲ್, ಬಜಾಜ್ ಫಿನ್ಸರ್ವ್, ಆಕ್ಸಿಸ್ ಬ್ಯಾಂಕ್, ಹಿಂದುಸ್ತಾನ್ ಯುನಿಲಿವರ್, ಇನ್ಪೋಸಿಸ್, ಬಜಾಜ್ ಫೈನಾನ್ಸ್, ನೆಸ್ಲೆ, ಐಸಿಐಸಿಐ ಬ್ಯಾಂಕ್ಗಳ ಷೇರು ಮೌಲ್ಯ ಹೆಚ್ಚಿದೆ. ಇನ್ನೊಂದೆಡೆ ಕೊಟಾಕ್ ಮಹೀಂದ್ರ ಬ್ಯಾಂಕ್, ಮಹೀಂದ್ರ ಆಂಡ್ ಮಹೀಂದ್ರ, ಎಚ್ಸಿಎಲ್ ಟೆಕ್ನಾಲಜೀಸ್, ಎಸ್ಬಿಐ, ಭಾರ್ತಿ ಏರ್ಟೆಲ್, ಟಾಟಾ ಮೋಟಾರ್ಸ್ಗಳಿಗೆ ನಷ್ಟವಾಗಿದೆ. ಕರೆನ್ಸಿ ವಿನಿಮಯದಲ್ಲಿ ಡಾಲರ್ ಎದುರು ರೂಪಾಯಿ ಮೌಲ್ಯ 18 ಪೈಸೆ ಏರಿಕೆಯಾಗಿ ಪ್ರತಿ ಡಾಲರ್ಗೆ 82.25 ರೂ. ಇದೆ.
