ಕುದುರೆ ಸವಾರಿ ಮಾಡುವಾಗ ಬಿದ್ದು, ಮಿಸ್ ಯೂನಿವರ್ಸ್​ ಫೈನಲಿಸ್ಟ್ ಸಾವು!

ಆಸ್ಟ್ರೇಲಿಯಾ: ಮಿಸ್​ ಯೂನಿವರ್ಸ್‌ ಸ್ಪರ್ಧೆಯ ಫೈನಲಿಸ್ಟ್, ರೂಪದರ್ಶಿಯೊಬ್ಬರು​ ದಾರುಣವಾಗಿ ಅಂತ್ಯ ಕಂಡ ಘಟನೆ ಆಸ್ಟ್ರೇಲಿಯಾದಲ್ಲಿ ನಡೆದಿದೆ. 23 ವರ್ಷದ ಸಿಯೆನ್ನಾ ವೈರ್​ ಸಾವನಪ್ಪಿದ ಮಾಡೆಲ್​ ಆಗಿದ್ದು, ಕುದುರೆ ಸವಾರಿ ವೇಳೆ ಈ ದುರ್ಘಟನೆ ನಡೆದಿದೆ.

ಅಲ್ಲಿನ ಪತ್ರಿಕೆಯೊಂದರ ಪ್ರಕಾರ ಸಿಯೆನ್ನಾ ವೈರ್​ ಅವರು ಆಸ್ಟ್ರೇಲಿಯಾದ ವೈಂಡ್​ಸೊರ್​ ಪೋಲೋ ಗ್ರೌಂಡ್​ನಲ್ಲಿ ಏಪ್ರಿಲ್​ 2ರಂದು ಕುದುರೆ ಸವಾರಿ ವೇಳೆ ಬಿದ್ದು ಗಾಯಗೊಂಡಿದ್ದರು. ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಹಲವು ವಾರಗಳ ಕಾಲ ಆಸ್ಪತ್ರೆಯಲ್ಲಿದ್ದ ಆಕೆ ಚಿಕಿತ್ಸೆ ಸಫಲವಾಗದೇ ಕೊನೆಯುಸಿರೆಳೆದಿದ್ದಾಳೆ ಎಂದು ಕುಟುಂಬ ಸದಸ್ಯರು ಬಹಿರಂಗಪಡಿಸಿದ್ದಾರೆ.

ಇದನ್ನೂ ಓದಿ: ನಾಳೆ NEET UG 2023 ಪರೀಕ್ಷೆ : ವಿದ್ಯಾರ್ಥಿಗಳಿಗೆ ಮಹತ್ವದ ಸೂಚನೆ
ಅಲ್ಲದೇ, ಆಕೆಯ ಮಾಡೆಲಿಂಗ್​ ಏಜೆನ್ಸಿಯಾಗಿರುವ ಸ್ಕೂಪ್​ ಮ್ಯಾನೇಜ್​ಮೆಂಟ್​ ಕೂಡ ಆಕೆಯ ಕೆಲವು ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್​ ಮಾಡಿ, "ನಮ್ಮ ಹೃದಯದಲ್ಲಿ ಎಂದೆಂದಿಗೂ ಶಾಶ್ವತ" ಎಂದು ಅಡಿಬರಹ ನೀಡಿದ್ದಾರೆ.

2022ರ ಮಿಸ್​ ಯೂನಿವರ್ಸ್‌ ಸ್ಪರ್ಧೆಯ ಫೈನಲಿಸ್ಟ್ ಆಗಿದ್ದ ಸಿಯೆನ್ನಾ ಸಿಡ್ನಿ ಯೂನಿವರ್ಸಿಟಿಯಲ್ಲಿ ಇಂಗ್ಲಿಷ್​ ಹಾಗೂ ಮನೋವಿಜ್ಞಾನದ ವಿಷಯಗಳಲ್ಲಿ ಪದವಿಯನ್ನು ಪಡೆದಿದ್ದರು. ಪ್ರಪಂಚದಾದ್ಯಂತ ಅಭಿಮಾನಿಗಳನ್ನು ಹೊಂದಿದ್ದ ಮಾಡೆಲ್​ ಸಿಯೆನ್ನಾ ಚಿಕ್ಕ ವಯಸ್ಸಿನಲ್ಲೇ ಇಹಲೋಕ ತ್ಯಜಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/transgender-marital-crime-in-trisshur

https://www.vijayavani.net/kpcc-slams-bjp-4