ನಿದ್ರಿಸಿದ್ದಕ್ಕೆ ಕಂಪನಿಯಿಂದ ಉದ್ಯೋಗಿ ವಜಾ; ಮೊಕದ್ದಮೆ ಹೂಡಿದ ನೌಕರನಿಗೆ ಕೋರ್ಟ್​​​​ ಸೂಚಿಸಿದ Compensation ಕೇಳಿದ್ರೆ ಶಾಕ್​ ಆಗ್ತೀರಾ..

ಬೀಜಿಂಗ್​​: ಗಂಟೆಗಟ್ಟಲೆ ಕಚೇರಿಯಲ್ಲಿ ಕೆಲಸ ಮಾಡಿದ ಬಳಿಕ ಆಯಾಸ ಶುರುವಾಗುತ್ತದೆ. ಆಯಾಸದಿಂದಾಗಿ ನಿದ್ದೆಗೆ ಜಾರುವುದು ಸಹಜ. ಇದೇ ರೀತಿ ಕಚೇರಿಯಲ್ಲಿ 1 ಗಂಟೆ ನಿದ್ದೆ ಮಾಡಿದ್ದಕ್ಕಾಗಿ ವ್ಯಕ್ತಿಯೊಬ್ಬರು ಕೆಲಸ ಕಳೆದುಕೊಂಡಿರುವ ಘಟನೆ ಚೀನಾದಲ್ಲಿ ನಡೆದಿದೆ. ಕಂಪನಿ ಮಾಡಿದ್ದೇ ಸರಿ ಎಂದು ಸುಮ್ಮನಾಗದೆ ಆ ಉದ್ಯೋಗಿ ನ್ಯಾಯಾಲಯದ ಮೊರೆ ಹೋಗಿದ್ದಾರೆ. ಕೋರ್ಟ್​ ನೀಡದ ತೀರ್ಪು ಏನೆಂಬುದನ್ನು ನೀವೇ ನೋಡಿ.(compensation)

ಇದನ್ನು ಓದಿ: ಐದು ಟನ್ ಡ್ರಗ್ಸ್ ಪತ್ತೆ; ರಕ್ಷಣಾ ಅಧಿಕಾರಿಗಳು ಬಿಚ್ಚಿಟ್ರು ಸ್ಫೋಟಕ ಮಾಹಿತಿ.. | Andaman

ಚೀನಾದ ಜಿಯಾಂಗ್ಸು ಪ್ರಾಂತ್ಯದ ತೈಕ್ಸಿಂಗ್‌ನಲ್ಲಿ ಕೆಲಸ ಮಾಡುತ್ತಿದ್ದ ಜಾಂಗ್ ಅವರನ್ನು ಕಂಪನಿಯಿಂದ ವಜಾ ಮಾಡಲಾಗಿದೆ. ಜಾಂಗ್ 20 ವರ್ಷಗಳಿಂದ ಆ ಕಂಪನಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದರು. ಆದರೆ ಒಂದು ಸಣ್ಣ ಘಟನೆಯಿಂದಾಗಿ ಕಂಪನಿಯು ಅವರನ್ನು ಕೆಲಸದಿಂದ ತೆಗೆದುಹಾಕಿತು.

2024ರ ಆರಂಭದಲ್ಲಿ ಜಾಂಗ್ ಹಿಂದಿನ ದಿನ ಕಚೇರಿಯಲ್ಲಿ ತಡವಾಗಿ ಕೆಲಸ ಮಾಡುವಾಗ ಮೇಜಿನ ಬಳಿ 1 ಗಂಟೆ ನಿದ್ರಿಸಿದ್ದಾರೆ. ಅವರು ನಿದ್ದೆ ಮಾಡಿರುವ ವಿಡಿಯೋ ಅಲ್ಲಿ ಅಳವಡಿಸಲಾದ ಸಿಸಿಟಿವಿ ಕ್ಯಾಮೆರಾಗಳಲ್ಲಿ ರೆಕಾರ್ಡ್​​ ಆಗಿದೆ. ನಂತರ 2 ವಾರಗಳ ನಂತರ ಕಂಪನಿಯ ಎಚ್​​ಆರ್​​​​ ವಿಭಾಗದಿಂದ ಜಾಂಗ್​​ಗೆ ನೋಟಿಸ್ ನೀಡಿ ಕೆಲಸದಿಂದ ವಜಾಗೊಳಿಸಲಾಗಿದೆ. HR ವಿಭಾಗ ಆ ವ್ಯಕ್ತಿಯ ಬಗ್ಗೆ ವರದಿಯನ್ನು ನೀಡಿತು. ವರದಿಯಲ್ಲಿ ಕಂಪನಿಯ ಶೂನ್ಯ ಸಹಿಷ್ಣುತೆಯ ನೀತಿಯಿಂದಾಗಿ(Zero tolerance policy) ಕಾರ್ಮಿಕ ಸಂಘಟನೆಯೊಂದಿಗೆ ಸಮಾಲೋಚಿಸಿ ಜಾಂಗ್ ಅವರನ್ನು ವಜಾಗೊಳಿಸಲಾಗಿದೆ ಎಂದು ಕಂಪನಿ ಹೇಳಿದೆ.

ವಜಾಗೊಳಿಸುವ ನೋಟಿಸ್‌ನಲ್ಲಿ ಕಂಪನಿಯು, ಕಾಮ್ರೇಡ್ ಜಾಂಗ್, ನೀವು 2004ರಲ್ಲಿ ಕಂಪನಿಯನ್ನು ಸೇರಿಕೊಂಡಿದ್ದೀರಿ ಮತ್ತು ಮುಕ್ತ ಉದ್ಯೋಗಿ ಒಪ್ಪಂದಕ್ಕೆ ಸಹಿ ಹಾಕಿದ್ದೀರಿ. ಆದರೆ ಕೆಲಸದ ಸಮಯದಲ್ಲಿ ನಿದ್ರಿಸುವ ನಿಮ್ಮ ನಡವಳಿಕೆಯು ಕಂಪನಿಯ ಶೂನ್ಯ-ಸಹಿಷ್ಣು ನೀತಿಯ ಗಂಭೀರ ಉಲ್ಲಂಘನೆಯಾಗಿದೆ. ಇದರ ಪರಿಣಾಮವಾಗಿ ಒಕ್ಕೂಟದ ಅನುಮೋದನೆಯೊಂದಿಗೆ ಕಂಪನಿಯು ನಿಮ್ಮ ಉದ್ಯೋಗವನ್ನು ಕೊನೆಗೊಳಿಸಲು ನಿರ್ಧರಿಸಿದೆ. ನಿಮ್ಮ ಮತ್ತು ಕಂಪನಿಯ ನಡುವಿನ ಎಲ್ಲಾ ಕಾರ್ಮಿಕ ಸಂಬಂಧಗಳನ್ನು ಕೊನೆಗೊಳಿಸುತ್ತದೆ ಎಂದು ಬರೆದಿದೆ.

ಕಂಪನಿಯ ಈ ಕ್ರಮಕ್ಕೆ ಅಸಮ್ಮತಿ ವ್ಯಕ್ತಪಡಿಸಿ ಜಾಂಗ್ ನ್ಯಾಯಾಲಯದಲ್ಲಿ ಮೊಕದ್ದಮೆ ಹೂಡಿದರು. ಅದರ ನಂತರ ತನ್ನ ತೀರ್ಪಿನಲ್ಲಿ, ಟೈಸಿಂಗ್ ಪೀಪಲ್ಸ್ ಕೋರ್ಟ್ ವಜಾಗೊಳಿಸುವಿಕೆಯನ್ನು ಪ್ರಮುಖ ಕ್ರಮವೆಂದು ವಿವರಿಸಿದೆ. ವರದಿಯ ಪ್ರಕಾರ ನ್ಯಾಯಾಧೀಶ ಕ್ಸುಕಿ ಅವರು ಕಂಪನಿಗಳು ತಮ್ಮದೇ ಆದ ನಿಯಮಗಳನ್ನು ಜಾರಿಗೊಳಿಸುವ ಹಕ್ಕನ್ನು ಹೊಂದಿವೆ. ಆದರೆ ಉದ್ಯೋಗಿಯು ವಜಾಗೊಳಿಸಲು ನಿರ್ದಿಷ್ಟ ಷರತ್ತುಗಳನ್ನು ಪೂರೈಸಬೇಕು. ಉದಾಹರಣೆಗೆ ಜಾಂಗ್‌ನ ನಿದ್ದೆಯಿಂದ ಕಂಪನಿಗೆ ಭಾರಿ ನಷ್ಟ ಉಂಟಾದರೆ ಮಾತ್ರ ಅವನನ್ನು ಕೆಲಸದಿಂದ ವಜಾ ಮಾಡಬಹುದು.

ಕೆಲಸದ ಸಮಯದಲ್ಲಿ ನಿದ್ರಿಸುವುದು ಮೊದಲ ಅಪರಾಧ ಎಂದು ನ್ಯಾಯಾಧೀಶರು ಹೇಳಿದರು. ಆದರೆ ಇದು ಕಂಪನಿಗೆ ಯಾವುದೇ ಗಂಭೀರ ಹಾನಿಯನ್ನುಂಟು ಮಾಡಲಿಲ್ಲ. ಜಾಂಗ್ ಅವರ ಎರಡು ದಶಕಗಳಲ್ಲಿನ ದಾಖಲೆ, ಬಡ್ತಿಗಳು ಮತ್ತು ಸತತವಾಗಿ ಉತ್ತಮ ಪ್ರದರ್ಶನ ಸೇರಿದಂತೆ ಅವರ ಪ್ರಕರಣವನ್ನು ಇನ್ನಷ್ಟು ಬಲಪಡಿಸುತ್ತದೆ ಎಂದು ಹೇಳಿದೆ. ನಂತರ ನ್ಯಾಯಾಲಯವು ಜಾಂಗ್ ಕಂಪನಿ ನಿಯಮ ಉಲ್ಲಂಘಿಸಿರುವುದರಿಂದ ತಪ್ಪಿತಸ್ಥನೆಂದು ತೀರ್ಪು ನೀಡಿತು.ಮತ್ತು ಕಂಪನಿಯು ಅವನಿಗೆ 3,50,000 ಯುವಾನ್ ಪರಿಹಾರವನ್ನು ನೀಡಬೇಕು ಎಂದು ತೀರ್ಪು ನೀಡಿದೆ.ಇದು ಭಾರತೀಯ ಕರೆನ್ಸಿಯಲ್ಲಿ ಅಂದಾಜು 4 ಕೋಟಿ ರೂಪಾಯಿ ಆಗಿದೆ.(ಏಜೆನ್ಸೀಸ್​​​)

https://www.vijayavani.net/justin-trudeau-describes-leaking-of-info-linking-modi-to-nijjar-plot-as-criminal-unreliable