ಸೋಶಿಯಲ್​​ ಮೀಡಿಯಾದಲ್ಲಿ ಫೋಟೋ ಪೋಸ್ಟ್ ಮಾಡಿದ್ದಕ್ಕೆ ಪತ್ನಿಗೆ ತ್ರಿವಳಿ ತಲಾಖ್ ನೀಡಿದ ಪತಿ

ಮುಂಬೈ: 2019 ರ ಮುಸ್ಲಿಂ ಮಹಿಳೆಯರ (ವಿವಾಹದ ಹಕ್ಕುಗಳ ರಕ್ಷಣೆ) ಕಾಯಿದೆಯ ಅಡಿಯಲ್ಲಿ ತ್ರಿವಳಿ ತಲಾಖ್ ಅನ್ನು ಅಪರಾಧವೆಂದು ಪರಿಗಣಿಸಲಾಗಿದೆ. ಪತ್ನಿ ಸೋಶಿಯಲ್​​ ಮೀಡಿಯಾದಲ್ಲಿ ಫೋಟೋ ಪೋಸ್ಟ್​​ ಮಾಡಿದ್ದಾಳೆಂದು ತಲಾಖ್​​ ಹೇಳಿರುವ ವಿಚಿತ್ರ ಪ್ರಕರಣವೊಂದು ಬೆಳಕಿಗೆ ಬಂದಿದೆ.

23 ವರ್ಷದ ರುಖ್ಸಾರ್ ಸಿದ್ದಿಕಿ ಅವರು ತಮ್ಮ ಮೊದಲ ವಿವಾಹ ವಾರ್ಷಿಕೋತ್ಸವದ ಅಂಗವಾಗಿ ತನ್ನ ಮತ್ತು ಪತಿ ಮುಸ್ತಾಕಿಮ್ ಅವರ ಫೋಟೋಗಳ ವಿಡಿಯೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಾಕಿದ ನಂತರ, ಅವನು ಅವಳಿಗೆ ತಕ್ಷಣ ತ್ರಿವಳಿ ತಲಾಖ್ ನೀಡಿದನು ಅವಳನ್ನು ಕೊಲ್ಲುವುದಾಗಿ ಬೆದರಿಕೆ ಹಾಕಿದ್ದಾನೆ ಎಂದು ದೂರು ದಾಖಲಾಗಿದೆ.

ಇದನ್ನೂ ಓದಿ: ಆಟ ಆಡುವಾಗ 300 ಅಡಿ ಆಳದ ಕೊಳವೆ ಬಾವಿಗೆ ಬಿದ್ದ ಬಾಲಕಿ: ಬದುಕಿ ಬರಲಿ ಎಂದು ಗ್ರಾಮಸ್ಥರ ಪ್ರಾರ್ಥನೆ

ರುಖ್ಸಾರ್ ಸಿದ್ದಿಕಿ ನೀಡದ ದೂರಿನಲ್ಲಿ, “ನಾನು ಅನಾರೋಗ್ಯದಿಂದ ಬಳಲುತ್ತಿದ್ದರಿಂದ, ನನ್ನ ಗಂಡನ ಮನೆಯಲ್ಲಿ ನನ್ನನ್ನು ನೋಡಿಕೊಳ್ಳಲು ಯಾರೂ ಇಲ್ಲದ ಕಾರಣ ನಾನು ಫೆಬ್ರವರಿಯಲ್ಲಿ ನನ್ನ ಹೆತ್ತವರ ಮನೆಗೆ ಹೋಗಿದ್ದೆ. ನಾನು ನಮ್ಮ ವಿವಾಹ ವಾರ್ಷಿಕೋತ್ಸವದಂದು ಕೆಲವು ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳನ್ನು ಅಪ್‌ಲೋಡ್ ಮಾಡಿದ್ದೇನೆ. ಮಾರ್ಚ್ 22ರಂದು ನಮ್ಮ ವಿವಾಹ ಸಮಾರಂಭದ ನಿಮಿತ್ತವಾಗಿ ಹಲವಾರು ಫೋಟೋಗಳನ್ನು ಜೋಡಿಸಿ ಒಂದು ವಿಡಿಯೋ ಮಾಡಿ ಹಾಕಿದೆ.

ಮಹಿಳೆ ನೀಡಿದ ದೂರಿನಲ್ಲಿ ಏನಿದೆ:

"ನನ್ನ ಪತಿ ಕೆಲವು ಫೋಟೋಗಳನ್ನು ಜೋಡಿಸಿ ಮಾಡಿರುವ ವಿಡಿಯೋ ಗಮನಿಸಿ, ಅವರು ನನಗೆ ಫೋನ್​​ ಮಾಡಿ ಅವುಗಳನ್ನು ತೆಗೆದುಹಾಕಲು ಹೇಳಿದರು. ನಾನು ನಿರಾಕರಿಸಿದಾಗ ಅವರು ನನ್ನನ್ನು ಕೊಲ್ಲುವುದಾಗಿ ಬೆದರಿಕೆ ಹಾಕಿದರು. ಇದರ ನಂತರ ಏಪ್ರಿಲ್ 26 ರಂದು ಮನೆಗೆ ಹಿಂದಿರುಗಿದಾಗ, ತನ್ನ ಪತಿ ಮೌಖಿಕವಾಗಿ ತ್ರಿವಳಿ ತಲಾಖ್ ನೀಡಿದ್ದಾನೆ. ನಂತರ ನನ್ನ ಪತಿ ಮನೆಗೆ ಮರಳಲು ಬಯಸುತ್ತೇನೆ. ನನ್ನ ತಾಯಿ ಮತ್ತು ಸಹೋದರಿ ನನ್ನ ಗಂಡನ ಮನೆಗೆ ನನ್ನೊಂದಿಗೆ ಬಂದರು. ಅವರ ಮನೆಯವರು ನನ್ನನ್ನು ಒಳಗೆ ಹೋಗಲು ಬಿಡಲಿಲ್ಲ ಮತ್ತು ಅವರು ಮನೆಯ ಹೊರಗೆ ತ್ರಿವಳಿ ತಲಾಖ್ ಹೇಳಿದರು ”ಎಂದು ಲಿಖಿತ ದೂರು ಸಲ್ಲಿಸಿದ್ದಾಳೆ.

ಇದನ್ನೂ ಓದಿ: ಕೆ.ಜಿ.ಗಟ್ಟಲೆ ಬಂಗಾರ ಧರಿಸಿ ತಿರುಪತಿ ತಿಮ್ಮಪ್ಪನ ದರ್ಶನಕ್ಕೆ ಬರುವುದು ಈ ಕುಟುಂಬದ ಸಂಪ್ರದಾಯವಂತೆ!

ಮುಸ್ತಾಕಿಮ್ ಜೀವ ಬೆದರಿಕೆ ಹಾಕಿದಾಗ, ಕುರ್ಲಾ ಪೂರ್ವದಲ್ಲಿರುವ ಆಕೆಯ ಪೋಷಕರ ಮನೆ ಚುನಾಭಟ್ಟಿ ಪೊಲೀಸ್ ಠಾಣೆಯಲ್ಲಿ ಈ ಘಟನೆಯ ಬಗ್ಗೆ ದೂರು ದಾಖಲಿಸಿದೆ ಎಂದು ರುಖ್ಸಾರ್ ಪೊಲೀಸರಿಗೆ ತಿಳಿಸಿದ್ದಾರೆ.

“ಆಪಾದನೆಗಳ ಗಂಭೀರ ಸ್ವರೂಪವನ್ನು ಪರಿಗಣಿಸಿ, ನಾವು ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 498 ಎ (ಗಂಡ/ಅಳಿಯರಿಂದ ಮಹಿಳೆಗೆ ಕಿರುಕುಳ) ಅಡಿಯಲ್ಲಿ ಪತಿ ಮತ್ತು ಅವರ ಕುಟುಂಬವನ್ನು ದಾಖಲಿಸಿದ್ದೇವೆ. ನಾವು ಪತಿಗೆ ಜೀವ ಬೆದರಿಕೆ ಮತ್ತು ಪತ್ನಿಗೆ ತ್ರಿವಳಿ ತಲಾಖ್ ನೀಡಿದ್ದಕ್ಕಾಗಿ ಪ್ರಕರಣ ದಾಖಲಿಸಿದ್ದೇವೆ ಎಂದು ಸಹರ್ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

https://www.vijayavani.net/vendor-sprinkles-drain-water-on-coconuts