ಆಟ ಆಡುವಾಗ 300 ಅಡಿ ಆಳದ ಕೊಳವೆ ಬಾವಿಗೆ ಬಿದ್ದ ಬಾಲಕಿ: ಬದುಕಿ ಬರಲಿ ಎಂದು ಗ್ರಾಮಸ್ಥರ ಪ್ರಾರ್ಥನೆ

ಮುಗವಲಿ: ಆಟ ಆಡುತ್ತಿದ್ದ ಎರಡೂವರೆ ವರ್ಷದ ಮಗುವೊಂದು 300 ಅಡಿ ಆಳದ ಬೋರ್‌ವೆಲ್‌ಗೆ ಬಿದ್ದಿರುವ ಘಟನೆ ಮಧ್ಯಪ್ರದೇಶದ ಸೆಹೋರ್​ ಜಿಲ್ಲೆಯ ಮುಂಗೋಲಿ ಗ್ರಾಮದಲ್ಲಿ ನಡೆದಿದೆ.

ಇದನ್ನೂ ಓದಿ: ಸಚಿವ ಸತೀಶ ಜಾರಕಿಹೊಳಿ ಸಭೆಗೆ ಪಾಲಿಕೆ ಬಿಜೆಪಿ‌ ಸದಸ್ಯರು ಗೈರು

ಪೊಲೀಸ್ ಪಡೆ, ರಾಜ್ಯ ವಿಪತ್ತು ನಿರ್ವಹಣಾ ಪಡೆ (ಎಸ್‌ಡಿಆರ್‌ಎಫ್) ಮತ್ತು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ (ಎನ್‌ಡಿಆರ್‌ಎಫ್) ಸ್ಥಳಕ್ಕೆ ಆಗಮಿಸಿದ್ದು, ಹಿರಿಯ ಅಧಿಕಾರಿಗಳ ಮೇಲುಸ್ತುವಾರಿಯಲ್ಲಿ ರಕ್ಷಣಾ ಪ್ರಯತ್ನಗಳು ನಡೆಯುತ್ತಿವೆ.

ಜೆಸಿಬಿ ಯಂತ್ರಗಳ ನೆರವಿನಿಂದ 300 ಅಡಿ ಆಳದ ಬಾವಿಯಿಂದ ಮಗುವನ್ನು ಹೊರತರುವ ಕಾರ್ಯ ಭರದಿಂದ ಸಾಗಿದೆ. ರಕ್ಷಣಾ ಕಾರ್ಯಕ್ಕೆ ಅನುಕೂಲವಾಗುವಂತೆ ಬೋರ್‌ವೆಲ್ ಪಕ್ಕದಲ್ಲಿ ಕಂದಕ ತೆಗೆಯಲಾಗುತ್ತಿದೆ. ಘಟನೆ ಸಂಭವಿಸಿ 12 ಗಂಟೆಗಳಿಗಿಂತ ಹೆಚ್ಚು ಸಮಯ ಕಳೆದಿರುವುದರಿಂದ, ಮಗುವಿನ ನಿಖರ ಚಲವಲನವನ್ನು ಸ್ಪಷ್ಟವಾಗಿ ಗಮನಿಸಲು ಸಾಧ್ಯವಾಗುತ್ತಿಲ್ಲ.

ಈ ಕುರಿತು ಮಾತನಾಡಿದ ಜಿಲ್ಲಾಧಿಕಾರಿ, ಹೆಣ್ಣು ಮಗು 50 ಅಡಿಗಿಂತ ಹೆಚ್ಚು ಕೆಳಗೆ ಜಾರಿದೆ. ನಾವು ಅವಳಿಗೆ ಆಮ್ಲಜನಕವನ್ನು ಒದಗಿಸುತ್ತಿದ್ದೇವೆ. ಕಲ್ಲು ಬಂಡೆಗಳು ಅಡ್ಡ ಬಂದಿರುವ ಕಾರಣ ಕಾರ್ಯಾಚಾರಣೆಗೆ ತೊಂದರೆಯಾಗುತ್ತಿದೆ ಎಂದರು.(ಏಜೆನ್ಸೀಸ್​)

https://www.vijayavani.net/biparjoy-cyclone-to-hit-western-coastline-along-with-monsoon-winds

https://www.vijayavani.net/training-centers-begin-in-japan-to-teach-hollywood-smile