ರಸ್ತೆಯಲ್ಲಿ ಮಲಗಿದ್ದ ಅಲೆಮಾರಿಗಳ ಮೇಲೆ ಹರಿದ ಲಾರಿ... ಮಕ್ಕಳಿಬ್ಬರು ಸೇರಿ ಐವರ ದುರಂತ ಸಾವು | Lorry Accident

ಕೇರಳ: ಅತಿ ವೇಗವಾಗಿ ಬಂದ ಲಾರಿಯೊಂದು ರಸ್ತೆಪಕ್ಕ ಮಲಗಿದ್ದ ಅಲೆಮಾರಿಗಳ ಮೇಲೆ ಹರಿದ ಪರಿಣಾಮ ಇಬ್ಬರು ಮಕ್ಕಳು ಸೇರಿದಂತೆ ಐವರು ಮೃತಪಟ್ಟಿರುವ(Lorry Accident) ದಾರುಣ ಘಟನೆ ಇಲ್ಲಿನ ತ್ರಿಶೂರು ಜಿಲ್ಲೆಯ ನಾಟಿಕ ಎಂಬಲ್ಲಿ ನಡೆದಿದೆ.

ಈ ಘಟನೆಯು ಮಂಗಳವಾರ (ನ.26) ಮುಂಜಾನೆ ಸುಮಾರು 4 ಗಂಟೆಗೆ ಸಂಭವಿಸಿದೆ. ಈ ದುರ್ಘಟನೆಯಲ್ಲಿ 7 ಮಂದಿ ಗಾಯಗೊಂಡಿದ್ದಾರೆ. ಸರ್ಕಾರಿ ವೈದ್ಯಕೀಯ ಆಸ್ಪತ್ರೆಯಲ್ಲಿ ಮೂವರ ಸ್ಥಿತಿ ಚಿಂತಾಜನಕವಾಗಿದೆ ಎಂದು ವರದಿಯಾಗಿದೆ.

ಸ್ಥಳೀಯರಾದ ಕಾಳಿಯಪ್ಪನ್​(50), ನಾಗಮ್ಮ(39), ಬಂಗಾಜಿ(20), ಜೀವನ್​(4) ಮತ್ತು ವಿಶ್ವ(1) ಮೃತರು. ಕಣ್ಣೂರು ಮೂಲದ ಲಾರಿ ಚಾಲಕ ಅಲೆಕ್ಸ್​(35) ಮತ್ತು ಕ್ಲೀನರ್​ ನನ್ನು ಪೊಲೀಸರು ಬಂಧಿಸಿದ್ದಾರೆ. ಮರದ ತುಂಡುಗಳನ್ನು ಲಾರಿ ಸಾಗಿಸುತ್ತಿತ್ತು ಎಂದು ಹೇಳಲಾಗಿದೆ. ಕಣ್ಣೂರಿನಿಂದ ಕೊಚ್ಚಿಗೆ ಲಾರಿ ತೆರಳುತ್ತಿದ್ದು, ರಸ್ತೆಯ ಬದಿಯಲ್ಲಿ ಮಲಗಿದ್ದವರ ಮೇಲೆ ಹರಿದಿದೆ. ಇನ್ನು ಚಾಲಕ ಮತ್ತು ಕ್ಲೀನರ್ ಪಾನಮತ್ತರಾಗಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: ಮನೆಯಲಿದ್ದ 1 ಕೋಟಿ ರೂ. ನಗದು, 300 ಗ್ರಾಂ​ ಚಿನ್ನಾಭರಣ ಕದ್ದ ಖದೀಮರು! |Gold Jewellery

''ರಸ್ತೆಯಲ್ಲಿ ಕಾಮಗಾರಿ ನಡೆಯುತ್ತಿದ್ದು, ಕಾಮಗಾರಿ ನಡೆಯುತ್ತಿರುವುದರಿಂದ ಈ ಭಾಗದಲ್ಲಿ ವಾಹನ ಸಂಚರಿಸಲು ಅವಲಕಾಶವೆ ಇಲ್ಲ. ಅಲ್ಲದೇ, ಬ್ಯಾರಿಕೇಡ್​ಗಳನ್ನು ಕೂಡ ಹಾಕಲಾಗಿದೆ. ಹೀಗಾಗಿ, ಸುರಕ್ಷತೆಯ ಖಾತರಿಪಡಿಸಿಕೊಂಡು ಅಲೆಮಾರಿ ಜನ ಮಲಗಿದ್ದಾರೆ. ಆದರೂ, ಅಪಘಾತ ಸಂಭವಿಸಿದೆ. ಚಾಲಕ ಮತ್ತು ಕ್ಲೀನರ್​ ಪಾನಮತ್ತರಾಗಿದ್ದರಿಂದ ರಸ್ತೆ ಬಿಟ್ಟು ಬ್ಯಾರಿಕೇಡ್​ಗಳ ಕಡೆ ವೇಗವಾಗಿ ನುಗ್ಗಿಸಿದ್ದಾರೆ. ಇದರಿಂದಾಗಿ ಈ ದುರಂತ ಘಟನೆ ನಡೆದಿದೆ. ಇಬ್ಬರನ್ನು ಬಂಧಿಸಿದ್ದು, ಕೋರ್ಟ್​ಗೆ ಹಾಜರುಪಡಿಸಿ ತನಿಖೆ ಕೈಗೊಳ್ಳಲಾಗುವುದು'' ಎಂದು ಪೊಲೀಸ್​ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ, (ಏಜೆನ್ಸೀಸ್​).

https://www.vijayavani.net/andar-the-murderer-who-killed-his-wife-and-fed-the-police-for-12-years

https://www.vijayavani.net/thieves-stole-rs-1-crore-in-cash-and-300-grams-of-gold-jewellery-from-the-house