ಮನೆಯಲಿದ್ದ 1 ಕೋಟಿ ರೂ. ನಗದು, 300 ಗ್ರಾಂ​ ಚಿನ್ನಾಭರಣ ಕದ್ದ ಖದೀಮರು! |Gold Jewellery

ಕೇರಳ: ಮನೆ ಮಂದಿಯೆಲ್ಲ ಕಾರ್ಯಕ್ರಮವೊಂದಕ್ಕೆ ತೆರಳಿದ್ದ ವೇಳೆ, ಇದನ್ನೆ ಅವಕಾಶವಾಗಿ ಮಾಡಿಕೊಂಡ ಕಳ್ಳರ ತಂಡ ಉದ್ಯಮಿ ಮನೆಯೊಂದರಲ್ಲಿ ಬರೊಬ್ಬರಿ 1 ಕೋಟಿ ರೂ. ನಗದು ಮತ್ತು 300 ಗ್ರಾಂ ಚಿನ್ನಾಭರಣ(Gold Jewellery ) ಕದ್ದಿರುವ ಘಟನೆ ಕೇರಳದ ಕಣ್ಣೂರು ಜಿಲ್ಲೆಯಲ್ಲಿ ನಡೆದಿದೆ.

ಭಾನುವಾರ ರಾತ್ರಿ ಮನೆಗೆ ಕುಟುಂಬದ ಸದಸ್ಯರು ಹಿಂತಿರುಗಿದಾಗ ಘಟನೆ ಬೆಳಕಿಗೆ ಬಂದಿದೆ. ಈ ಕುರಿತು ಕುಟುಂಬಸ್ಥರು ವಲಪಟ್ಟಣಂ ಠಾಣೆಗೆ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಾಗಿದೆ. ಕುಟುಂಬಸ್ಥರು ಇದೇ ನ.19 ರಂದು ಮಧುರೈಗೆ ಮದುವೆ ಕಾರ್ಯಕ್ರಮಕ್ಕೆ ತೆರಳಿದ್ದಾಗ ಈ ಕೃತ್ಯ ನಡೆದಿದೆ ಎಂದು ಮೇಲ್ನೋಟಕ್ಕೆ ತಿಳಿದು ಬಂದಿಂದೆ. ಈ ಬಗ್ಗೆ ತನಿಖೆ ಆರಂಭಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ: Nurse​ ಸೋಗಲ್ಲಿ ಬಂದು ನವಜಾತ ಗಂಡು ಶಿಶು ಕಿಡ್ಯ್ನಾಪ್​; ಇಲಾಖೆ ತನಿಖೆಗೆ ಆದೇಶಿಸಿದ ಸಚಿವರು

ಇನ್ನು ಪ್ರಾಥಮಿಕ ತನಿಖೆ ಪ್ರಕಾರ, ಬೀಗ ಹಾಕಿ ಕಬೋರ್ಡ್​ನಲ್ಲಿಟ್ಟದ್ದ ನಗದು ಮತ್ತು ಚಿನ್ನಾಭರಣ ನಾಪತ್ತೆಯಾಗಿರುವುದು ಬೆಳಕಿಗೆ ಬಂದಿದೆ. ಇದೇ ಕಬೋರ್ಡ್​ನ ಕೀ ಮತ್ತೊಂದು ರೂಮ್​ನಲ್ಲಿ ಪತ್ತೆಯಾಗಿದೆ. ಅಡುಗೆ ಮನೆ ಕಿಟಕಿಯ ಗ್ರೀಲ್ಸ್​(ಕಬ್ಬಿಣದ ರಾಡು) ಮುರಿದು ಕಳ್ಳರು ಮನೆಯೊಳಗೆ ನುಗ್ಗಿದ್ದಾರೆ. ಅಲ್ಲದೆ, ಕೆಲವರು ಮನೆಯ ಕಾಂಪೌಂಡ್​ ಪ್ರವೇಶ ಮಾಡಿರು ಸಿಸಿಟಿವಿ ದೃಶ್ಯಗಳು ಪತ್ತೆಯಾಗಿವೆ. ಬೆರಳಚ್ಚು ತಜ್ಞರು ಸೇರಿದಂತೆ ಪೊಲೀಸ್​ ತಂಡಗಳು ಆರೋಪಿಗಳ ಪತ್ತೆಗೆ ತೀವ್ರ ಶೋಧ ನಡೆಸಿವೆ ಎಂದು ಮೂಲಗಳು ತಿಳಿಸಿವೆ, (ಏಜೆನ್ಸೀಸ್​).

https://www.vijayavani.net/the-maid-ran-away-with-a-necklace-of-banknotes-the-groom-and-his-family-followed-the-thief-marriage

https://www.vijayavani.net/women-caught-with-poisonous-dangerous-snakes