ನಾನು ಮನುಷ್ಯನಲ್ಲ ರಾಕ್ಷಸ! ಕಿಚ್ಚ 46 ಸಿನಿಮಾದ ಟೀಸರ್​ ರಿಲೀಸ್​, ಸುದೀಪ್​ ಎಂಟ್ರಿಗೆ ಫ್ಯಾನ್ಸ್​ ಫಿದಾ

ಬೆಂಗಳೂರು: ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಟನೆಯ​ ವಿಕ್ರಾಂತ್​ ರೋಣ ಸಿನಿಮಾ ಬಿಡುಗಡೆ (ಜುಲೈ 28)ಯಾಗಿ ಇನ್ನೇನು ಒಂದು ವರ್ಷ ಸಮೀಪಿಸುತ್ತಿದೆ. ಆದರೆ, ಈವರೆಗೂ ಹೊಸ ಸಿನಿಮಾದ ಹೆಸರು ಮಾತ್ರ ಘೋಷಣೆಯಾಗಿಲ್ಲ. ಸದ್ಯಕ್ಕೆ ಕಿಚ್ಚನ 46ನೇ ಸಿನಿಮಾವನ್ನು ಕಾಲಿವುಡ್​ನ ಖ್ಯಾತ ನಿರ್ಮಾಪಕ ಕಲೈಪುಲಿ ಎಸ್. ತನು ನಿರ್ಮಿಸಲಿದ್ದಾರೆ ಎಂಬ ಸುದ್ದಿ ಮಾತ್ರ ಎಲ್ಲರಿಗೂ ಗೊತ್ತೇ ಇದೆ. ಈ ಸಿನಿಮಾದ ಟೀಸರ್​ ಇದೀಗ ಬಿಡಗಡೆಯಾಗಿದ್ದು, ಕಿಚ್ಚನ ಅಭಿಮಾನಿಗಳು ಫುಲ್​ ಖುಷ್​ ಆಗಿದ್ದಾರೆ.

ಟೀಸರ್​ ನೋಡಿದವರಿಗೆ ಇದೊಂದು ಆ್ಯಕ್ಷನ್​ ಓರಿಯೆಂಟೆಡ್​ ಸಿನಿಮಾ ಎಂಬುದು ಖಚಿತವಾಗುತ್ತದೆ. ಕಿಚ್ಚ ಸುದೀಪ್​ ಮೈಗೆ ಅಂಟಿದ ರಕ್ತದ ಕಲೆ, ಬಸ್​ ಒಳಗೆ ಸುತ್ತಲೂ ಬಿದ್ದಿರುವ ಮೃತದೇಹದ ಭಾಗಗಳು ಮತ್ತು ಬಂದೂಕು ಹಿಡಿದು ವಿಲನ್​ ತಲೆ ಗುರಿಯಿಟ್ಟು ಗುಂಡಿಕ್ಕುವ ದೃಶ್ಯ ಮತ್ತು ಎದುರಾಗಳಿಗೆ ದೊಡ್ಡ ಕಾಟಕ್ಕೆ ಆಹ್ವಾನಿಸುವ ದೃಶ್ಯದ ಜತೆಗೆ ನಾನು ಮನಷ್ಯನಲ್ಲ ರಾಕ್ಷಸ ಎಂಬ ಖಡಕ್​ ಡೈಲಾಗ್​ನೊಂದಿಗೆ ಟೀಸರ್​ ಮುಕ್ತಾಯವಾಗಿದೆ. ಎಲ್ಲಿಯೂ ಕತೆಯ ಸುಳಿವನ್ನು ಟೀಸರ್​ನಲ್ಲಿ ಬಿಟ್ಟುಕೊಟ್ಟಿಲ್ಲ. ಆದರೆ, ಇದೊಂದು ಆ್ಯಕ್ಸನ್​ ಸಿನಿಮಾ ಎಂಬುದು ಮಾತ್ರ ಖಚಿತವಾಗಿದೆ.

ಕಾಲಿವುಡ್​ನ ಖ್ಯಾತ ನಿರ್ಮಾಣ ಸಂಸ್ಥೆ ವಿ. ಕ್ರಿಯೇಷನ್ಸ್ ಬ್ಯಾನರ್ ಅಡಿಯಲ್ಲಿ ಕಲೈಪುಲಿ ಎಸ್. ತನು ಅವರು ಕಿಚ್ಚನ 46ನೇ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಗಮನಿಸಬೇಕಾದ ಸಂಗತಿ ಏನೆಂದರೆ, ಈ ಬಾರಿಯೂ ಕಿಚ್ಚ ಸುದೀಪ್​ ಹೊಸ ಪ್ರತಿಭೆ ಮಣೆ ಹಾಕಿದ್ದಾರೆ. ಕಿಚ್ಚ 46 ವಿಜಯ್​ ಕಾರ್ತಿಕೆಯನ್​ ಅವರ ಚೊಚ್ಚಲ ಸಿನಿಮಾ ನಿರ್ದೇಶನವಾಗಿದೆ.

ಕಬಾಲಿ, ತುಪಾಕಿ ಮತ್ತು ಅಸುರನ್​ ಮುಂತಾದ ಸೂಪರ್​ ಡೂಪರ್​ ಹಿಟ್​ ಸಿನಿಮಾಗಳನ್ನು ನೀಡಿರುವ ಕಲೈಪುಲಿ ಎಸ್. ತನು ಅವರು ಕಿಚ್ಚ ಸುದೀಪ್​ ಅವರ ಹುಟ್ಟುಹಬ್ಬ ಸಂಭ್ರಮದಲ್ಲಿ ಭಾಗಿಯಾದ ದಿನದಿಂದಲೇ ಮುಂದಿನ ಸಿನಿಮಾ ಬಗ್ಗೆ ಸುಳಿವು ಸಿಕ್ಕಿತ್ತು. ಇದೀಗ ಆ ಸಿನಿಮಾ ಸೆಟ್ಟೇರಿದ್ದು, ಸುದೀರ್ಘ ಒಂದು ವರ್ಷಗಳ ಸಿನಿಮಾ ವಿಶ್ರಾಂತಿಗೆ ನಟ ಸುದೀಪ್​ ಅವರು ಪೂರ್ಣ ವಿರಾಮ ಹಾಕಿದ್ದಾರೆ.

https://www.vijayavani.net/mandya-village-accountant-received-66-thousand-bribe-to-give-e-swathu

https://www.vijayavani.net/three-key-reasons-behind-the-downfall-of-west-indies-cricket

https://www.vijayavani.net/major-robbery-reported-on-the-mysuru-bengaluru-expressway-near-mandya