ಮುಂಬೈ: ಸದಾ ಸುದ್ದಿಯಲ್ಲಿರುವ ರಿಲಯನ್ಸ್ ಜಿಯೋ ಕೇವಲ 999 ರೂ.ಗೆ 4ಜಿ ಫೋನ್ನ್ನು ಬಿಡುಗಡೆ ಮಾಡಿ ಎಲ್ಲರೂ ಹುಬ್ಬೆರಿಸುವಂತೆ ಮಾಡಿದೆ.
ಇದನ್ನೂ ಓದಿ: ಭಾರಿ ಮಳೆಯ ಹಿನ್ನೆಲೆ ರಾಜ್ಯದ 5 ಜಿಲ್ಲೆಗಳಿಗೆ ಆರೆಂಜ್ ಅಲರ್ಟ್; ಈ ಪಟ್ಟಿಯಲ್ಲಿ ನಿಮ್ಮ ಜಿಲ್ಲೆ ಇದೆಯಾ ನೋಡಿ
ಈ ಫೋನ್ಗೆ ಜಿಯೋ ಭಾರತ್ ಎಂದು ಹೆಸರಿಡಲಾಗಿದ್ದು, ಕಾರ್ಬನ್ ಸಹಭಾಗಿತ್ವದಲ್ಲಿ ಜಿಯೋ ಎರಡು ಮಾದರಿಗಳಲ್ಲಿ ಮೊಬೈಲ್ ಫೋನ್ನ್ನು ಅಭಿವೃದ್ಧಿಪಡಿಸಿ ಸದ್ಯ ಈ ಪೈಕಿ ಒಂದನ್ನು ಬಿಡುಗಡೆ ಮಾಡಿದೆ. ಈ ಮೊಬೈಲ್ ಫೋನ್ನ್ನು ಪ್ರಾರಂಭಿಸುವುದರ ಹಿಂದಿನ ಉದ್ದೇಶವೆಂದರೆ 4ಜಿಯ ಅಭಿವೃದ್ಧಿ ಜತೆಗೆ 2ಜಿ-ಮುಕ್ತ ಭಾರತ್ಗೆ ವೇಗ ನೀಡುವುದಾಗಿದೆ.
ಜಿಯೋ ಭಾರತ್ ಫೋನ್ಗಳನ್ನು ನಿರ್ಮಿಸಲು ಇತರ ಬ್ರ್ಯಾಂಡ್ಗಳು ಶೀಘ್ರದಲ್ಲೇ 'ಜಿಯೋ ಭಾರತ್ ಪ್ಲಾಟ್ಫಾರ್ಮ್'ನ್ನು ಅಳವಡಿಸಿಕೊಳ್ಳಲಿವೆ. ಸುಮಾರು 1 ಮಿಲಿಯನ್ ಫೋನ್ಗಳನ್ನು ಮೊದಲ ಹಂತದಲ್ಲಿ 2023ರ ಜುಲೈ 7ರಿಂದ ಮಾರಾಟಕ್ಕೆ ಪ್ರಾರಂಭವಾಗಲಿದ್ದು, ಇವು ದೇಶಾದ್ಯಂತದ ಚಿಲ್ಲರೆ ಅಂಗಡಿಗಳಲ್ಲಿ ಲಭ್ಯವಿರುತ್ತದೆ ಎಂದು ಕಂಪನಿಯು ದೃಢಪಡಿಸಿದೆ.
ಇದನ್ನೂ ಓದಿ: ವಿಶ್ವದ ಅತಿ ದೊಡ್ಡ ‘ಹಾಟ್ ಪಾಟ್’ ರೆಸ್ಟೋರೆಂಟ್ ಹೇಗಿದೆ ಗೊತ್ತಾ?; ಇದರ ಹಿಂದಿದೆ ಅನೇಕ ಕಥೆಗಳು
ಜಿಯೋ ಭಾರತ್ ಫೋನ್ ಬಳಕೆದಾರರಿಗೆ ಭಾರತದಲ್ಲಿ ಎಲ್ಲಿಯಾದರೂ ಅನಿಯಮಿತ ಕರೆಗಳನ್ನು ಮಾಡಲು, ಫೋಟೋಗಳನ್ನು ಕ್ಲಿಕ್ ಮಾಡಲು ಮತ್ತು ಜಿಯೋ ಪೇ ಬಳಸಿಕೊಂಡು ಡಿಜಿಟಲ್ ಪಾವತಿಗಳನ್ನು ಮಾಡಲು ಅನುಮತಿಸುತ್ತದೆ.(ಏಜೆನ್ಸೀಸ್)
