ಸಾರ್ವಜನಿಕ ಪ್ರದೇಶಗಳಲ್ಲಿ ನಮಾಜ್ ಮಾಡುವಂತಿಲ್ಲ, ಹೊಸ ಮಸೂದೆ ತರಲು ಮುಂದಾಗಿದೆ ಈ ದೇಶ…

ಇಟಲಿ: ಆಡಳಿತಾರೂಢ ಬ್ರದರ್ಸ್ ಆಫ್ ಇಟಲಿ (ಎಫ್‌ಡಿಐ) ಪಕ್ಷವು ಗ್ಯಾರೇಜ್‌ ಮತ್ತು ಕೈಗಾರಿಕಾ ಗೋದಾಮುಗಳು ಸೇರಿದಂತೆ ಮಸೀದಿಗಳ ಹೊರಗಿನ ಸಾರ್ವಜನಿಕ ಪ್ರದೇಶಗಳಲ್ಲಿ ಪ್ರಾರ್ಥನೆ ಮಾಡುವುದನ್ನು ನಿಷೇಧಿಸುವ ಸಲುವಾಗಿ ಮಸೂದೆ ತರಲು ಮುಂದಾಗಿದೆ.

ಜಾರ್ಜಿಯಾ ಮೆಲೋನಿ ನೇತೃತ್ವದ ಸರ್ಕಾರವು ದೇಶದ ನಗರ ಯೋಜನೆ ಶಾಸನಕ್ಕೆ ತಿದ್ದುಪಡಿಯನ್ನು ತರಲು ಯೋಚಿಸುತ್ತಿದ್ದು. ಈ ಮಸೂದೆಯು ಕೈಗಾರಿಕಾ ಗ್ಯಾರೇಜ್‌ಗಳು ಮತ್ತು ಗೋದಾಮುಗಳನ್ನು ಧಾರ್ಮಿಕ ಪೂಜಾ ಸ್ಥಳಗಳು ಅಥವಾ ಮಸೀದಿಗಳಾಗಿ ಪರಿವರ್ತಿಸುವುದನ್ನು ನಿಷೇಧಿಸುವ ಗುರಿಯನ್ನು ಹೊಂದಿದೆ.

ಇದನ್ನೂ ಓದಿ: ಬಲವಂತವಾಗಿ ಟೆರೇಸ್​ಗೆ ಕರೆದೊಯ್ದ ಎಂದ ಬಾಲಕಿ; ತನ್ನದಲ್ಲದ ತಪ್ಪಿಗೆ ಬಲಿಪಶುವಾದ ಡೆಲಿವರಿ ಬಾಯ್​

ಧಾರ್ಮಿಕ ಉದ್ದೇಶಗಳಿಗಾಗಿ ಕೈಗಾರಿಕಾ ಗ್ಯಾರೇಜುಗಳು ಮತ್ತು ಗೋದಾಮುಗಳಂತಹ ಅನುಮೋದಿತ ಕಟ್ಟಡಗಳನ್ನು ಬಳಸಲು ಅನುಮತಿ ಪಡೆಯಲು ಧಾರ್ಮಿಕ ಗುಂಪುಗಳಿಗೆ ಸಲಹೆ ನೀಡಲಾಗುತ್ತದೆ. ಈ ಕಾನೂನಿಗೆ ಮುಸ್ಲಿಂ ಸಮುದಾಯ ಈಗಾಗಲೇ ವಿರೋಧ ವ್ಯಕ್ತಪಡಿಸಿದೆ. ಪ್ರತಿಪಕ್ಷಗಳು ಮಸೂದೆಗೆ ಆಕ್ಷೇಪ ಎತ್ತಿದ್ದು, ಇದು ಸಾಂವಿಧಾನಿಕವಾಗಿ ಅಸಮರ್ಥವಾಗಿದೆ ಮತ್ತು ಧಾರ್ಮಿಕ ಸ್ವಾತಂತ್ರ್ಯವನ್ನು ನಿರ್ಬಂಧಿಸುತ್ತದೆ ಎಂದು ಹೇಳಿವೆ.

ಮೊರಾಕೊ, ಬಾಲ್ಕನ್ಸ್ ಮತ್ತು ಪಾಕಿಸ್ತಾನದಿಂದ ಇತ್ತೀಚಿನ ವಲಸೆಯನ್ನು ಗಮನದಲ್ಲಿಟ್ಟುಕೊಂಡು ವಲಸೆ ಮಸೂದೆಯನ್ನು ಸಹ ತರಲು ಚಿಂತಿಸಲಾಗುತ್ತಿದೆ. ಇಟಲಿಯಲ್ಲಿ ಮುಸ್ಲಿಮರ ಸಂಖ್ಯೆಯನ್ನು ತೀವ್ರವಾಗಿ ಹೆಚ್ಚಿರುವುದೇ ಇದಕ್ಕೆ ಕಾರಣ ಎನ್ನಲಾಗಿದೆ.(ಏಜೆನ್ಸೀಸ್​)

https://www.vijayavani.net/bjp-seeks-uddhavs-clarification-as-karnataka-removes-lessons-on-savarkar-hedgewar

https://www.vijayavani.net/want-to-donate-10-cr-for-odisha-train-crash-victims-its-legitimate-money-sukesh