ಆ್ಯಪಲ್​ ಕಂಪನಿ ಸಿಒಒ ಆಗಿ ನೇಮಕಗೊಂಡ ಭಾರತದ ಸಬಿಹ್​ ಖಾನ್ ಸಂಬಳ ಎಷ್ಟು ಗೊತ್ತಾ! | COO of Apple

Apple: ಐಫೋನ್, ಐಪ್ಯಾಡ್ ಮತ್ತು ಮ್ಯಾಕ್ ನಂತಹ ಉತ್ಪನ್ನಗಳಿಗೆ ವಿಶ್ವಾದ್ಯಂತ ಪ್ರಸಿದ್ಧವಾಗಿರುವ ಆ್ಯಪಲ್ ಇದೀಗ ಒಂದು ದೊಡ್ಡ ಘೋಷಣೆವೊಂದು ಮಾಡಿದೆ.

ಹೌದು, ಕಂಪನಿಯು ಭಾರತೀಯ ಮೂಲದ ಸಬಿಹ್ ಖಾನ್ ಅವರನ್ನು ತನ್ನ ಹೊಸ ಮುಖ್ಯ ಕಾರ್ಯಾಚರಣಾ ಅಧಿಕಾರಿ (COO) ಆಗಿ ನೇಮಿಸಿದೆ.

ಇದನ್ನೂ ಓದಿ:ಕಾರ್ಮಿಕರ ಸಮಸ್ಯೆ ಪರಿಹಾರಕ್ಕೆ ನಿರಂತರ ಹೋರಾಟ : ಸಿಐಟಿಯು ರಾಜ್ಯ ಉಪಾಧ್ಯಕ್ಷ ವಸಂತ ಆಚಾರಿ ಹೇಳಿಕೆ

ಇದು ಬಹಳ ಮುಖ್ಯವಾದ ಹುದ್ದೆಯಾಗಿದೆ, ಏಕೆಂದರೆ COO ಕಂಪನಿಯ ಎಲ್ಲಾ ಪ್ರಮುಖ ಕಾರ್ಯಾಚರಣೆಗಳನ್ನು ನಿರ್ವಹಿಸುತ್ತದೆ. ಈ ಹುದ್ದೆಯನ್ನು ಇಲ್ಲಿಯವರೆಗೆ ಜೆಫ್ ವಿಲಿಯಮ್ಸ್ ನಿರ್ವಹಿಸುತ್ತಿದ್ದರು, ಅವರು ಶೀಘ್ರದಲ್ಲೇ ನಿವೃತ್ತರಾಗಲಿದ್ದಾರೆ.

ಇದನ್ನೂ ಓದಿ:ಕಾರ್ಮಿಕರ ಸಮಸ್ಯೆ ಪರಿಹಾರಕ್ಕೆ ನಿರಂತರ ಹೋರಾಟ : ಸಿಐಟಿಯು ರಾಜ್ಯ ಉಪಾಧ್ಯಕ್ಷ ವಸಂತ ಆಚಾರಿ ಹೇಳಿಕೆ

1966ರಲ್ಲಿ ಉತ್ತರಪ್ರದೇಶದ ಮೊರಾಬಾದ್​ನಲ್ಲಿ ಜನಿಸಿದರು. ಇವರ ಬಾಲ್ಯದ ಶಿಕ್ಷಣ ಮೊರಾದಬಾದ್​ನಲ್ಲಿ ಮಾಡಿದ್ದಾರೆ. ಆದರೆ, ಅವರ ತಂದೆ ಇವರ ವ್ಯಾಸಂಗವನ್ನು ಅರ್ಥಕ್ಕೆ ಮೊಟಕುಗೊಳಿಸಿ ಸಿಂಗಾಪುರಕ್ಕೆ ಶಿಫ್ಟ್​ ಆದರು. ನಂತರ ಅವರು ಅಮೆರಿಕದಲ್ಲಿ ನೆಲೆಸಿದರು. ಇದರ ನಂತರ, ಸಬಿಹ್ ಖಾನ್ ಅವರ ಶಿಕ್ಷಣ ಮತ್ತು ವೃತ್ತಿಜೀವನದ ಪ್ರಯಾಣವು ಅಮೆರಿಕದಲ್ಲಿ ಮುಂದುವರೆಯಿತು, ಅಲ್ಲಿ ಅವರು ಉನ್ನತ ಶಿಕ್ಷಣವನ್ನು ಪಡೆದರು ಮತ್ತು ತಮ್ಮ ಕಠಿಣ ಪರಿಶ್ರಮದಿಂದ ತಂತ್ರಜ್ಞಾನದ ಜಗತ್ತಿನಲ್ಲಿ ದೊಡ್ಡ ಹೆಸರನ್ನು ಗಳಿಸಿದರು.

ಆ್ಯಪಲ್​ ಜತೆ 30 ವರ್ಷ ಸುದೀರ್ಘ ಪಯಣ

ಸಬಿಹ್ ಖಾನ್ ಕಳೆದ 30 ವರ್ಷಗಳಿಂದ ಆ್ಯಪಲ್ ಜತೆ ಕೆಲಸ ಮಾಡುತ್ತಿದ್ದಾರೆ. ಈ ಸಮಯದಲ್ಲಿ, ಅವರು ಕಂಪನಿಗೆ ಅನೇಕ ಪ್ರಮುಖ ಕೆಲಸಗಳನ್ನು ಮಾಡಿದ್ದಾರೆ. ಜಾಗತಿಕ ಪೂರೈಕೆ ಸರಪಳಿಯಂತೆ, ಅಂದರೆ ಪ್ರಪಂಚದಾದ್ಯಂತ ಆಪಲ್ ಉತ್ಪನ್ನಗಳನ್ನು ಸಮಯಕ್ಕೆ ಮತ್ತು ಸರಿಯಾದ ರೀತಿಯಲ್ಲಿ ತಲುಪಿಸುವುದು, ಪೂರೈಕೆದಾರರ ಜವಾಬ್ದಾರಿ ಕಾರ್ಯಕ್ರಮವನ್ನು ನೋಡಿಕೊಳ್ಳುವುದು.

ಗಳಿಕೆ ಎಷ್ಟು?

ಬ್ಯಾರನ್​ ವರದಿ ಪ್ರಕಾರ, ಇಲ್ಲಿಯವರೆಗೆ ಜೆಫ್ ವಿಲಿಯಮ್ಸ್ ಸಿಒಒ ಆಗಿ ನಿರ್ವಹಿಸುತ್ತಿದ್ದರು. ಅವರಿಗೆ ಮೂಲ ವೇತನ ಸುಮಾರು 8 ಕೋಟಿ ರೂ. ಪಡೆಯುತ್ತಿದ್ದರು. ಇದಲ್ಲದೆ, ಬೋನಾಸ್​ ಮತ್ತು ಇತರೆ ಸೌಲಭ್ಯಗಳು ಸೇರಿ ಒಟ್ಟು ಗಳಿಕೆ 23 ಮಿಲಿಯನ್​ ಅಂದರೆ ಸುಮಾರು 191 ಕೋಟಿ ರೂ,(ವರ್ಷಕ್ಕೆ) ಪಡೆಯುತ್ತಿದ್ದರು. ಇದೀಗ ಇದರ ಅಸಾಪಾಸುನಲ್ಲೇ ಇರಬಹುದು ಎಂದು ಲೆಕ್ಕ ಹಾಕಲಾಗುತ್ತಿದೆ. ಆದರೆ, ವೇತನ ಬಗ್ಗೆ ಆ್ಯಪಲ್​ ಕಂಪನಿ ಅಧಿಕೃತವಾಗಿ ಮಾಹಿತಿ ನೀಡಿಲ್ಲ.( ಏಜೆನ್ಸೀಸ್​)

https://www.vijayavani.net/the-stepmother-married-her-own-son-what-did-her-husband

https://www.vijayavani.net/imdb-releases-top-10-indian-films-2025-list