ಹಿಟ್​ ಆ್ಯಂಡ್​ ರನ್​ ಸಂತ್ರಸ್ತರಿಗೆ ಪರಿಹಾರ ಹೆಚ್ಚಳ? ಸುಪ್ರೀಂಕೋರ್ಟ್​ ಸಲಹೆ

ನವದೆಹಲಿ: ಹಿಟ್​ ಆ್ಯಂಡ್​ ರನ್​ ಅಪಘಾತಗಳಲ್ಲಿ ಸಾವು ಮತ್ತು ಗಂಭೀರ ಗಾಯಗಳಾದ ಸಂದರ್ಭದಲ್ಲಿ ಪರಿಹಾರದ ಮೊತ್ತವನ್ನು ವಾರ್ಷಿಕವಾಗಿ ಹೆಚ್ಚಿಸಬಹುದೇ ಎಂದು ಪರಿಗಣಿಸಲು ಸುಪ್ರೀಂಕೋರ್ಟ್​ ಕೇಂದ್ರಕ್ಕೆ ನಿರ್ದೇಶಿಸಿದೆ. ಎಂಟು ವಾರಗಳಲ್ಲಿ ಸೂಕ್ತ ನಿರ್ಧಾರ ತೆಗೆದುಕೊಳ್ಳುವಂತೆ ಸರ್ಕಾರಕ್ಕೆ ಸೂಚಿಸಿದ ನ್ಯಾಯಾಲಯ ಈ ವಿಷಯವನ್ನು ಹೆಚ್ಚಿನ ಪರಿಗಣನೆಗಾಗಿ ಏ.22ಕ್ಕೆ ಮುಂದೂಡಿದೆ.

ನ್ಯಾಯಮೂರ್ತಿಗಳಾದ ಜಸ್ಟಿಸ್​ ಅಭಯ್​ ಎಸ್​ ಓಕಾ ಮತ್ತು ಪಂಕಜ್​ ಮಿಥಾಲ್​ ಅವರಿದ್ದ ಪೀಠವು, ಹಿಟ್​ ಆ್ಯಂಡ್​ ರನ್​ ಅಪಘಾತದ ಪ್ರಕರಣ ಎಂದು ಪೊಲೀಸರು ನಿರ್ಧರಿಸಿದರೆ, ಅವರು ಯೋಜನೆಯ ಲಭ್ಯತೆ ಬಗ್ಗೆ ಸಂತ್ರಸ್ತರಿಗೆ ಅಥವಾ ಅವರ ಕಾನೂನು ಪ್ರತಿನಿಧಿಗಳಿಗೆ ತಿಳಿಸಬೇಕು ಎಂದಿದೆ. ಕಾಲಾನಂತರದಲ್ಲಿ ಹಣದ ಮೌಲ್ಯ ಕಡಿಮೆ ಆಗುತ್ತದೆ. ಪರಿಹಾರ ಮೊತ್ತ ವಾರ್ಷಿಕವಾಗಿ ಹೆಚ್ಚಿಸಬಹುದೇ ಎಂದು ಪರಿಗಣಿಸಲು ಕೇಂದ್ರ ಸರ್ಕಾರಕ್ಕೆ ನಿರ್ದೇಶಿಸಿದ್ದಾಗಿ ಪೀಠ ಹೇಳಿದೆ.

ಪ್ರಸ್ತುತ ಮೋಟಾರು ವಾಹನ ಕಾಯ್ದೆಯು ಸಂತ್ರಸ್ತರಿಗೆ ಸಾವಿನ ಸಂದರ್ಭದಲ್ಲಿ 2 ಲ ರೂ. ಮತ್ತು ಹಿಟ್​ ಆ್ಯಂಡ್​ ರನ್​ ಅಪಘಾತಗಳ ಸಂದರ್ಭದಲ್ಲಿ ಉಂಟಾದ ಗಾಯಗಳಿಗೆ 50,000 ರೂ. ಪರಿಹಾರ ಪಡೆಯಲು ಅನುಮತಿಸುತ್ತದೆ.

https://www.vijayavani.net/delhi-ncr-enforces-severe-air-quality-measures-under-stage-iii

https://www.vijayavani.net/potato-technology-centre-in-haryana-to-come-out-with-mini-tubers-of-new-potato-variety