ನಾಳೆ ಸಿಎಂ ಆಗೋದಾದ್ರೆ ನಮ್ಮ 19 ಶಾಸಕರ ಬೆಂಬಲವಿದೆ; ಡಿಕೆಶಿ​ಗೆ ಓಪನ್​ ಆಫರ್​ ಕೊಟ್ಟ ಎಚ್​ಡಿಕೆ!

ಬೆಂಗಳೂರು: ಡಿಸಿಎಂ ಡಿ.ಕೆ. ಶಿವಕುಮಾರ್​ಗೆ ಮಾಜಿ ಸಿಎಂ, ಜೆಡಿಎಸ್​ ರಾಜ್ಯಾಧ್ಯಕ್ಷ ಎಚ್​.ಡಿ. ಕುಮಾರಸ್ವಾಮಿ ಓಪನ್​ ಆಫರ್​ ಕೊಟ್ಟಿದ್ದು, ಡಿಕೆಶಿ ನಾಳೆ ಸಿಎಂ ಆಗೋದಾದ್ರೆ ಜೆಡಿಎಸ್​ನ 19 ಶಾಸಕರ ಬೆಂಬಲವಿದೆ ಎಂದು ಬಹಿರಂಗವಾಗಿ ಹೇಳಿದ್ದಾರೆ.

ಇದನ್ನೂ ಓದಿ: ಆಥಿರ್ಕ ದಿವಾಳಿಯತ್ತ ಗದಗ ನಗರಸಭೆ! ಗುತ್ತಿಗೆದಾರರಿಗೆ ಗೊಂದಲ, ತೆರಿಗೆದಾರರಿಗೆ ಸಂಕಟ

ಡಿಕೆಶಿ ನಾಳೆ ಸಿಎಂ ಆಗೋದಾದ್ರೆ ಜೆಡಿಎಸ್​ ಶಾಸಕರ ಬೆಂಬಲವಿದೆ ಎಂದ ಕುಮಾರಸ್ವಾಮಿ, "ಜೆಡಿಎಸ್​ನ 19 ಶಾಸಕರು ಬೆಂಬಲ ಕೊಡುತ್ತಾರೆ. ಈ ಸರ್ಕಾರಕ್ಕೆ ನಾನೊಂದು ಹೆಸರಿಡಬಹುದಾ ಎಂದು ವ್ಯಂಗ್ಯವಾಡಿದರು. ಕಾಂಗ್ರೆಸ್​ ಸರ್ಕಾರಕ್ಕೆ ಟಿಸಿಎಂ, ಡಿಸಿಎಂ ಎಂದು ಹೆಸರಿಟ್ಟ ಎಚ್​ಡಿಕೆ, ಟೆಂಪರೆರಿ ಚೀಫ್​ ಮಿನಿಸ್ಟರ್​, ಡುಪ್ಲಿಕೇಟ್​ ಚೀಫ್​​ ಮಿನಿಸ್ಟರ್​" ಎಂದು ಲೇವಡಿ ಮಾಡಿದರು.

"ಈಗ ಪರಿಹಾರ ವಿಷಯದಲ್ಲೂ ಕೇಂದ್ರ ಸರ್ಕಾರ ನಮಗೆ ಸಹಕಾರ ನೀಡುತ್ತಿಲ್ಲ ನಾವೇನು ಗುಲಾಮರಲ್ಲ ಎನ್ನುತಾರೆ. ಇಲ್ಲಿ ಯಾರು ಗುಲಾಮರಲ್ಲ. ಈ ರಾಜ್ಯ ಅಥವಾ ದೇಶ ಆಳುವಂತವರೇ ಆಗಲಿ, ಜನಪ್ರತಿನಿಧಿಗಳಾಗಲಿ ನಾವು ಈ ನಾಡಿನ ಜನತೆಯ ಗುಲಾಮರು ಇದು ನನ್ನ ಅಭಿಪ್ರಾಯದಲ್ಲಿ" ಎಂದರು.

ಇದನ್ನೂ ಓದಿ: ಸಿಂಧನೂರು ತಾಲೂಕು ಬರಪೀಡಿತ ಪಟ್ಟಿಗೆ ಸೇರ್ಪಡೆ- ಶಾಸಕ ಹಂಪನಗೌಡ ಬಾದರ್ಲಿ

"ಗದಗ, ಹೊಸಪೇಟೆ ಈ ಭಾಗಗಳಿಗೆ ತೆರಳಿದ ನಮ್ಮ ಮುಖ್ಯಮಂತ್ರಿಗಳು ಡ್ಯಾನ್ಸ್​ ಮಾಡಿದರು, ಸಂಭ್ರಮಾಚರಣೆ ಮಾಡಿಕೊಂಡು ಬಂದ್ರಲ್ಲಾ, ಗದಗ ಜಿಲ್ಲೆಯಲ್ಲಿ ಪರಿಸ್ಥಿತಿ ಏನಾಗಿದೆ ಎಂಬುದು ತಿಳಿದಿದೆಯಾ? ಆ ರೈತರ ಬದುಕಿಗೆ ಏನಾದರೂ ಸಂದೇಶ ಕೊಟ್ಟು ಬಂದಿದ್ದೀರಾ ಎಂಬುದನ್ನು ಕೇಳಲು ಬಯಸುತ್ತೇನೆ" ಎಂದು ಎಚ್​ಡಿಕೆ ಹೇಳಿದರು.

https://www.vijayavani.net/bbks10-sudeep-takes-class-to-vinay-housemates-remain-silent

https://www.vijayavani.net/a-new-update-from-guntur-karam-team