ಧೋತಿ ಕುರ್ತಾ ಬದಲು ಶೇರ್ವಾಣಿ ತೊಟ್ಟ ವರ; ಮದುವೆ ವೇಳೆ ಗಲಾಟೆ, ಕಲ್ಲುತೂರಾಟ..

ಭೋಪಾಲ್​: ಕೆಲವೊಮ್ಮೆ ಮದುವೆ ವೇಳೆ ವರದಕ್ಷಿಣೆ, ವಧು-ವರರ ಪ್ರೇಮಪ್ರಕರಣ ಇತ್ಯಾದಿ ಕಾರಣಕ್ಕೆ ಗಲಾಟೆಗಳಾಗುತ್ತವೆ. ಆದರೆ ಇಲ್ಲೊಂದು ಕಡೆ ವರ ಧರಿಸಿದ್ದ ದಿರಿಸಿನ ವಿಚಾರವಾಗಿ ಗಲಾಟೆಯಾಗಿದ್ದು, ಮದುವೆ ನಡೆಯುತ್ತಿದ್ದ ಸ್ಥಳವೇ ರಣಾಂಗಣವಾಗಿ ಮಾರ್ಪಟ್ಟಿದೆ.

ಮಧ್ಯಪ್ರದೇಶದ ಧಾರ್ ಜಿಲ್ಲೆಯ ಮಾಂಗ್​ಬೇಡ ಎಂಬ ಗ್ರಾಮದಲ್ಲಿ ಇಂಥದ್ದೊಂದು ವಿಚಿತ್ರ ಪ್ರಕರಣ ನಡೆದಿದೆ. ಬುಡಕಟ್ಟು ಸಮುದಾಯದ ಈ ಮದುವೆಯಲ್ಲಿ ವರ ಧಾರ್​ ನಿವಾಸಿ ಸುಂದರ್​ಲಾಲ್ ಎಂಬಾತ ಸಾಂಪ್ರದಾಯಿಕ ಧೋತಿ ಕುರ್ತಾ ಬದಲು ಶೇರ್ವಾಣಿ ತೊಟ್ಟು ಆಗಮಿಸಿದ್ದ.

ಸಂಪ್ರದಾಯದ ಪ್ರಕಾರ ಧೋತಿ ಕುರ್ತಾ ಧರಿಸುವ ಬದಲು ಶೇರ್ವಾಣಿ ತೊಟ್ಟಿದ್ದಕ್ಕೆ ವಧುವಿನ ಕಡೆಯವರು ಆಕ್ಷೇಪ ವ್ಯಕ್ತಪಡಿಸಿದ್ದರು. ಈ ವಿಚಾರವಾಗಿ ಎರಡೂ ಕಡೆಯವರ ಮಧ್ಯೆ ಮಾತಿನ ಚಕಮಕಿ ನಡೆದಿದ್ದು, ಬಳಿಕ ಕಲ್ಲುತೂರಾಟದೊಂದಿಗೆ ಹೊಯ್​ಕೈ ಸಂಭವಿಸಿದೆ. ಶನಿವಾರ ಮದುವೆ ಸಂದರ್ಭ ಈ ಗಲಾಟೆ ನಡೆದಿದ್ದು, ಎರಡೂ ಕಡೆಯವರು ಧಮ್ನೊಡ್​ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.

ಅಂದಹಾಗೆ ವಧುವಿನ ಮನೆಯವರಿಂದ ಈ ವಿಚಾರವಾಗಿ ಯಾವುದೇ ತಕರಾರು ಇರಲಿಲ್ಲ. ಅದು ಆ ಕಡೆಯವರ ಸಂಬಂಧಿಕರಿಂದ ಗಲಾಟೆ ಆಗಿದೆ ಎಂದು ವರ ಸುಂದರ್​ಲಾಲ್​ ಸುದ್ದಿಗಾರರಿಗೆ ಪ್ರತಿಕ್ರಿಯಿಸಿದ್ದು, ಕೊನೆಗೂ ಮದುವೆ ನೆರವೇರಿದೆ. ಆದರೆ ಇಂದು ಎರಡೂ ಕಡೆಯವರ ಮೇಲೆ ಕೇಸು ದಾಖಲಾಗಿದೆ.

https://www.vijayavani.net/famous-actor-gave-clarification-about-his-marriage/

https://www.vijayavani.net/to-attract-youth-cong-panel-recommends-one-ticket-per-family/

https://www.vijayavani.net/two-narega-workers-died-in-the-same-way-at-different-lakes/

https://www.vijayavani.net/fomer-pm-told-about-his-lifes-last-desire/