ಮೂಡ್​ ಎಕ್ಸ್​, ಹಾಟ್​ ಶಾಟ್ಸ್​ ಸೇರಿ ಭಾರತದಲ್ಲಿ 18 ಓಟಿಟಿ ಪ್ಲಾಟ್‌ಫಾರ್ಮ್‌ಗಳ ನಿಷೇಧ: ಕಾರಣ ಇದೇ ನೋಡಿ..

ನವದೆಹಲಿ: ಅಶ್ಲೀಲ ಮತ್ತು ಅಸಭ್ಯ ವಿಷಯ ಪ್ರಚಾರ ಮಾಡಿದ ಹಿನ್ನೆಲೆಯಲ್ಲಿ ಭಾರತದಲ್ಲಿ 18 ಓಟಿಟಿ ಪ್ಲಾಟ್‌ಫಾರ್ಮ್‌ಗಳನ್ನು ಸರ್ಕಾರ ನಿಷೇಧಿಸಿದೆ.

ಇದನ್ನೂ ಓದಿ: ಸಚಿವ ಉದಯನಿಧಿಗೆ ಬಿಹಾರ ಕೋರ್ಟ್ ಸಮನ್ಸ್..! ಏನಾಯ್ತು..

ಹಲವಾರು ಬಾರಿ ಎಚ್ಚರಿಕೆ ನೀಡಿದರೂ ನಿಯಮಗಳನ್ನು ಪಾಲಿಸದ ಕಾರಣ ಕೇಂದ್ರ ಸರ್ಕಾರವು ಓಟಿಟಿ ಪ್ಲಾಟ್‌ಫಾರ್ಮ್‌ಗಳು ಮತ್ತು ಹಲವಾರು ಸಾಮಾಜಿಕ ಮಾಧ್ಯಮ ಹ್ಯಾಂಡಲ್‌ಗಳನ್ನು ನಿಷೇಧಿಸಿದೆ

ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು 'X' ನಲ್ಲಿ ಹಾಕಿರುವ ಪೋಸ್ಟ್‌ನಲ್ಲಿ, 19 ವೆಬ್‌ಸೈಟ್‌ಗಳು, 10 ಅಪ್ಲಿಕೇಶನ್‌ಗಳು, ಓಟಿಟಿ ಪ್ಲಾಟ್‌ಫಾರ್ಮ್‌ಗಳ 57 ಸಾಮಾಜಿಕ ಮಾಧ್ಯಮ ಹ್ಯಾಂಡಲ್‌ಗಳನ್ನು ರಾಷ್ಟ್ರವ್ಯಾಪಿ ನಿರ್ಬಂಧಿಸಲಾಗಿದೆ ಎಂದು ತಿಳಿಸಿದೆ.

ಈ ಪ್ಲಾಟ್‌ಫಾರ್ಮ್‌ಗಳಲ್ಲಿ ಹೋಸ್ಟ್ ಮಾಡಿದ ವಿಷಯದ ಬಹುತೇಕ ಭಾಗವು ಅಶ್ಲೀಲ, ಅಸಭ್ಯ ಮತ್ತು ಮಹಿಳೆಯನ್ನು ಅವಮಾನಕರ ರೀತಿಯಲ್ಲಿ ಚಿತ್ರಿಸಿರುವುದು ಕಂಡುಬಂದಿದೆ.ಇನ್ನು ಶಿಕ್ಷಕರು ಮತ್ತು ವಿದ್ಯಾರ್ಥಿಗಳ ನಡುವಿನ ಸಂಬಂಧಗಳು, ಸಂಭೋಗ, ನಗ್ನತೆ ಮತ್ತು ಲೈಂಗಿಕ ಕ್ರಿಯೆಗಳನ್ನು ಚಿತ್ರಿಸಲಾಗಿದೆ. ವಿಷಯವು ಅಶ್ಲೀಲ ಮತ್ತು ಲೈಂಗಿಕವಾಗಿ ಸ್ಪಷ್ಟವಾದ ದೃಶ್ಯಗಳ ದೀರ್ಘಾವಧಿಯ ಭಾಗಗಳನ್ನು ಒಳಗೊಂಡಿತ್ತು. ಸಾಮಾಜಿಕ ಪ್ರಸ್ತುತತೆ ಎಂದು ಸಚಿವಾಲಯ ಹೇಳಿದೆ.

ನಿಷೇಧಿತ ಓಟಿಟಿ ಪ್ಲಾಟ್‌ಫಾರ್ಮ್‌ಗಳು: ಡ್ರೀಮ್ಸ್ ಫಿಲ್ಮ್ಸ್, ವೂವಿ, ಅನ್ಕಟ್​ ಅಡ್ಡಾ, ಟ್ರೈ ಫ್ಲಿಕ್ಸ್, ಎಕ್ಸ್ ಪ್ರೈಮ್, ನಿಯಾನ್ ಎಕ್ಸ್ ವಿಐಪಿ, ಬೇಷರಮ್ಸ್, ಹಂಟರ್ಸ್​, ರಾಬಿಟ್​, ಎಕ್ಸ್ಟ್ರಾಮೂಡ್, ನಿಯೋಫ್ಲಿಕ್ಸ್, ಮೂಡ್ಎಕ್ಸ್, ಮೋಜ್​ಫ್ಲಿಕ್ಸ್​, ಹಾಟ್ ಶಾಟ್ಸ್ ವಿಐಪಿ, ಫ್ಯೂಗಿ, ಚಿಕೂಫ್ಲಿಕ್ಸ್, ಪ್ರೈಂ ಪ್ಲೇ, ಯೆಸ್ಮಾ.

ನಿಷೇಧಿತ 10 ಅಪ್ಲಿಕೇಶನ್‌ಗಳಲ್ಲಿ ಏಳು ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಮತ್ತು ಮೂರು ಆಪಲ್ ಆಪ್ ಸ್ಟೋರ್‌ನಲ್ಲಿ ಲಭ್ಯವಿದ್ದವು. ಈ ಪ್ಲಾಟ್‌ಫಾರ್ಮ್‌ಗಳಲ್ಲಿನ ವಿಷಯವು ಐಟಿ ಕಾಯ್ದೆಯ ಸೆಕ್ಷನ್ 67 ಮತ್ತು 67ಎ, ಐಪಿಸಿಯ ಸೆಕ್ಷನ್ 292 ಮತ್ತು ಮಹಿಳೆಯ ಅಸಭ್ಯ ಪ್ರಾತಿನಿಧ್ಯ (ನಿಷೇಧ) ಕಾಯ್ದೆ, 1986 ರ ಸೆಕ್ಷನ್ 4 ಅನ್ನು ಉಲ್ಲಂಘಿಸಿದೆ ಎಂದು ಸಚಿವಾಲಯವು ಹೇಳಿಕೆಯಲ್ಲಿ ತಿಳಿಸಿದೆ.

ಒಟಿಟಿ ಅಪ್ಲಿಕೇಶನ್‌ಗಳಲ್ಲಿ ಒಂದು 1 ಕೋಟಿಗೂ ಹೆಚ್ಚು ಡೌನ್‌ಲೋಡ್‌ಗಳನ್ನು ಸಂಗ್ರಹಿಸಿದೆ, ಆದರೆ ಇನ್ನೆರಡು ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ 50 ಲಕ್ಷಕ್ಕೂ ಹೆಚ್ಚು ಡೌನ್‌ಲೋಡ್‌ಗಳನ್ನು ಹೊಂದಿದೆ ಎಂದು ಉಲ್ಲೇಖಿಸಿದೆ.

https://www.vijayavani.net/japans-first-private-satellite-explodes-seconds-after-launch