ಸ್ಥೂಲಕಾಯದವರಿಗೆ ಸಿಹಿ ಸುದ್ದಿ: ಅಮೆರಿಕದ ತೂಕ ಕರಗಿಸುವ ಔಷಧ ತಯಾರಿಕೆ ಕಂಪನಿ ಬರಲಿದೆ ಭಾರತಕ್ಕೆ

ನವದೆಹಲಿ: ಸ್ಥೂಲಕಾಯದಿಂದ ಬಳಲುತ್ತಿರುವವರಿಗೆ ಒಂದು ಸಿಹಿ ಸುದ್ದಿಯಿದೆ. ವಾಸ್ತವವಾಗಿ, ಅಮೆರಿಕದ ಫಾರ್ಮಾಸ್ಯುಟಿಕಲ್ ಕಂಪನಿ ಎಲಿ ಲಿಲ್ಲಿ ಮತ್ತು ಕಂಪನಿಯ ಪ್ರಸಿದ್ಧ ತೂಕ ನಷ್ಟ ಔಷಧ ಭಾರತದಲ್ಲಿ ಲಾಂಚ್ ಆಗಲಿದೆ. ಕಂಪನಿಯ ಈ ಔಷಧಿಯ ಹೆಸರು ಮೊಂಜಾರೊ. ಕಂಪನಿಯ ಸಿಇಒ ಡೇವಿಡ್ ರಿಕ್ಸ್ ಪ್ರಕಾರ, ಈ ಔಷಧಿಯನ್ನು ಮುಂದಿನ ವರ್ಷ ಭಾರತದಲ್ಲಿ ಬಿಡುಗಡೆ ಮಾಡಲಾಗುವುದು.

ಅಮೆರಿಕದಲ್ಲಿ ಎಲಿ ಲಿಲ್ಲಿ ತೂಕ ನಷ್ಟಕ್ಕೆ ಜೆಪ್​ಬಾಂಡ್ ರೂಪದಲ್ಲಿ ಮಾರಾಟ ಮಾಡುತ್ತಾರೆ. ಇದು ವಿಶ್ವದ ಅತ್ಯಮೂಲ್ಯ ಔಷಧ ಕಂಪನಿಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಈ ಕಂಪನಿಯ ಮಾರುಕಟ್ಟೆ ಮೌಲ್ಯ ಅಂದಾಜು 720 ಬಿಲಿಯನ್ ಡಾಲರ್​ ಇದೆ.

ಎಲಿ ಲಿಲ್ಲಿ ಸಿಇಒ ಡೇವಿಡ್ ರಿಕ್ಸ್ ಅವರು ಮುಂದಿನ ವರ್ಷ ಭಾರತದಲ್ಲಿ ಜೆಪ್‌ಬೌಂಡ್ ಮತ್ತು ಮೊಂಜಾರೊವನ್ನು ಬಿಡುಗಡೆ ಮಾಡಲು ಬಯಸಿದ್ದಾರೆ. ಹೀಗಾದರೆ, ತೂಕ ನಷ್ಟಕ್ಕೆ ಅಧಿಕೃತವಾಗಿ ಮಾರಾಟವಾಗುವ ಮೊದಲ ವಿದೇಶಿ ಔಷಧಿ ಇದಾಗಲಿದೆ.

ತೂಕ ನಷ್ಟವು ದೊಡ್ಡ ಸಮಸ್ಯೆಯಾಗಿ ಹೊರಹೊಮ್ಮಿದೆ. ಈ ಔಷಧಿಯಲ್ಲಿ ಭಾರತದಲ್ಲಿ ಪ್ರಾರಂಭಿಸಲು ಇದು ಸರಿಯಾದ ಸಮಯ ಎಂದು ರಿಕ್ಸ್ ಹೇಳುತ್ತಾರೆ.

ನಾವು ಸಾಧಿಸಿದ ಯಶಸ್ಸನ್ನು ಹೇಗೆ ಮುಂದಕ್ಕೆ ಕೊಂಡೊಯ್ಯುವುದು ಎಂಬುದರ ಕುರಿತು ನಾವು ಯೋಚಿಸುತ್ತಿದ್ದೇವೆ. ಮುಂದಿನ ವರ್ಷ ಭಾರತದಲ್ಲಿ ನಾವು ನಮ್ಮ ಔಷಧಿಯನ್ನು ಹೆಚ್ಚಿನ ರೋಗಿಗಗಳಿಗೆ ಹೇಗೆ ತಲುಪಿಸಬೇಕೆಂದು ಎಂದು ನಾವು ನಿರಂತರವಾಗಿ ಮಂಥನ ಮಾಡುತ್ತಿದ್ದೇವೆ. ಇದು ನಿಸ್ಸಂಶಯವಾಗಿ ಅನುಮೋದನೆ ಮತ್ತು ಪೂರೈಕೆ ಇತ್ಯಾದಿಗಳನ್ನು ಅವಲಂಬಿಸಿರುತ್ತದೆ. ನಾವು ಸೆಂಟ್ರಲ್ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಶನ್ (CDSCO)ಗೆ ಈಗಾಗಲೇ ಅರ್ಜಿ ಸಲ್ಲಿಸಿದ್ದು, ಇದು ಮೌಲ್ಯಮಾಪನದ ವಿವಿಧ ಹಂತಗಳಲ್ಲಿದೆ. ಎಲ್ಲವೂ ಸರಿಯಾಗಿ ನಡೆದರೆ 2025ರಲ್ಲಿ ಈ ಔಷಧವನ್ನು ಭಾರತಕ್ಕೆ ತರಲು ಸಾಧ್ಯವಾಗುತ್ತದೆ ಎಂದು ಡೇವಿಡ್ ರಿಕ್ಸ್​ ಹೇಳಿದರು.

ಔಷಧದ ಬೆಲೆ ಏನು?:
ಈ ತೂಕ ಇಳಿಸುವ ಔಷಧಿಯ ಬೆಲೆ ಕುರಿತು ಮಾತನಾಡಿದ ಡೇವಿಡ್ ರಿಕ್ಸ್, ನಾವು ಎಲ್ಲೇ ಇದ್ದರೂ ನಮ್ಮ ಬೆಲೆ ಹೆಚ್ಚು ಎಂದು ಎಲ್ಲಿಯೂ ಹೇಳಲು ಸಾಧ್ಯವಿಲ್ಲ. ನಾವು ಪೂರೈಕೆಯ ಆಧಾರದ ಮೇಲೆ ಯೋಚಿಸಬೇಕು. ನೀವು ವಿತರಿಸಲು ಸಾಧ್ಯವಾಗದಿದ್ದಾಗ ಕಡಿಮೆ ಬೆಲೆಗೆ ಪಾವತಿಸಲು ಅರ್ಥವಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ, ನಾವು ಇಲ್ಲಿ ಪ್ರಾರಂಭಿಸುವಾಗ ಅದರ ಬಗ್ಗೆ ಯೋಚಿಸಬೇಕಾಗುತ್ತದೆ. ಸದ್ಯ ನಾವು ಬೆಲೆ ನಿಗದಿ ಬಗ್ಗೆ ಯಾವುದೇ ನಿರ್ಧಾರ ಕೈಗೊಂಡಿಲ್ಲ ಎಂದು ಅವರು ಹೇಳಿದ್ದಾರೆ.

https://www.vijayavani.net/ipo-subscription-starts-from-march-7-rs-78-per-share-in-gray-market-at-rs-153-big-return-for-investors-is-assured

https://www.vijayavani.net/bonus-share-warrant-allotment-decision-it-stock-rises-153-in-a-year-hits-consecutive-upper-circuit

https://www.vijayavani.net/reliance-disney-merger-deal-inked-nita-ambani-to-take-charge-of-new-company