ವಿಶ್ವದ ಅತಿ ದೊಡ್ಡ ಚಿನ್ನದ ಠೇವಣಿ ಚೀನಾದಲ್ಲಿ ಪತ್ತೆ! ಇದರ ಒಟ್ಟು ಮೌಲ್ಯ ಕೇಳಿದ್ರೆ ಹುಬ್ಬೇರೋದು ಖಚಿತ

ನವದೆಹಲಿ: ರಾಜ್ಯ ಮಾಧ್ಯಮಗಳ ಪ್ರಕಾರ, ಮಧ್ಯ ಚೀನಾದಲ್ಲಿ ಬೃಹತ್ ಚಿನ್ನದ ನಿಕ್ಷೇಪವು ಪತ್ತೆಯಾಗಿದ್ದು, 1,000 ಮೆಟ್ರಿಕ್ ಟನ್‌ಗಳಷ್ಟು (1,100 US ಟನ್‌ಗಳು) ಉತ್ತಮ ಗುಣಮಟ್ಟದ ಅದಿರನ್ನು ಹೊಂದಿದೆ ಎಂದು ಹೇಳಲಾಗಿದೆ. ಈ ಬಗ್ಗೆ ಹುನಾನ್ ಪ್ರಾಂತ್ಯದ ಭೂವೈಜ್ಞಾನಿಕ ಬ್ಯೂರೋ ಕೂಡ ದೃಢಪಡಿಸಿದೆ. ಅಂದಾಜು 600 ಶತಕೋಟಿ ಯುವಾನ್, ಅಂದರೆ ಸರಿಸುಮಾರು 6,91,473 ಕೋಟಿ ರೂ. ಇದೆ ಎಂದು ಉಲ್ಲೇಖಿಸಲಾಗಿದ್ದು, ಇದು ದಕ್ಷಿಣ ಆಫ್ರಿಕಾದ ಸೌತ್ ಡೀಪ್ ಮೈನ್‌ನಲ್ಲಿ ಕಂಡುಬರುವ 930 ಮೆಟ್ರಿಕ್ ಟನ್‌ಗಳನ್ನು ಮೀರಿಸಿ ವಿಶ್ವದ ಅತಿದೊಡ್ಡ ಚಿನ್ನದ ಮೀಸಲು ಆಗಿರಬಹುದು ಎಂದಿದ್ದಾರೆ ತಜ್ಞರು.

ಇದನ್ನೂ ಓದಿ: ನಾನು ಯಾವಾಗಲೂ… ನಯನತಾರಾ-ಧನುಷ್​ ನಡುವಿನ ವಿವಾದಕ್ಕೆ ಹೊಸ ಟ್ವಿಸ್ಟ್​ ಕೊಟ್ಟ ಮಲ್ಲು ಬ್ಯೂಟಿ ಪಾರ್ವತಿ! Nayanthara

ಪ್ರಾಥಮಿಕ ಪರಿಶೋಧನೆಗಳು ಎರಡು ಕಿಲೋಮೀಟರ್ ಆಳದಲ್ಲಿ ಸುಮಾರು 300 ಮೆಟ್ರಿಕ್ ಟನ್ ಚಿನ್ನವನ್ನು ಹೊಂದಿರುವ 40 ಚಿನ್ನದ ನಾಳಗಳನ್ನು ಬಹಿರಂಗಪಡಿಸಿದೆ. ಸುಧಾರಿತ 3ಡಿ ಮಾಡೆಲಿಂಗ್ ಹೆಚ್ಚಿನ ಆಳದಲ್ಲಿ ಹೆಚ್ಚುವರಿ ಮೀಸಲುಗಳ ಉಪಸ್ಥಿತಿಯನ್ನು ಸೂಚಿಸಿದೆ. ಇದು ಬಹುಶಃ 3 ಕಿಲೋಮೀಟರ್​ಗಳನ್ನು ತಲುಪಬಹುದು. ಈ ಆವಿಷ್ಕಾರವು ಚೀನಾದ ಚಿನ್ನದ ಉದ್ಯಮದ ಮೇಲೆ ಉತ್ತಮ ಪರಿಣಾಮಗಳನ್ನು ಬೀರಲಿದ್ದು, ರಾಷ್ಟ್ರದ ಗಣಿಗಾರಿಕೆ ಮತ್ತು ಆರ್ಥಿಕ ಸಾಮರ್ಥ್ಯಗಳನ್ನು ಸಂಭಾವ್ಯವಾಗಿ ಹೆಚ್ಚಿಸಲಿದೆ ಎಂದು ವರದಿ ಹೇಳಿದೆ.

"ಅನೇಕ ಕೊರೆಯಲಾದ ಕಲ್ಲಿನಲ್ಲಿ ಗೋಚರ ಚಿನ್ನ ಇರುವುದು ಪತ್ತೆಯಾಗಿದೆ. 2,000 ಮೀಟರ್ ವ್ಯಾಪ್ತಿಯಲ್ಲಿ ಒಂದು ಟನ್ ಅದಿರು ಗರಿಷ್ಠ 138 ಗ್ರಾಂ ಚಿನ್ನವನ್ನು ಹೊಂದಿದೆ" ಎಂದು ಬ್ಯೂರೋದ ಅದಿರು ನಿರೀಕ್ಷಿತ ತಜ್ಞ ಚೆನ್ ರುಲಿನ್ ಹೇಳಿದ್ದಾರೆ. "3ಡಿ ಜಿಯೋಲಾಜಿಕಲ್ ಮಾಡೆಲಿಂಗ್‌ನಂತಹ ಹೊಸ ಅದಿರು ನಿರೀಕ್ಷಿತ ತಂತ್ರಜ್ಞಾನಗಳನ್ನು ವಾಂಗು ಚಿನ್ನದ ಕ್ಷೇತ್ರದಲ್ಲಿ ಬಳಸಲಾಗಿದೆ" ಎಂದು ಬ್ಯೂರೋದ ಉಪಾಧ್ಯಕ್ಷ ಲಿಯು ಯೋಂಗ್‌ಜುನ್ ತಿಳಿಸಿದ್ದಾರೆ.

ಇದನ್ನೂ ಓದಿ: ಬಾಳೆಹಣ್ಣಿನ ವಿಷಯದಲ್ಲಿ ಈ ತಪ್ಪನ್ನು ಎಂದಿಗೂ ಮಾಡಬೇಡಿ! ಇಲ್ಲಿದೆ ನೋಡಿ ಉಪಯುಕ್ತ ಮಾಹಿತಿ

ವಿಶ್ವದ ಅತಿದೊಡ್ಡ ಚಿನ್ನದ ಠೇವಣಿ ಚೀನಾದಲ್ಲಿ ಪತ್ತೆಯಾಗಿದೆ, ಅಂದಾಜು 1,000 ಮೆಟ್ರಿಕ್ ಟನ್‌ಗಳಷ್ಟು ಉತ್ತಮ ಗುಣಮಟ್ಟದ ಅದಿರನ್ನು ಹೊಂದಿರುವ ವಿಶ್ವದ ಅತಿದೊಡ್ಡ ಚಿನ್ನದ ನಿಕ್ಷೇಪವು, ಬರೋಬ್ಬರಿ 7 ಲಕ್ಷ ಕೋಟಿ ರೂ.ಗಳಷ್ಟು ಮೌಲ್ಯಯುತವಾಗಿದೆ ಎಂದು ವರದಿ ಹೇಳಿದೆ.

ಮೈನಿಂಗ್ ಟೆಕ್ನಾಲಜಿಯ ಪ್ರಕಾರ, ಚೀನಾದ ಚಿನ್ನದ ನಿಕ್ಷೇಪವನ್ನು ಕಂಡುಹಿಡಿಯುವ ಮೊದಲು ಪ್ರಪಂಚದಲ್ಲಿ ತಿಳಿದಿರುವ ಅತಿದೊಡ್ಡ ಚಿನ್ನದ ನಿಕ್ಷೇಪಗಳು ಹೀಗಿವೆ ನೋಡಿ:

1. ಸೌತ್ ಡೀಪ್​ ಚಿನ್ನದ ಗಣಿ - ದಕ್ಷಿಣ ಆಫ್ರಿಕಾ

2. ಗ್ರಾಸ್ಬರ್ಗ್ ಚಿನ್ನದ ಗಣಿ - ಇಂಡೋನೇಷ್ಯಾ

3. ಒಲಿಂಪಿಯಾಡಾ ಚಿನ್ನದ ಗಣಿ - ರಷ್ಯಾ

4. ಲಿಹಿರ್ ಚಿನ್ನದ ಗಣಿ - ಪಪುವಾ ನ್ಯೂ ಜಿನೇವಾ

5. ನಾರ್ಟೆ ಅಬಿಯರ್ಟೊ ಗೋಲ್ಡ್ ಮೈನ್ - ಚಿಲಿ

6. ಕಾರ್ಲಿನ್ ಟ್ರೆಂಡ್ ಗೋಲ್ಡ್ ಮೈನ್ - ಅಮೆರಿಕ

7. ಬೋಡಿಂಗ್ಟನ್ ಚಿನ್ನದ ಗಣಿ - ಪಶ್ಚಿಮ ಆಸ್ಟ್ರೇಲಿಯಾ

8. ಎಂಪೊನೆಂಗ್ ಚಿನ್ನದ ಗಣಿ - ದಕ್ಷಿಣ ಆಫ್ರಿಕಾ

9. ಪ್ಯೂಬ್ಲೊ ವಿಯೆಜೊ ಗೋಲ್ಡ್ ಮೈನ್ - ಡೊಮಿನಿಕನ್ ರಿಪಬ್ಲಿಕ್

10. ಕಾರ್ಟೆಜ್ ಗೋಲ್ಡ್ ಮೈನ್ - ಅಮೆರಿಕ

ಜಾಗತಿಕವಾಗಿ ಈ ಗಣಿಗಳು ಇಲ್ಲಿಯವರೆಗೆ ಗುರುತಿಸಲಾದ ಅತ್ಯಂತ ಮಹತ್ವದ ನೈಸರ್ಗಿಕ ಚಿನ್ನದ ನಿಕ್ಷೇಪಗಳು ಎಂದು ಹೇಳಲಾಗಿದೆ,(ಏಜೆನ್ಸೀಸ್).

https://www.vijayavani.net/can-we-eat-the-black-spot-bananas