ಆರ್ಥಿಕ ಅಭಿವೃದ್ಧಿ ಮತ್ತು ರಾಜಕೀಯ ಸಹಕಾರ ಸುಧಾರಣೆಗೆ ನೆರವಾಗಲಿರುವ ಈ ಯೋಜನೆ, ದೇಶಗಳ ನಡುವಿನ ವ್ಯಾಪಾರ, ಇಂಧನ ಸಂಪನ್ಮೂಲಗಳ ಸಾಗಾಟ ಹಾಗೂ ಡಿಜಿಟಲ್ ಸಂಪರ್ಕದ ಸುಧಾರಣೆಗೂ ಕಾರಣವಾಗಲಿದೆ ಎಂದು ಅಂದಾಜಿಸಲಾಗಿದೆ. ಈ ಆರ್ಥಿಕ ಕಾರಿಡಾರ್ನಲ್ಲಿ ಭಾರತ, ಸೌದಿ ಅರೇಬಿಯಾ, ಯುನೈಟೆಡ್ ಅರಬ್ ಎಮಿರೇಟ್ಸ್ ಜೋರ್ಡಾನ್, ಇಸ್ರೇಲ್ ಮತ್ತು ಐರೋಪ್ಯ ಒಕ್ಕೂಟ ಇರಲಿವೆ ಎಂದು ಬೈಡೆನ್ ಅವರ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಜೇಕ್ ಸುಲಿವಾನ್ ತಿಳಿಸಿದ್ದಾರೆ. ಜಿ-20ಯಲ್ಲಿ ಭಾರತದ ಅಧ್ಯಕ್ಷತೆಯು ವೈವಿಧ್ಯಮಯ, ಸಾಂಸ್ಕೃತಿಕ ಸಮೃದ್ಧತೆ, ಗುರಿ ಆಧಾರಿತವಾಗಿದೆ ಎಂಬ ಸಂದೇಶ ಕೊಟ್ಟಿರುವುದಲ್ಲದೆ, ಹೊಸ ಇತಿಹಾಸ ಸೃಷ್ಟಿಸಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ. ಭಾರತದ ಒಟ್ಟಾರೆ ಅಭಿವೃದ್ಧಿಗೆ ಇದು ಸಹಕಾರಿಯಾಗಲಿದ್ದು, ತಂತ್ರಜ್ಞಾನದ ಬಳಕೆಯ ಮೂಲಕ ಜೀವನವನ್ನು ಸುಲಭಗೊಳಿಸುತ್ತದೆ ಮತ್ತು ಭಾರತದ ಎಲ್ಲಾ ಭಾಗಗಳಿಗೆ ಶಾಂತಿಯನ್ನು ತರುತ್ತದೆ ಎನ್ನಲಾಗಿದೆ.
