ನಾನು ಹಾದಿ ತಪ್ಪಿ ಹೋದೆ, ನಾವೆಲ್ಲ ಇಂದು ಸರಿದಾರಿಯಲ್ಲಿ ಹೋಗಿದ್ದೇವೆ ಎನ್ನುವ ಸ್ಥಿತಿಯಲ್ಲಿಲ್ಲ: ಪಿ.ಜಿ.ಆರ್​.ಸಿಂಧ್ಯಾ

ಬೆಂಗಳೂರು: ನಾನು ಹಾದಿ ತಪ್ಪಿ ಹೋದೆ, ನಾವೆಲ್ಲ ಇಂದು ಸರಿದಾರಿಯಲ್ಲಿ ಹೋಗಿದ್ದೇವೆ ಎನ್ನುವ ಸ್ಥಿತಿಯಲ್ಲಿಲ್ಲ ಎಂದು ಮಾಜಿ ಸಚಿವ ಪಿ.ಜಿ.ಆರ್. ಸಿಂಧ್ಯಾ ಹೇಳಿಕೊಂಡಿದ್ದಾರೆ.

ಪ್ರೊ.ಪಿ.ವಿ.ಕೃಷ್ಣ ಭಟ್ ಅವರ ಕುರಿತ ಲೇಖನ ಸಂಗ್ರಹ 'ಪಥದರ್ಶಿ' ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರು ಈ ವಿಷಯ ಹೇಳಿಕೊಂಡರು. ಇಂದು ರಾಜಧಾನಿಯ ಸ್ಕೌಟ್ ಗೈಡ್ಸ್ ಭವನದಲ್ಲಿ ನಡೆದ ಈ ಸಮಾರಂಭದಲ್ಲಿ ಭಾಗವಹಿಸಿದ ಅವರು ಸಿಂಧ್ಯಾ, ಪ್ರೊ. ಭಟ್ ಅವರ ಜೊತೆಗಿನ ಒಡನಾಟದ ತಮ್ಮ ಹಳೆಯ ದಿನಗಳನ್ನು ನೆನಪಿಸಿಕೊಂಡರು.

ಇದನ್ನೂ ಓದಿ: 2000 ರೂ. ನೋಟು ಹಿಂಪಡೆ ವಿಚಾರ: ಆರ್​ಬಿಐನಿಂದ ಮತ್ತೆ ಮನವಿ; ಇಲ್ಲಿದೆ ವಿವರ..

ಪ್ರೊ.ಕೃಷ್ಣ ಭಟ್ಟರ ಜೊತೆಗಿನ ಒಡನಾಟದಿಂದ ಎಬಿವಿಪಿ ಜೊತೆಗೆ ಬಂದ ಸಮಯವನ್ನು ಸ್ಮರಿಸಿಕೊಂಡ ಸಿಂಧ್ಯಾ, ಅಂದಿನ ಸಂಘಟನೆಗೂ ವ್ಯಕ್ತಿಗಳಿಗೂ ಇಂದು ಯಾರನ್ನೂ ಹೋಲಿಕೆ ಮಾಡಲು ಆಗಲ್ಲ ಎಂದರು. ನಾನು ಹಾದಿ ತಪ್ಪಿ ಹೋದೆ, ನಾವೆಲ್ಲ ಇಂದು ಸರಿದಾರಿಯಲ್ಲಿ ಹೋಗಿದ್ದೇವೆ ಎಂದು ಹೇಳಿಕೊಳ್ಳುವ ಸ್ಥಿತಿಯಲ್ಲಿ ಇಲ್ಲ ಎಂದ ಅವರು, ಅದಕ್ಕೆ ಉತ್ತರವನ್ನು ದತ್ತಾತ್ರೇಯ ಹೊಸಬಾಳೆ ಅವರು ಮಾತ್ರ ನೀಡಲು ಸಾಧ್ಯ. ಕಾರಣ ಅವರು ಇನ್ನೂ ಸರಿ ದಾರಿಯಲ್ಲಿ ಇದ್ದಾರೆ ಎಂದರು.

ಇದನ್ನೂ ಓದಿ: ಮಕ್ಕಳನ್ನು ಡೌನ್​ಲೋಡ್ ಮಾಡಿಕೊಳ್ಳುವ ಕಾಲ ಬರಬಹುದಾ?; ಇದೇನಿದು ಅಪ್ಪ-ಅಮ್ಮ ಇಲ್ಲದೆ ಮಗು ಹುಟ್ಟಿಸೋ ಪ್ರಯತ್ನ!

ನಾನು ಹಾದಿ ತಪ್ಪಿದರೂ ನನ್ನನ್ನೂ ಈ ಕಾರ್ಯಕ್ರಮಕ್ಕೆ ಕರೆದಿದ್ದಕ್ಕೆ ಧನ್ಯವಾದ ಹೇಳುತ್ತೇನೆ ಎಂದೂ ಸಿಂಧ್ಯಾ ಹೇಳಿದರು. ಈ ಸಮಾರಂಭದಲ್ಲಿ ಮಾಜಿ ಸಿಎಂ ಬಿ.ಎಸ್.ಯಡಿಯೂರಪ್ಪ, ಕೇಂದ್ರ ಸಚಿವ ವಿ.ಮುರಳೀಧರನ್, ಆರ್​​ಎಸ್​ಎಸ್​ ಸರಕಾರ್ಯವಾಹ ದತ್ತಾತ್ರೇಯ ಹೊಸಬಾಳೆ, ಬಿಜೆಪಿ ರಾಜ್ಯ ಉಪಾಧ್ಯಕ್ಷೆ ತೇಜಸ್ವಿನಿ ಅನಂತಕುಮಾರ್ ಮುಂತಾದವರು ಉಪಸ್ಥಿತರಿದ್ದರು.

https://www.vijayavani.net/lok-sabha-passes-registration-of-births-and-deaths-amendment-bill

https://www.vijayavani.net/right-to-sleep-you-can-file-case-against-anyone-for-not-letting-you-to-sleep