ಬಂದೂಕಿನಿಂದ ಮಿಸ್ ಫೈರ್! ಗುಂಡೇಟಿಗೆ ರೈತ ಸ್ಥಳದಲ್ಲೇ ಸಾವು

ಚಿಕ್ಕಮಗಳೂರು: ಮನೆಯಲ್ಲಿ ಇರಿಸಿದ್ದ ಬಂದೂಕನ್ನು ಹೊರತೆಗೆಯುವಾಗ ಮಿಸ್ ಫೈರ್ ಆಗಿ ರೈತ ಸ್ಥಳದಲ್ಲೇ ಸಾವನ್ನಪ್ಪಿದ ದುರ್ಘಟನೆ ಚಿಕ್ಕಮಗಳೂರು ತಾಲೂಕಿನ ಕಳವಾಸೆ ಗ್ರಾಮದಲ್ಲಿ ಸಂಭವಿಸಿದೆ.

ಇದನ್ನೂ ಓದಿ: ಇಂದಿರಾ ಗಾಂಧಿ ಪರಿಸ್ಥಿತಿ ನಿನಗೂ ಬರುತ್ತದೆ: ಎಮರ್ಜೆನ್ಸಿ ಪ್ರಚಾರದ ನಡುವೆ ಕಂಗನಾಗೆ ಕೊಲೆ ಬೆದರಿಕೆ

ಕಳವಾಸೆ ಗ್ರಾಮದ ಆನಂದ್ (47 )ಸ್ಥಳದಲ್ಲೇ ಸಾವಿಗೀಡಾದ ರೈತ. ಬಂದೂಕಿನ ಪರವಾನಿಗೆ ಹೊಂದಿದ್ದ ಆನಂದ್, ಮನೆಯ ಕೋಣೆಯಲ್ಲಿ ಇರಿಸಿದ್ದ ಬಂದೂಕು ತೆಗೆಯಲು ಹೋದಾಗ ಏಕಾಏಕಿ ಗನ್​ ಫೈರ್​ ಆಗಿದೆ. ತಕ್ಷಣವೇ ಗುಂಡು ನೇರವಾಗಿ ಎದೆಯನ್ನು ಸೀಳಿದ ಪರಿಣಾಮ ವ್ಯಕ್ತಿ ಮೃತಪಟ್ಟಿದ್ದಾರೆ.

ಘಟನೆಗೆ ಸಂಬಂಧಿಸಿದಂತೆ ಮಲ್ಲಂದೂರು ಪೊಲೀಸ್ ಠಾಣಾ ವ್ಯಾಪ್ತಿಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿದ್ದು, ಆನಂದ್ ‌ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಹಾಸನದ ಸರ್ಕಾರಿ ಆಸ್ಪತ್ರೆಗೆ ರವಾನಿಸಿದ್ದಾರೆ. ಈ ಪ್ರಕರಣ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.

https://www.vijayavani.net/actress-sridevika-makes-a-strong-allegation