ಷೇರುಗಳಲ್ಲಿ ಹೂಡಿಕೆಯನ್ನು ಎರಡು ರೀತಿ ನೋಡಬಹುದು. ಲಾಭಾಂಶ ಉದ್ದೇಶಕ್ಕೆ ಹೂಡಿಕೆ ಮಾಡುವುದು ಒಂದು ವರ್ಗವಾದರೆ, ಇನ್ವೆಸ್ಟ್ ರೀತಿ ಹೂಡಿಕೆ ಮಾಡುವ ಮತ್ತೊಂದು ವರ್ಗವನ್ನು ಕಾಣಬಹುದು. ನಿರ್ದಿಷ್ಟ ಉದ್ದೇಶ ಇಟ್ಟುಕೊಂಡು ಲಾಭಾಂಶ ಲೆಕ್ಕಚಾರದಲ್ಲಿ ಹೂಡಿಕೆ ಮಾಡುವವರಲ್ಲಿ ಹಿರಿಯ ನಾಗರಿಕರು, ವೇತನದಾರರ ಸಂಖ್ಯೆ ಹೆಚ್ಚಿದೆ. ಷೇರುಪೇಟೆಯಲ್ಲಿ ಈ ರೀತಿಯ ಏರುಪೇರುಗಳಾದಾಗ ನಿರ್ದಿಷ್ಟ ಲಾಭಾಂಶದ ನಿರೀಕ್ಷೆಯೊಂದಿಗೆ ಹೂಡಿಕೆ ಮಾಡಿದವರಿಗೆ ಲೆಕ್ಕ ತಪ್ಪಲಿದೆ. ಹಿಂಡನ್ಬರ್ಗ್ ಆರೋಪದಿಂದ ಅದಾನಿ ಗ್ರೂಪ್ನ ಷೇರು ಮೌಲ್ಯ ಕುಸಿತ ಕಂಡು, ಅಂದಾಜು 150 ಶತಕೋಟಿ ಡಾಲರ್ನಷ್ಟು ಸಂಪತ್ತು ನಷ್ಟ ಹೊಂದಿತ್ತು. ಗುರುವಾರ ಮತ್ತೆ ಅದಾನಿ ಸಮೂಹದ ಷೇರುಗಳ ಬೆಲೆಗಳಲ್ಲಿ ಕುಸಿತ ದಾಖಲಾಗಿದೆ. ಅದಾನಿ ಗ್ರೀನ್ ಎನರ್ಜಿ ಕಂಪನಿಯ ಷೇರುಗಳ ಮೌಲ್ಯ ಶೇಕಡಾ 4.43ರಷ್ಟು ಕುಸಿತವಾಗಿ ಒಂದು ಷೇರಿನ ಬೆಲೆ 927.65 ರೂಪಾಯಿ ಆಗಿದೆ. ಇದರ ಮಾರುಕಟ್ಟೆ ಮೌಲ್ಯ ಮೊತ್ತ 1.47 ಲಕ್ಷ ಕೋಟಿ ರೂಪಾಯಿ ಆಗಿದೆ. ಇದು ಸಹಜವಾಗಿಯೇ ಹೂಡಿಕೆದಾರರಲ್ಲಿ ಆತಂಕಕ್ಕೆ ಕಾರಣವಾಗಿದೆ.
