ಮಹಾಘಟಬಂದನ್ ಮೈತ್ರಿ ಸಂಪೂರ್ಣವಾಗಿ ಮುಗಿದ ಅಧ್ಯಾಯವಾಗಿದೆ ಎಂದ ಪಾಸ್ವಾನ್, ಸ್ಥಾನಗಳಿಗೆ ಸಂಬಂಧಿಸಿದಂತೆ ಆಂತರಿಕ ಸಂಘರ್ಷಗಳನ್ನು ಎತ್ತಿ ತೋರಿಸಿದರು. ಇಂಡಿಯಾ ಕೂಟದ ಮಿತ್ರಗಳು 10 ರಿಂದ 12 ಸ್ಥಾನಗಳಲ್ಲಿ ಪರಸ್ಪರ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿದ್ದಾರೆ. ಒಂದು ಜಿಲ್ಲೆಯಲ್ಲಿ ಆರು ಕ್ಷೇತ್ರಗಳಿದ್ದು, ಒಂದರಲ್ಲಿ ಅವರು ಸ್ಪರ್ಧಿಸುತ್ತಿದ್ದಾರೆ ಎಂದು ಭಾವಿಸೋಣ, ಉಳಿದ ಐದು ಕ್ಷೇತ್ರಗಳ ಜನರು ಅವರು ಒಗ್ಗಟ್ಟಾಗಿದ್ದಾರೆ ಎಂದು ಹೇಗೆ ನಂಬುತ್ತಾರೆ? ಅವರಿಗೆ ಮೈತ್ರಿಗಳನ್ನು ಹೇಗೆ ರಚಿಸುವುದು, ನಿರ್ವಹಿಸುವುದು ಎನ್ನುವುದೇ ತಿಳಿದಿಲ್ಲ ಎಂದು ಟೀಕಿಸಿದರು. ಮಹಾ ಮೈತ್ರಿಕೂಟ ಉತ್ತಮ ಆಡಳಿತ ನಡೆಸಲಿದೆ ಎಂಬ ವಿಶ್ವಾಸ ಬಿಹಾರದ ಜನರಿಗಿಲ್ಲ, ಆದ್ದರಿಂದ ನಾವು ಹರಿಯಾಣದಲ್ಲಿ ಗೆಲುವು ಸಾಧಿಸಿದಂತೆಯೆ, ಬಿಹಾರದಲ್ಲೂ ಜಯಗಳಿಸಲಿದ್ದೇವೆ. ಅಲ್ಲಿ ಕಾಂಗ್ರೆಸ್ ಸೋತ ರೀತಿಯಲ್ಲಿ, ಇಲ್ಲಿ ಮಹಾಮೈತ್ರಿಕೂಟ ಸೋಲು ಅನುಭವಿಸಲಿದೆ ಎಂದರು.
