ಇಡೀ ದಿನ ಸಭೆ ನಡೆದರೂ ಕೊನೆಯಲ್ಲಿ ‘ಗುಡ್ಡ ಅಗೆದು ಇಲಿ ಹಿಡಿದಂತೆ’ ಕೆಲವೇ ಕೆಲವು ಸಣ್ಣಪುಟ್ಟ ವಿಷಯಗಳ ಬಗ್ಗೆ ನಿರ್ಧಾರಗಳನ್ನು ಪ್ರಕಟಿಸಲಾಯಿತು. ಆ ಪೈಕಿ, ಪಾಪ್ಕಾರ್ನ್ಗೆ (ಜೋಳದ ಅರಳು) ಅದರ ಮಿಶ್ರಣ, ಪ್ಯಾಕೇಜಿಂಗ್ ಆಧರಿಸಿ ಬೇರೆಬೇರೆ ಸ್ತರದ ತೆರಿಗೆ ವಿಧಿಸಲು ತೀರ್ವನಿಸಲಾಯಿತು. ಉಪ್ಪು-ಖಾರ ಹಚ್ಚಿದ ಪಾಪ್ಕಾರ್ನ್ಗೆ ಶೇ. 5ರಷ್ಟು ಜಿಎಸ್ಟಿ, ಪ್ರಿಪ್ಯಾಕ್ಡ್- ಲೇಬೆಲ್ಡ್ ಪಾಪ್ಕಾರ್ನ್ಗೆ ಶೇ. 12ರಷ್ಟು ಜಿಎಸ್ಟಿ, ಹುರಿದ ಸಕ್ಕರೆ ಪುಡಿ ಸವರಿದ (ಕ್ಯಾರಮೆಲೈಸ್ಡ್) ಪಾಪ್ಕಾರ್ನ್ಗೆ ಶೇ. 18ರಷ್ಟು ಜಿಎಸ್ಟಿ ವಿಧಿಸಲಾಯಿತು. ಈ ತೀರ್ವನವಂತೂ ಸಾಮಾಜಿಕ ಜಾಲತಾಣಗಳಲ್ಲಿ ನಗೆಪಾಟಲಿಗೆ ಈಡಾಯಿತು. ಹೀಗೆಯೇ ಹಲವಾರು ಸಣ್ಣ ಪದಾರ್ಥಗಳಿಗೆ ಅವುಗಳ ಪ್ಯಾಕೇಜಿಂಗ್ ಮತ್ತು ಮಿಶ್ರಣ ಆಧರಿಸಿ ವಿವಿಧ ಸ್ತರದ ತೆರಿಗೆ ವಿಧಿಸಲಾಗುತ್ತಿದೆ.
