ಒಂದು ಅಂದಾಜಿನ ಸಾವಿನ ಸಂಖ್ಯೆಗೂ ಚೀನಾ ಸರ್ಕಾರ ನೀಡುವ ಲೆಕ್ಕಕ್ಕೂ ಭಾರಿ ವ್ಯತ್ಯಾಸವಿದೆ. ಕರೊನಾ ವೈರಸ್ ಸೋಂಕಿದ ನಂತರ ಉಸಿರಾಟದ ತೊಂದರೆಯಿಂದ ಮೃತಪಡುವುದನ್ನು ಮಾತ್ರ ಕೋವಿಡ್ ಸಾವು ಎಂದು ಚೀನಾ ಪರಿಗಣಿಸುವುದೇ ಇದಕ್ಕೆ ಕಾರಣವಾಗಿದೆ. ಆದರೆ, ಬೇರೆ ದೇಶಗಳು, ಜನರು ಪಾಸಿಟಿವ್ ಆದ 28 ದಿನದೊಳಗೆ ಸಂಭವಿಸುವ ಸಾವುಗಳನ್ನು ಕರೊನಾ ಸಾವು ಎಂದು ಪರಿಗಣಿಸುತ್ತವೆ. ಡಿಸೆಂಬರ್ 30ರಂದು ಕೇವಲ ಒಬ್ಬರು ಕೋವಿಡ್ನಿಂದ ಸತ್ತಿದ್ದಾರೆಂದು ಚೀನಾ ವರದಿ ಮಾಡಿದೆ. ಚೀನಾದಿಂದ ಆಗಮಿಸುವ ಪ್ರಯಾಣಿಕರು ನೆಗೆಟಿವ್ ಟೆಸ್ಟ್ ವರದಿ ಸಲ್ಲಿಸಬೇಕು ಅಥವಾ ಪರೀಕ್ಷೆಗೆ ಒಳಪಡಬೇಕು ಎಂಬಿತ್ಯಾದಿ ನಿರ್ಬಂಧಗಳನ್ನು ಹೇರುತ್ತಿರುವ ರಾಷ್ಟ್ರಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಈಗಾಗಲೇ ಈ ಪಟ್ಟಿಯಲ್ಲಿ ಡಜನ್ಗೂ ಅಧಿಕ ದೇಶಗಳು ಸೇರಿವೆ. ಆಸ್ಟ್ರೇಲಿಯಾ, ನೆಗೆಟಿವ್ ವರದಿ ಕಡ್ಡಾಯಗೊಳಿಸಿದ ಇತ್ತೀಚಿನ ದೇಶವಾಗಿ ಹೊರಹೊಮ್ಮಿದೆ. ಅಮೆರಿಕ, ಬ್ರಿಟನ್, ಫ್ರಾನ್ಸ್, ಇಟಲಿ, ಸ್ಪೇನ್, ಜಪಾನ್, ದಕ್ಷಿಣ ಕೊರಿಯಾ ಮತ್ತು ತೈವಾನ್ ಈಗಾಗಲೇ ನಿರ್ಬಂಧ ಜಾರಿಗೊಳಿಸಿವೆ.
