ಗಿಟಾರ್​ ನುಡಿಸಿ ರೈಲು ಪ್ರಯಾಣಿಕರನ್ನು ರಂಜಿಸಿದ ಕರೊನಾ ಸೇನಾನಿ

ಜಮ್ಮು: ಕರೊನಾ ವೈರಸ್ ಕಾಯಿಲೆ ತರುವುದರ ಜತೆಗೆ ಜಗತ್ತಿಗೆ ಕಂಟಕವಾಗಿದೆ. ಎಲ್ಲರೂ ಮುಳುಗುತ್ತಿರುವ ಒಂದೇ ಹಡಗಿನಲ್ಲಿ ಪಯಣಿಸುತ್ತಿರುವಾಗ ಮತ್ತೊಬ್ಬರ ಕಣ್ಣೀರೊರೆಸುವವರಾದರೂ ಯಾರು? ಎಂಬಂತಾಗಿದೆ ಎಲ್ಲರ ಪರಿಸ್ಥಿತಿ.

ಜಗತ್ತಿಗೆ ಅರಗಿಸಿಕೊಳ್ಳಲಾಗದ ವಿಷಮ ಸ್ಥಿತಿ ಎಂದರೆ ಲಾಕ್​ಡೌನ್ ಘಳಿಗೆ. ವಿಶೇಷವಾಗಿ ಮನೆಯಿಂದ, ಕುಟುಂಬಗಳಿಂದ ದೂರವಿರುವವರಿಗೆ ಇದು ಇನ್ನೂ ಕೆಟ್ಟ ಸಮಯ ಎಂದೇ ಹೇಳಬಹುದು.

ಇಂಥ ಉಸಿರುಗಟ್ಟುವ ವಾತಾವರಣದ ಮಧ್ಯೆಯೂ ಒಂದು ರೀತಿಯ ಭರವಸೆ ಮತ್ತು ನಕಾರಾತ್ಮಕತೆಯನ್ನು ತರಲು ಪ್ರಯತ್ನಿಸುತ್ತಿರುವ ಹಲವು ನಿದರ್ಶನಗಳು ನಮ್ಮ ಕಣ್ಮುಂದೆ ಹೇರಳವಾಗಿವೆ.

ಇದನ್ನೂ ಓದಿ: ಕರೊನಾ ಕದನ ಕೊನೆಯಾಯಿತೆಂದು ಘೋಷಿಸಿ ವಿದೇಶಿಗರಿಗೆ ಗಡಿ ತೆರೆದ ಸ್ಲೊವೇನಿಯಾ…!

ಇತ್ತೀಚೆಗೆ ಇಂತಹ ಆಕರ್ಷಕ ದೃಶ್ಯಾವಳಿಗಳಿಂದ ಸಾಮಾಜಿಕ ಜಾಲತಾಣ ತುಂಬಿಹೋಗಿದೆ. ಹೆಚ್ಚಾಗಿ ವೈದ್ಯಕೀಯ ಮತ್ತು ಪ್ರಪಂಚದಾದ್ಯಂತ ಪೊಲೀಸ್ ಸಿಬ್ಬಂದಿ ಕರ್ತವ್ಯದಲ್ಲಿದ್ದಾಗ, ಈ ಕಠಿಣ ಸಮಯದಲ್ಲಿ ಜನರ ಉತ್ಸಾಹವನ್ನು ಹೆಚ್ಚಿಸುವ ಯತ್ನ ನಡೆದಿವೆ. ಸಾವಿರಾರು ಜನರ ಮನಮುಟ್ಟಿದ ಅಂಥ ಒಂದು ದೃಶ್ಯಾವಳಿ ಇಲ್ಲೂ ಒಂದಿದೆ ನೋಡಿ.

ಒಬ್ಬ ಪೊಲೀಸ್ ಸಿಬ್ಬಂದಿ ಜಮ್ಮುವಿನಿಂದ ತಮ್ಮ ಮನೆಗಳಿಗೆ ಹೊರಟಿದ್ದ ರೈಲು ಪ್ರಯಾಣಿಕರ ಮುಂದೆ ಪ್ರದರ್ಶನ ನೀಡುತ್ತಾರೆ.

ಈ ಕೆಲ ದಿನಗಳ ಹಿಂದೆ ದೇಶದ ವಿವಿಧ ಭಾಗಗಳಿಗೆ ಪ್ರಯಾಣಿಸುವವರಿಗೆ ವಿಶೇಷ ರೈಲುಗಳನ್ನು ಕೇಂದ್ರ ಸರ್ಕಾರವು ಘೋಷಿಸಿತ್ತು.

ಇದನ್ನೂ ಓದಿ: ನಗೆಯುಕ್ಕಿಸುವಂತಿದೆ ಆನೆಯ ಸೋಷಿಯಲ್ ಡಿಸ್ಟೆನ್ಸಿಂಗ್ ಟೆಕ್ನಿಕ್

COVID ಸಮಯದಲ್ಲಿ ಜಮ್ಮುವಿನಿಂದ ಹೊರಟ ಮೊದಲ ರೈಲಿನ ಪ್ರಯಾಣಿಕರಿಗಾಗಿ ಹಾಡುತ್ತಿರುವುದಾಗಿ ಶೀರ್ಷಿಕೆ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಅಪಹರಣಕಾರರಿಂದ ಮಗುವನ್ನು ರಕ್ಷಿಸಿದರೂ ಕರೊನಾ ತೆಕ್ಕೆಯಿಂದ ಕಾಪಾಡಲಾಗಲಿಲ್ಲ..!

ಆಗ ಅವರ ಸಾಮಾಜಿಕ ಜಾಲತಾಣಗಳಲ್ಲಿ ನೆಟ್ಟಿಗರು ಅವರ ಅಭಿನಯವನ್ನು ಶ್ಲಾಘಿಸುವುದರ ಜೊತೆಗೆ ನಮಸ್ಕರಿಸಿ, ಅವರನ್ನು ‘ಕರೋನಾ ಸೇನಾನಿ ಎಂದು ಶ್ಲಾಘಿಸಿದ್ದಾರೆ. ಸುತ್ತಮುತ್ತಲಿನ ಜನರ ಮನೋಸ್ಥೈರ್ಯವನ್ನು ಹೆಚ್ಚಿಸಲು ಮತ್ತು ಈ ಕಠಿಣ ಸಮಯದಲ್ಲಿ ಅವರನ್ನು ಹುರಿದುಂಬಿಸಲು ಇಂತಹ ವಿಡಿಯೋಗಳು ತುಂಬಾ ಅಗತ್ಯವಾಗಿವೆ. ಮಾರಣಾಂತಿಕ ವೈರಸ್ ವಿರುದ್ಧದ ಈ ಹೋರಾಟದಲ್ಲಿ ಅವರು ಏಕಾಂಗಿಯಾಗಿಲ್ಲ ಎಂದು ಅವರಿಗೆ ಮನವರಿಕೆ ಮಾಡಿಕೊಡುವುದು ಸಹ ಮುಖ್ಯವಾಗಿದೆ.

https://www.vijayavani.net/journalist-and-migrant-labourer-interaction/