ಮೇಷ: ಈ ರಾಶಿಯಲ್ಲಿ ಅಶ್ವಿನಿ, ಭರಣಿ, ಕೃತ್ತಿಕಾ 3 ಪಾದಗಳು ಬರುವುದರಿಂದ ಗುರುವು ದ್ವಾದಶದಲ್ಲಿ ದುರ್ಬಲನಾಗಿದ್ದು, ಗುರು ಮೇಷ ರಾಶಿಗೆ ಬರುವವರೆಗೂ, ಶುಭ ಫಲಕ್ಕಾಗಿ ಕಾಯಬೇಕು. ಜನವರಿ 17ಕ್ಕೆ ಶನಿಯು ಏಕಾದಶಕ್ಕೆ ಬಂದು ನಿಂತು ಹೋದ ಕಾರ್ಯವನ್ನು ನಡೆಸಿ ನಿಮಗೆ ಧನ-ವೆಚ್ಚವನ್ನು ಕಡಿಮೆ ಮಾಡಿ ಲಾಭ, ಕೀರ್ತಿ, ಹೆಸರನ್ನು ತಂದುಕೊಡುತ್ತಾನೆ. ಮೇಷ ರಾಶಿಯವರು ಸೂರ್ಯನಾರಾಯಣನನ್ನು ಪೂಜಿಸಿದರೆ ವಿಶೇಷವಾದ ಪ್ರಗತಿಯೂ ಸಂತೋಷವೂ ಉಂಟಾಗುವುದು. ಸುಬ್ರಹ್ಮಣ್ಯ ದೇವರ ಆರಾಧನೆಯಿಂದ ಆರೋಗ್ಯವನ್ನು ಹಾಗೂ ಸಂಪತ್ತನ್ನು ವೃದ್ಧಿಸಿಕೊಳ್ಳಬೇಕು.
ಶುಭ ಸಂಖ್ಯೆ - 9
ವೃಷಭ: ಜನವರಿಯಿಂದ ಮಾ.21ರವರೆಗೂ ಗುರು ಏಕಾದಶ ಫಲವನ್ನು, ಶನಿಯು 94 ಫಲವನ್ನು ಕೊಟ್ಟು ಅಸಾಧ್ಯವಾದ ಕೆಲಸಗಳನ್ನು ಮಾಡಿಸುತ್ತಾನೆ. ಏ.21ರಿಂದ ಗುರುಬಲವು ಕ್ಷೀಣಿಸುತ್ತದೆ. ದ್ವಾದಶ ಗುರು ದತ್ತಾತ್ರೇಯನನ್ನು ಪೂಜಿಸಿದರೆ ಗುರುಬಲದಿಂದ ಶೇಕಡವಾರು 60 ಶುಭ ಫಲವನ್ನು ಪಡೆಯಬಹುದು. ದಶಮಕ್ಕೆ ಸ್ವಕ್ಷೇತ್ರ ಸರಿಬರುವುದರಿಂದ ಯಾವ ಕೆಡುಕು, ಅಪಕೀರ್ತಿ ಬರುವ ಸಾಧ್ಯತೆ ಇಲ್ಲ. ಆದಾಗ್ಯೂ 10ರ ಶನಿಗೆ ಶನಿ ಅಷ್ಟೋತ್ತರವನ್ನು, ದ್ವಾದಶ ಗುರುವಿಗೆ ಗುರು ಅಷ್ಟೋತ್ತರವನ್ನು ಪಾರಾಯಣ ಮಾಡಿ ಕಡಲೇಬೇಳೆ, ಬೆಲ್ಲವನ್ನು ದಾನವಾಗಿ ಕೊಡಬೇಕು. ಇದರಿಂದ ಶುಭಫಲವು ನಿಮ್ಮಂತೆ ನಡೆಯುತ್ತದೆ.
ಶುಭ ಸಂಖ್ಯೆ - 2
ಮಿಥುನ: ಅಷ್ಟಮ ಶನಿಯು ಒಂಬತ್ತಕ್ಕೆ ಬಂದು ಮೇಷದಲ್ಲಿ ಗುರು ಪ್ರವೇಶಿಸಿ ಏಕಾದಶ ಸ್ಥಾನದ ಫಲವನ್ನು ನೀಡುತ್ತಾನೆ. ಅಸಾಧ್ಯವಾದದ್ದನ್ನು ಸಾಧ್ಯ ಮಾಡಿಸಿ ನೀವು ಕಳೆದುಕೊಂಡ ವ್ಯಕ್ತಿತ್ವವನ್ನು, ಆರೋಗ್ಯವನ್ನು ನೀಡಿ ನಿಮ್ಮ ಸರ್ವತೋಮುಖ ಅಭಿವೃದ್ಧಿ ಹಾಗೂ ಯಶಸ್ಸನ್ನು ತಂದುಕೊಡುತ್ತಾನೆ. ಬುಧನೇ ಮಿಥುನಾಧಿಪತಿ ಆಗಿರುವುದರಿಂದ ಮಹಾವಿಷ್ಣುವನ್ನು ಪೂಜಿಸಿ. ಶ್ರೀ ವೆಂಕಟೇಶ್ವರ ಸಹಸ್ರನಾಮ ಪಾರಾಯಣ ಮಾಡಿದರೆ ನೀವು ಅಧಿಕ ಲಾಭವನ್ನೂ ಸುಖವನ್ನೂ ಪಡೆಯಬಹುದು.
ಶುಭ ಸಂಖ್ಯೆ - 3
ಕಟಕ: ಸಪ್ತಮ ಶನಿಯು ಅಷ್ಟಮಕ್ಕೆ ಸರಿದು ಸ್ವಕ್ಷೇತ್ರಕ್ಕೆ ಬರುವುದರಿಂದ ಯಾವ ರೀತಿಯ ಶರೀರ ದೌರ್ಬಲ್ಯವಾಗಲಿ, ನಷ್ಟಗಳಾಗಲಿ ಆಗುವುದಿಲ್ಲ. ಒಂಬತ್ತರಲ್ಲಿ ಮೀನ ರಾಶಿಯ ಗುರುವು ಸಾಮರ್ಥ್ಯವನ್ನು, ಆರೋಗ್ಯವನ್ನು ಶುಭ ಚಿಂತನೆಗಳನ್ನು ನೀಡಿ ಕಾರ್ಯ ಸಾಧಿಸುತ್ತಾನೆ. ಏ.21ರ ನಂತರದಲ್ಲಿ ಗುರು 10ನೇ ಮನೆಗೆ ಬರುವುದರಿಂದ ವಿಚಾರಗಳನ್ನು, ವಿಷಯಗಳನ್ನು ಸಮತೋಲನದಲ್ಲಿ ಇಟ್ಟು ಸಾಧಕ-ಬಾಧಕಗಳನ್ನು ಅರಿತು ಕೆಲಸ ಮಾಡಿಕೊಳ್ಳಿ. ‘ಚಂದ್ರಮಾ ಮನಸೋ ಜಾತಃ’ ಎಂಬ ಶ್ಲೋಕಾರ್ಥದಲ್ಲಿ ನಿಮ್ಮ ಮನಸ್ಸೆಂಬುದು ಚಂದ್ರನೇ ಆಗಿರುವುದರಿಂದ ಉದ್ವೇಗ ಬೇಡ. ಶಿವಾರ್ಥವನ್ನು ಮಾಡಬೇಕು. ಸೋಮವಾರದಂದು ಚಂದ್ರಾಷ್ಟಕ ಪಾರಾಯಣ ಮಾಡಬೇಕು.
ಶುಭ ಸಂಖ್ಯೆ - 5
ಸಿಂಹ: ಜನವರಿ 1ರಿಂದ 17ರ ವರೆಗೂ ಶನಿಯು ಷಷ್ಠದಲ್ಲಿದ್ದು ಆನಂತರ ಸಪ್ತಮಕ್ಕೆ ಬಂದು ಸೇರುತ್ತಾನೆ. ಗುರುವು ಸ್ವಕ್ಷೇತ್ರದಲ್ಲಿ ಅಷ್ಟಮದಲ್ಲಿ ತನ್ನ ಸ್ವಂತ ಮನೆಯಲ್ಲಿ ಇರುವುದರಿಂದ ಯಾವ ಆತಂಕವೂ ಬಾರದೆ ಪೂರ್ವಜನ್ಮದ ಪುಣ್ಯವು ನಿಮ್ಮನ್ನು ಸದೃಢವಾಗಿ ಕಾಪಾಡಿ ಏ.21ರಿಂದ ಗುರುವು 9ಕ್ಕೆ ಬಂದು ನಿಮ್ಮ ಜೀವನದ ಪ್ರಯಾಣವು ಸುಖಕರವಾಗಿದ್ದು, ನಿರೀಕ್ಷಿತ ಮಟ್ಟದಲ್ಲಿ ಲಾಭವು, ಧೈರ್ಯ, ಕೀರ್ತಿ ಯಶಸಸ್ಸನ್ನು ಕೊಟ್ಟು ನಿಮ್ಮನ್ನು ಬೆಳೆಸಿ, ಉಳಿಸಿ, ಆರೋಗ್ಯವನ್ನು ಇಟ್ಟು ಸಲಹುತ್ತಾನೆ. ಆದಿತ್ಯಹೃದಯ ಪಾರಾಯಣವನ್ನು ಸಿಂಹ ರಾಶಿಯವರು ಮಾಡಲೇಬೇಕು. ಸಿಂಹಕ್ಕೆ, ಸಿಂಹವಾಹನಕ್ಕೆ ಅಧಿಪತಿ ದುರ್ಗೆ ಆಗಿರುವುದರಿಂದ ದುರ್ಗಾಷ್ಟ್ರೆೊತ್ತರ ಪಾರಾಯಣ ಮಾಡಿ ಆನಂದವನ್ನು, ಸುಖವನ್ನು ತಂದುಕೊಳ್ಳಿರಿ.
ಶುಭ ಸಂಖ್ಯೆ - 1
ಕನ್ಯಾ: ಈ ರಾಶಿಯವರಿಗೆ ಪಂಚಮ ಶನಿಯು ಷಷ್ಠಕ್ಕೆ ಹೋಗಿ ತಮಗೆ ತಮಗೆ ಆಗಿರುವ ನಷ್ಟ, ಕಷ್ಟವನ್ನು ದೂರ ಮಾಡಿ ವಿಶೇಷವಾದ ಯೋಗಗಳನ್ನು ಕೊಟ್ಟು ನಿಮ್ಮ ಮನೆಯಲ್ಲಿ ಮಂಗಳಕಾರ್ಯವನ್ನು ನಡೆಸುತ್ತಾನೆ. ಸಪ್ತಮದಲ್ಲಿ ಗುರುಬಲ ಇರುವುದರಿಂದ ಏ.21ರವರೆಗೂ ವಿಪರೀತ ರಾಜಯೋಗ ಹರಿದುಬಂದು ಋಣಬಾಧೆ ಕಳೆದುಕೊಂಡು ಸುಖ, ಸಂತೋಷದಲ್ಲಿ ಬಾಳುವ ಕಾಲವನ್ನು ಚೆನ್ನಾಗಿ ಉಪಯೋಗಿಸಿಕೊಂಡು ಜೀವನದಲ್ಲಿ ಬೇಕಾದ ಅಪೇಕ್ಷೆಯನ್ನು ಈಡೇರಿಸಿಕೊಳ್ಳಬಹುದು. ಗುರುವು ಏ.21ಕ್ಕೆ ಅಷ್ಟಮಕ್ಕೆ ಬರುತ್ತಾನೆ. ಶ್ರದ್ಧಾ-ಭಕ್ತಿಯಿಂದ ಗುರುಸೇವೆ ಮಾಡಿ ನಿಮ್ಮ ಜೀವನದಲ್ಲಿ ಮಾರ್ಗ ಹಾಕಿಕೊಟ್ಟ ಗುರುವಿಗೆ ವಂದಿಸಿ ಗುರು ಪ್ರಿತ್ಯರ್ಥವಾಗಿ ಸುಗಂಧ, ದ್ರವ್ಯಾದಿಗಳನ್ನು ಕೊಟ್ಟು ಆಶೀರ್ವಾದ ಪಡೆಯಿರಿ. ವಿಷ್ಣುಸಹಸ್ರನಾಮ ಪಾರಾಯಣ ಮಾಡುವುದನ್ನು ಮರೆಯಬೇಡಿ.
ಶುಭ ಸಂಖ್ಯೆ - 7.
ತುಲಾ: ಈ ಸಂವತ್ಸರದಲ್ಲಿ ಎರಡು ಗ್ರಹಣಗಳು ಬಂದುಹೋಗಿವೆ. ದೀಪಾವಳಿಯಂದು ಬಂದ ಗ್ರಹಣವು ನಿಮಗೆ ಶುಭವಾಗಿ ಪರಿಣಮಿಸಿ ಅದರ ಫಲವನ್ನು ಈಗ ನಿರೀಕ್ಷಿಸಬಹುದು. ಚತುರ್ಥದಲ್ಲಿ ಶನಿಯು ಸ್ವಕ್ಷೇತ್ರ ಪಂಚಮಕ್ಕೆ ಬಂದು, ಮೇಷದಲ್ಲಿ ಗುರುವು ಸಪ್ತಮಕ್ಕೆ ಬರುವುದು ಶುಭ ಸಂಕೇತವಾಗಿದೆ. ನಿಮ್ಮ ಕಾರ್ಯಾಚರಣೆಯಲ್ಲಿ ಛಲದಿಂದ ಕಾರ್ಯವನ್ನು ಸಾಧಿಸಿ ಕೀರ್ತಿಯನ್ನು ಸಂಪಾದಿಸುವ ಕಾಲವು ನಿಮಗೆ ಒದಗಿ ಬಂದಿದೆ. ಪಂಚಮ ಶನಿಯು ಸ್ವಕ್ಚೇತ್ರದಲ್ಲಿರುವುದರಿಂದ ಚಿಂತೆ ಮಾಡುವ ಅಗತ್ಯ ಇಲ್ಲ. ಆದರೆ, ರಾಶ್ಯಾಧಿಪತಿ ಶುಕ್ರನಿಗೆ ಚಾಮುಂಡೇಶ್ವರಿಯನ್ನು ಪೂಜಿಸಿ ಖಡ್ಗಮಾಲಾ ಸ್ತೋತ್ತವನ್ನು ಪಾರಾಯಣ ಮಾಡಿ ಕಾರ್ಯಕ್ಷೇತ್ರದಲ್ಲಿ ಕೀರ್ತಿಯನ್ನು, ನಿಧಿಯನ್ನು ಪಡೆಯಬಹುದು.
ಶುಭ ಸಂಖ್ಯೆ - 4.
