ಹೆಲ್ಮೆಟ್​ ಹಾಕಿಲ್ಲ ಎಂದು ಕಾರು ಮಾಲೀಕನಿಗೆ ನೋಟಿಸ್​ ಕಳಿಸಿದ ಟ್ರಾಫಿಕ್​ ಪೊಲೀಸರು! ಮಂಗಳೂರಲ್ಲಿ ಘಟನೆ

ಮಂಗಳೂರು: ಹೆಲ್ಮೆಟ್​ ಧರಿಸದೆ ದ್ವಿಚಕ್ರ ವಾಹನದಲ್ಲಿ ಸಂಚರಿಸುವಂತಿಲ್ಲ. ನಿಯಮ ಉಲ್ಲಂಘಿಸಿದರೆ ಟ್ರಾಫಿಕ್​ ಪೊಲೀಸರು ದಂಡ ಹಾಕ್ತಾರೆ. ಆದರೆ, ಅಟೋಮೇಶನ್​ನ ಎಡವಟ್ಟಿನಿಂದಾಗಿ ಮಂಗಳೂರಲ್ಲಿ ಕಾರು ಮಾಲೀಕರೊಬ್ಬರಿಗೆ ಹೆಲ್ಮಟ್​ ಧರಿಸಿಲ್ಲ ಎಂದು ಪೊಲೀಸರು ನೋಟಿಸ್​ ಕೊಟ್ಟಿದ್ದಾರೆ!

ನಗರದ ಮಂಗಳಾದೇವಿ ರಸ್ತೆಯಲ್ಲಿ ನ.29ರಂದು ಕಾರಿನ ಮಾಲೀಕರೊಬ್ಬರು ತೆರಳಿದ್ದು, ಅವರಿಗೆ ಸಂಚಾರಿ ಠಾಣೆಯಿಂದ ಸಹಸವಾರ ಹೆಲ್ಮೆಟ್​ ಹಾಕಿಲ್ಲ ಎಂಬ ಕಾರಣವೊಡ್ಡಿ ಡಿ.22ರಂದು 500ರೂ. ದಂಡದ ನೋಟಿಸ್​ ಹೋಗಿದೆ. ಇದನ್ನು ನೋಡಿ ಶಾಕ್​ ಆದ ಕಾರಿನ ಮಾಲೀಕರು ಪರಿಶೀಲನೆಗೆ ಮುಂದಾದಾಗ ಅಟೋಮೇಶನ್​ ಸೆಂಟರ್​ನಲ್ಲಿ ಎಡವಟ್ಟಾಗಿರುವುದು ಬಯಲಾಗಿದೆ.

ಕಾರಿನ ಮಾಲೀಕರು ರಸ್ತೆಯಲ್ಲಿ ತೆರಳುತ್ತಿದ್ದಾಗ ಅದೇ ಅವಯಲ್ಲಿ ಇಬ್ಬರು ಯುವಕರು ಬೈಕ್​ನಲ್ಲಿ ತೆರಳುತ್ತಿದ್ದರು. ಇವರಲ್ಲಿ ಒಬ್ಬ ಹೆಲ್ಮೆಟ್​ ಧರಿಸದೆ ಚಲಿಸುತ್ತಿದ್ದು, ಆ ವಾಹನದ ಮೇಲೆ ದಂಡ ದಾಖಲಿಸಬೇಕಿತ್ತು. ಆದರೆ ಅಟೋಮೇಶನ್​ ಸೆಂಟರ್​ನಲ್ಲಿ ನಂಬರ್​ ಗಮನಿಸುವಲ್ಲಿ ಎಡವಟ್ಟಾಗಿದ್ದು, ಬೈಕ್​ನ ಬದಲು ಕಾರಿನ ನಂಬರ್​ ದಾಖಲಾಗಿದೆ. ಇದರಿಂದ ಕಾರಿನ ಮಾಲೀಕರಿಗೆ ದಂಡದ ನೋಟಿಸು ಕಳುಹಿಸಲಾಗಿದೆ ಎಂದು ತಿಳಿದು ಬಂದಿದೆ.

https://www.vijayavani.net/illicit-relationship-kanakapura-woman-life-is-tragic-end-by-lover/

https://www.vijayavani.net/pancharatna-yatra-belonging-to-asia-book-of-records-india-book-of-records/

https://www.vijayavani.net/former-mla-suresh-gowda-againest-jds-and-police-si/

https://www.vijayavani.net/school-boy-went-to-play-tragic-end/