ಏನಿದು ಬಹುಸೇವಾ ಕೇಂದ್ರ?: ಕೇವಲ ಸಹಕಾರ ಸಂಘಗಳ ರೀತಿ ಕಾರ್ಯ ನಿರ್ವಹಿಸುತ್ತಿರುವ ಪ್ಯಾಕ್ಸ್ಗಳನ್ನು ಮೇಲ್ದರ್ಜೆಗೇರಿಸಿ ಚಟುವಟಿಕೆಗಳನ್ನು ಇನ್ನಷ್ಟು ವಿಸ್ತಾರಗೊಳಿಸುವುದು ಯೋಜನೆಯ ಉದ್ದೇಶ. ಗ್ರಾಮೀಣ ಭಾಗದಲ್ಲಿ ರೈತರಿಗೆ ಅಗತ್ಯವಾದ ಎಲ್ಲ ರೀತಿಯ ಸೌಲಭ್ಯಗಳು ಒಂದೆಡೆ ಸಿಗಬೇಕು ಎಂಬುದು ಆಶಯವಾಗಿದೆ. ಪಶು ಆಹಾರ, ರಸಗೊಬ್ಬರ, ಬಿತ್ತನೆ ಬೀಜಗಳ ಜತೆಗೆ ಗೋದಾಮು ನಿರ್ವಿುಸಿಕೊಂಡು ರೈತರು ಬೆಳೆದ ಕೃಷಿ ಉತ್ಪನ್ನಗಳ ದಾಸ್ತಾನು ಮಾಡುವುದು, ಶೀತಲಗೃಹಗಳ ನಿರ್ವಣದ ಮೂಲಕ ರೈತರಿಗೆ ನೆರವಾಗುವುದು, ಕೃಷಿ ಯಂತ್ರೋಪಕರಣಗಳ ಮಾರಾಟ ಹಾಗೂ ಬಾಡಿಗೆ ನೀಡುವುದು, ಪಡಿತರ ಮಾರಾಟ... ಹೀಗೆ ಪ್ಯಾಕ್ಸ್ಗಳು ತಮ್ಮ ಚಟುವಟಿಕೆಗಳನ್ನು ವಿಸ್ತಾರ ಮಾಡಿಕೊಳ್ಳುತ್ತವೆ ಎಂದು ಹೇಳುತ್ತಾರೆ ಸಹಕಾರ ಇಲಾಖೆಯ ಅಧಿಕಾರಿಗಳು.
